ദില്ലി:പാല്‍ഘര്‍ ആള്‍ക്കൂട്ട കൊലപാതവുമായി ബന്ധപ്പെട്ട് നടത്തിയ ചാനല്‍ ചര്‍ച്ചക്കിടെ സോണിയ ഗാന്ധിക്കെതിരെ അധിക്ഷേപകരമായ പരാമര്‍ശം അര്‍ണബ് ഗോസ്വാമി നടത്തിയിരുന്നു.മുസ്‍ലിം പണ്ഡിതന്മാരും ക്രിസ്ത്യന്‍ വൈദികരും ഇത്തരത്തില്‍ കൊലചെയ്യപ്പെടുമ്പോള്‍ ഈ രാജ്യം മൗനം തുടരുമോയെന്നും സോണിയാ ഗാന്ധി അപ്പോഴും നിശബ്ദയായിരിക്കുമോ എന്നുമായിരുന്നു അര്‍ണബ് ചാനല്‍ ചര്‍ച്ചക്കിടെ ചോദിച്ചത്.കോണ്‍ഗ്രസ് പ്രവര്‍ത്തകര്‍ തന്നെ ആക്രമിക്കാന്‍ ശ്രമിച്ചതായി റിപബ്ലിക് ടിവി എഡിറ്റര്‍ ഇന്‍ ചീഫ് അര്‍ണബ് ഗോസ്വാമി. ബുധനാഴ്ച രാത്രി വീട്ടിലേക്ക് തിരികെ വരുമ്പോള്‍ തന്നെയും ഭാര്യയെയും യൂത്ത് കോണ്‍ഗ്രസ് പ്രവര്‍ത്തകര്‍ ആക്രമിക്കുകയായിരുന്നുവെന്നാണ് അര്‍ണബ് വീഡിയോ സന്ദേശത്തില്‍ ആരോപിക്കുന്നത്. ബൈക്കിലെത്തിയ രണ്ട് പേര്‍ തന്റെ കാര്‍ മറികടന്ന് തടഞ്ഞു നിര്‍ത്തുകയും കാറിന്റെ വിന്‍ഡോ തകര്‍ക്കാന്‍ ശ്രമിക്കുകയും ചെയ്തുവെന്നും എന്തോ ദ്രാവകം കാറിനു മുകളിലേക്ക് ഒഴിക്കുകയും ചെയ്തുവെന്നും അര്‍ണബ് പറയുന്നു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

അർണബ് ഗോസ്വാമി-സോണിയ ഗാന്ധി വിവാദത്തോടെ വീണ്ടും സോണിയാ ഗാന്ധിയുടെ ചരിത്രം ചികയുകയാണ് സോഷ്യൽ ലോകം. സോണിയാ ഗാന്ധി ഇന്ത്യൻ നാഷണൽ കോൺഗ്രസ്സിന്റെ മുൻ പ്രസിഡന്റും, ഇന്ത്യയുടെ മുൻ പ്രധാനമന്ത്രി രാജീവ് ഗാന്ധിയുടെ വിധവയുമാണ്. കോൺഗ്രസിന്റെ അദ്ധ്യക്ഷപദവി ഏറ്റവും കൂടുതൽ കാലം വഹിച്ച നേതാവെന്ന ഖ്യാതി സോണിയ ഗാന്ധിയുടെ പേരിലാണ്‌

പാൽഘർ ആൽക്കൂട്ടകൊലയുമായി ബന്ധപ്പെട്ടുള്ള ചാനൽ ചർച്ചയിൽ സോണിയ ഗാന്ധിയ്ക്കെതിരെ അർണബ് നടത്തിയ അപകീർത്തി പരമാർശങ്ങളാണ് വിവാദങ്ങൾക്ക് വഴിവെച്ചത്. ഇതോടെ സോണിയയുടെ യഥാർത്ഥ പേരും അവർ രാജീവ് ഗാന്ധിയെ കണ്ടുമുട്ടിയതും ഇന്ത്യയിലെത്തിയതും സംബന്ധിച്ചുള്ള പല കഥകളും സോഷ്യൽ മീഡിയയിൽ വീണ്ടും സജീവ ചർച്ചയായി. സോണിയ ബാർ ഡാൻസർ ആണെന്നായിരുന്നു ഇക്കൂട്ടത്തിൽ പ്രചരിച്ച കഥ. ശരിക്കും അവർ ബാർ ഡാൻസറായിരുന്നോ? സോണിയയുടെ ആദ്യകാല ജീവിതം, വിദ്യാഭ്യാസം, രാഷ്ട്രീയ ജീവിതം എന്നിവയെ കുറിച്ച് അറിയാം

റോമൻ കാത്തലിക് കുടുംബത്തിൽ 1946 ഡിസംബർ 9 ന് ഇറ്റലിയിലെ വിസെൻസയ്ക്കടുത്തുള്ള ഒരു ചെറിയ ഗ്രാമത്തിൽ ഒരു പരാമ്പരാഗത റോമൻ കാത്തലിക് കുടുംബത്തിലാണ് എഡ്വിജ് അന്റോണിയ ആൽബിന മൈനോ (സോണിയ ഗാന്ധി) ജനിച്ചത്. സോണിയയുടെ പിതാവ് സ്റ്റെഫാനോ കെട്ടിട നിർമ്മാണ മേഖലയുമായി ബന്ധപ്പെട്ട് തൊഴിലെടുക്കുന്നയാളായിരുന്നു.

ഇറ്റാലിയൻ സ്വേച്ഛാധിപതി മുസ്സോളിനിയുടെയും ഇറ്റലിയിലെ നാഷണൽ ഫാസിസ്റ്റ് പാർട്ടിയുടെയും വിശ്വസ്ത പിന്തുണക്കാരനായിരുന്നു സ്റ്റെഫാനോ.പതിമൂന്നാം വയസ്സിൽ സ്കൂൾ വിദ്യാഭ്യാസം പൂർത്തിയാക്കിയ സോണിയ ഒരു ഫ്ലൈറ്റ് അറ്റൻഡന്റ് ആകാനാണ് ആഗ്രഹിച്ചിരുന്നത്. പ്രാദേശിക കത്തോലിക്കാ സ്കൂളുകളിൽ പ്രാഥമിക വിദ്യാഭ്യാസം നേടിയ ശേഷം അവർ 1964 ൽ കേംബ്രിഡ്ജിലെ ബെൽ എഡ്യൂക്കേഷണൽ ട്രസ്റ്റിന്റെ ഭാഷാ സ്കൂളിൽ ഇംഗ്ലീഷ് പഠനത്തിന് ചേർന്നു.

1964 ലാണ് സോണിയ ഗാന്ധി രാജീവ് ഗാന്ധിയെ കണ്ടുമുട്ടുന്നത്. സോണിയ ബാർ ജാൻസറായി ജോലി ചെയ്യുമ്പോഴായിരുന്നു രാജീവ് ഗാന്ധിയെ പരിചയപ്പെട്ടതെന്നതാണ് പ്രചരിക്കുന്ന കഥകൾ. എന്നാൽ ഇവർ കേംബ്രിഡ്ജ് വാഴ്സിറ്റി റൂഫ്ടോപ് ബാറിലെ അറ്റന്റർ ആയിരുന്നു. ഇവിടെ വെച്ചാണ് രാജീവും സോണിയയും കണ്ടുമുട്ടുന്നത്. അക്കാലത്ത് കാംബ്രിഡ്ജിലെ ട്രിനിറ്റി കോളേജിൽ എൻജിനിയറങ്ങിന് പഠിക്കുകയായിരുന്നു രാജീവ് ഗാന്ധി.

പിന്നീട് പ്രണയത്തിലായ ഇരുവരും 1968 ൽ വിവാഹിതരായി. അതിന് ശേഷം ഇന്ത്യയിലേക്ക് മടങ്ങി. രാഷ്ട്രീയത്തിൽ നിന്നും വിട്ടുനിൽക്കാനായിരുന്നു ഇരുവരും ആഗ്രഹിച്ചത്. രാജീവ് ഗാന്ധി എയർലൈൻ പൈലറ്റായി ജോലി ചെയ്യുകയായിരുന്നു. സോണിയ ഗാന്ധി വീട്ടമ്മയായും കഴിഞ്ഞു.

1980 ജൂൺ 23 ന് ഇളയ സഹോദരൻ സഞ്ജയ് ഗാന്ധി കൊല്ലപ്പെട്ടശേഷം 1982 ഓടെയൊണ് രാജീവ് ഗാന്ധി രാഷ്ട്രീയത്തിൽ പ്രവേശിക്കുന്നത്. 1984 ലാണ് സോണിയ ഗാന്ധി രാഷ്ട്രീയത്തിലേക്ക് ചുവടുവെയ്ക്കുന്നത്. ആ വർഷം രാജീവ് ഗാന്ധിക്ക് വേണ്ടി അമേഠിയിൽ അവർ സഞ്ജീവ് ഗാന്ധിയുടെ ഭാര്യയായിരുന്ന മനേക ഗാന്ധിക്കെതിരെ തിരഞ്ഞെടുപ്പ് പ്രചരണം നടത്തി.

1991 ൽ രാജീവ് ഗാന്ധി കൊല്ലപ്പെട്ടതിന് ശേഷമാണ് അവർ രാഷ്ട്രീയത്തിൽ സജീവമായത്. 91 ൽ പ്രധാനമന്ത്രിയാകാൻ സോണിയയോടെ കോൺഗ്രസ് ആവശ്യപ്പെട്ടെങ്കിലും അവർ തയ്യാറായില്ല. പകരം പിവി നരസിംഹറാവു പ്രധാനമന്ത്രിയായി. 1997 ലാണ് സോണിയ ഗാന്ധി ഔദ്യോഗികമായി കോൺഗ്രസിൽ അംഗത്വം എടുക്കുന്നത്.  98 ൽ അവർ പാർട്ടി അധ്യക്ഷയായി. സോണിയയെ പ്രധാനമന്ത്രിയാക്കാനുള്ള ശ്രമം കോൺഗ്രസ് ആരംഭിച്ചു. എന്നാൽ കോൺഗ്രസിന്റെ മൂന്ന് മുതിർന്ന നേതാക്കളായ ശരദ് പവാർ, പി എ. സാങ്മ, താരിഖ് അൻവർ എന്നിവർ ഇതിനെ എതിർത്തു. സോണിയ വിദേശ വനിതയാണെന്ന് ചൂണ്ടിക്കാട്ടിയായിരുന്നു ഇവർ എതിർപ്പ് പ്രകടിപ്പിച്ചത്. രണ്ട് മണ്ഡലങ്ങളിൽ ഇതോടെ പാർട്ടിയിൽ നിന്നും രാജിവെയ്ക്കാൻ തയ്യാറാണെന്ന് സോണിയ പ്രഖ്യാപിച്ചു. എതിർപ്പ് ഉന്നയിച്ച നേതാക്കളെ പാർട്ടിയിൽ നിന്നും പുറത്താക്കുകയും ചെയ്തു. 1999 ൽ അവർ തിരഞ്ഞെടുപ്പിൽ മത്സരിച്ചു. അമേഠിയും കർണാടകത്തിലെ ബെല്ലാരിയിൽ നിന്നുമായിരുന്നു മത്സരിച്ചത്. ഇരു മണ്ഡലങ്ങിലും വിജയിച്ച സോണിയ പിന്നീട് അമേഠി നിലനിർത്തി.

The post അറിയുമോ എഡ്വിജ് അന്റോണിയ ആൽബിന മൈനോ എന്ന സോണിയ ഗാന്ധിയെ? ‘സോണിയ രാജീവ് ഗാന്ധിയെ പരിചയപ്പെട്ടത് ബാർ ഡാൻസറായിരിക്കെ’?സത്യവും മിഥ്യയും appeared first on Daily Indian Herald.

ന്യൂയോർക്ക്: ലോകത്ത് കൊവിഡ് ബാധിച്ച് മരിച്ചവരുടെ എണ്ണം 1,90,549 ആയി. രോഗബാധിതരുടെ എണ്ണം 27 ലക്ഷം പിന്നിട്ടു. അമേരിക്കയിലാണ് സ്ഥിതി ഏറ്റവും ഗുരുതരം. അരലക്ഷത്തോളം പേരാണ് യു.എസിൽ കൊവിഡ് ബാധിച്ച് മരിച്ചത്.(52,061) രോഗികളുടെ എണ്ണം എട്ടരലക്ഷം കടന്നു. കഴിഞ്ഞ ദിവസം ന്യൂയോർക്ക് സിറ്റിയിലെ ബ്രോങ്ക്സ് മൃഗശാലയിൽ നാല് കടുവകൾക്കും മൂന്ന് സിംഹങ്ങൾക്കും കൂടി കൊവിഡ് സ്ഥിരീകരിച്ചിരുന്നു.24 മണിക്കൂറിനിടയിൽ യുഎസിൽ കോവിഡ് മരണം 3332.

തൊഴിൽനഷ്ടമായവർക്കുള്ള സഹായധനത്തിന് കഴിഞ്ഞ അഞ്ചാഴ്ചയ്ക്കിടെ അപേക്ഷിച്ചത് 2.6 കോടി പേർ. അമേരിക്കക്കാരിൽ ആറുപേരിൽ ഒരാൾക്കു വീതം തൊഴിൽനഷ്ടം. 1930കളിലെ മഹാമാന്ദ്യത്തിനുശേഷം ഇതാദ്യം. വ്യവസായങ്ങൾക്കും ആശുപത്രികൾക്കും 50,000 കോടി ഡോളർ സഹായപദ്ധതി യുഎസ് ജനപ്രതിനിധി സഭ പാസാക്കി.ലാറ്റിനമേരിക്കൻ, കരീബിയൻ രാജ്യങ്ങളിലെയും ആഫ്രിക്കയിലെ ചില പ്രദേശങ്ങളിലെയും വൈറസ് വ്യാപനം വർധിക്കുന്നത് ആശങ്കയുണർത്തുന്നുവെന്ന് ലോകാരോഗ്യ സംഘടന (ഡബ്ല്യുഎച്ച്ഒ). വൈറസ് നമ്മുടെ കൂടെ ദീർഘകാലം ഉണ്ടാവും എന്നതിന്റെ സൂചനയാണിതെന്ന് ഡബ്ല്യുഎച്ച്ഒ മേധാവി ടെഡ്രോസ് ആദാനം പറഞ്ഞു.ലാറ്റിനമേരിക്ക, കരീബിയൻ രാജ്യങ്ങൾ ∙ ആകെ മരണം 6200 കവിഞ്ഞു. ഏറ്റവും കൂടുതൽ രോഗികളുള്ള  ബ്രസീലിൽ മരണം 3,343. മെക്സിക്കോയിൽ രോഗികൾ 11,633; മരണം 1,069

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
സ്ഥിതി ഗുരുതരമായി തുടരുന്നതിനിടയിലും നിയന്ത്രണങ്ങൾ പിൻവലിക്കണമെന്നാവശ്യപ്പെട്ട് അമേരിക്കയിൽ പ്രതിഷേധം തുടരുകയാണ്. വൈറസിന് പിന്നാലെ യു.എസിൽ വിദേശികൾ ഉൾപ്പെടെ നിരവധി പേർക്ക് ജോലി നഷ്ടപ്പെട്ടു. ജോലി നഷ്ടപ്പെട്ടവരിൽ ആറിലൊന്ന് അമേരിക്കക്കാരാണെന്ന് റിപ്പോർട്ടുണ്ട്. ഈ ആഘാതത്തിൽ നിന്ന് കരകയറാൻ ജോർജ്ജിയ, സൗത്ത് കരോലിന, ടെന്നസി എന്നീ സംസ്ഥാനങ്ങൾ പ്രസിഡന്റ് ഡൊണാൾഡ് ഡൊണാൾഡ് ട്രംപിന്റെ പിന്തുണയോട സാമ്പത്തികരംഗം തുറക്കാനുള്ള തയ്യാറെടുപ്പിലാണ്.അതേസമയം, സ്‌പെയിനിലും ഇറ്റലിയിലും ഇന്നലെ മാത്രം നാനൂറിലധികം മരണങ്ങളാണ് റിപ്പോർട്ട് ചെയ്തിരിക്കുന്നത്.

ഇറ്റലിയിൽ കൊവിഡ് ബാധിച്ച് മരിച്ചവരുടെ എണ്ണം 25,549 ആയി ഉയർന്നു. സ്‌പെയിനിൽ 22,157പേരാണ് മരിച്ചത്. ഫ്രാൻസിൽ ഇന്നലെ അഞ്ഞൂറിൽ കൂടുതൽ മരണങ്ങൾ റിപ്പോർട്ട് ചെയ്തു.ബ്രിട്ടണിൽ കഴിഞ്ഞ 24 മണിക്കൂറിനിടെ 600 ൽ കൂടുതലാളുകൾ മരിച്ചു. രാജ്യത്ത് മനുഷ്യരിൽ കൊവിഡ് വാക്സിൻ പരീക്ഷണം ഇന്നലെ മുതൽ ആരംഭിച്ചിട്ടുണ്ട്. ഓക്സ്‌ഫോർഡ് സർവകലാശാലയിലെ ഗവേഷകർ വികസിപ്പിച്ചെടുത്ത വാക്സിന്റെ ആദ്യ ഘട്ട പരീക്ഷണത്തിൽ പങ്കാളികളാകാൻ 18 നും 55നും ഇടയിൽ പ്രായമുള്ള 510 പേർ മുന്നോട്ട് വന്നിട്ടുണ്ട്. ജർമ്മനിയും സമാന പരീക്ഷണങ്ങൾ ആരംഭിച്ചിട്ടുണ്ട്.

The post യുഎസിൽ കോവിഡ് മരണം അരലക്ഷം.ഇറ്റലിയിൽ മരിച്ചവരുടെ എണ്ണം 25,549 ആയി ലോകത്ത് കൊവിഡ് ബാധിതരുടെ എണ്ണം 27 ലക്ഷം പിന്നിട്ടു, മരണം 1.9 ലക്ഷം. appeared first on Daily Indian Herald.

കോട്ടയം: പ്രായപൂ‌ർത്തിയാവുമ്പോൾ വിവാഹം കഴിക്കാമെന്ന് പറഞ്ഞ് പ്രല്ലോഭിപ്പിച്ച് 13 കാരിയെ സ്ഥിരമായി പീഡിപ്പിച്ചുവന്ന 22 കാരൻ അറസ്റ്റിൽ. പെൺകുട്ടി ഗർഭിണിയാണെന്ന് അറിഞ്ഞതോടെ നാടുവിടാൻ പദ്ധതി തയാറാക്കുന്നതിനിടയിൽ മരങ്ങാട്ടുപിള്ളി സി.ഐ എസ്.സനോജ് ആണ് യുവാവിനെ അറസ്റ്റ് ചെയ്തത്. വാഗമൺ കുരിശുമല വഴിക്കടവ് മുതിരക്കാലായിൽ വീട്ടിൽ ജോബിനാണ് അറസ്റ്റിലായത്. പെൺകുട്ടിയുടെ ബന്ധുക്കൾ നല്കിയ പരാതിയെ തുടർന്നാണ് അറസ്റ്റ്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

വീട്ടിൽ ആരുമില്ലാത്ത സമയങ്ങളിലാണ് ഇയാൾ പെൺകുട്ടിയെ പീഡിപ്പിച്ചുവന്നത്. ഗർഭിണിയാണെന്ന് അറിഞ്ഞതോടെ ഗർഭം അലസിപ്പിക്കാൻ പെൺകുട്ടിയെ നിർബന്ധിച്ചുവെങ്കിലും കൊവിഡ് മൂലം ആശുപത്രിയിൽ പോവാൻ സാധിച്ചില്ല. ഇതോടെയാണ് വീട്ടുകാർ മകൾ ഗർഭിണിയാണെന്ന് അറിഞ്ഞത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.

The post പതിമൂന്നുകാരിയെ വിവാഹ വാഗ്ദ്ധാനം നൽകി നിരന്തരം പീഡനത്തിനിരയാക്കി.. appeared first on Daily Indian Herald.

വാഷിംഗ്ടൺ: ഇന്ത്യയില്‍ കൊറോണ ബാധിതരുടെ എണ്ണം 23000 കടന്നു; ജീവന്‍ നഷ്ടമായത് 775 പേര്‍ക്ക് ജീവൻ നഷ്ടമായി .കടുത്ത നിയത്രണങ്ങളോടെ ആണ് ഇന്ത്യ കൊറോണയെ നേരിടുന്നത് .അതേസമയം കൊവിഡിനെ തുരത്താൻ മുന്നിൽ നിൽക്കുന്ന ആരോഗ്യ പ്രവർത്തകർക്ക് നേരെയുള്ള അതിക്രമങ്ങൾ തടയാൻ നിയമം കൊണ്ടുവന്ന ഇന്ത്യയെ അഭിനന്ദിച്ച് അമേരിക്ക. ബ്യൂറോ ഓഫ് സൗത്ത് ആൻഡ് സെൻട്രൽ ഏഷ്യൻ അഫേഴ്സ് അസിസ്റ്റന്റ് സെക്രട്ടറി ആലിസ് വെൽ ആണ് അഭിനന്ദനം അറിയിച്ചത്. ജനങ്ങളെ സംരക്ഷിക്കാനായി അക്ഷീണം പ്രയത്നിക്കുന്നവരാണ് ആരോഗ്യ പ്രവർത്തകരെന്ന് ആലിസ് വെൽ പറഞ്ഞു.

ആരോഗ്യ പ്രവർത്തകർക്ക് നേരെയുള്ള അതിക്രമങ്ങൾ അവസാനിപ്പിക്കാൻ 120ലേറെ വർഷം പഴക്കമുള്ള 1897ലെ എപ്പിഡെമിക് ഡിസീസസ് ആക്ടിൽ ഭേദഗതി വരുത്തിയാണ് ഇന്ത്യ ഓർഡിനൻസ് പുറത്തിറക്കിയത്. ആരോഗ്യ പ്രവർത്തകരെ ആക്രമിക്കുന്നത് ജാമ്യമില്ലാ കുറ്റകൃത്യമായി കണക്കാക്കും. ഗൗരവമുള്ള കേസുകളിൽ കുറ്റക്കാർക്ക് ഏഴ് വർഷം വരെ തടവാണ്.

കുറ്റകൃത്യത്തിന്റെ ഗൗരവമനുസരിച്ച് ആറു മാസം മുതൽ ഏഴു വർഷം വരെ തടവ് ശിക്ഷ ലഭിക്കും.50,000 മുതൽ അഞ്ച് ലക്ഷം രൂപ വരെ പിഴ ഈടാക്കാനും വ്യവസ്ഥയുണ്ട്. ആക്രമണത്തിന്റെ സ്വഭാവം ഗൗരവമുള്ളതല്ലെങ്കിൽ കുറ്റക്കാരിൽ നിന്ന് 50000 മുതൽ രണ്ട് ലക്ഷം രൂപ വരെ പിഴയീടാക്കും. ഗൗരവകരമായ ആക്രമണം ആണെങ്കിൽ അഞ്ച് ലക്ഷം രൂപ വരെ പിഴയീടാക്കാം.ആരോഗ്യ പ്രവർത്തകരുടെയോ സ്ഥാപനങ്ങളുടെയോ വാഹനങ്ങൾക്ക് കേടുപാട് വരുത്തിയാൽ വാഹനത്തിന്റെ മാർക്കറ്റ് വിലയുടെ ഇരട്ടിവില കുറ്റക്കാരിൽ നിന്ന് ഈടാക്കും തുടങ്ങിയവയാണ് ഇന്ത്യ നിയമത്തിൽ ഉൾപ്പെടുത്തിയിരിക്കുന്നതെന്നും ആലിസ് വെൽ പറഞ്ഞു.

The post കൊറോണ ഇന്ത്യയെ അഭിനന്ദിച്ച് അമേരിക്ക… appeared first on Daily Indian Herald.

തിരുവനന്തപുരം: പ്രശസ്ത സിനിമ-സീരിയല്‍ താരം രവി വളളത്തോള്‍ അന്തരിച്ചു. അസുഖബാധിതനായിരുന്നു. ഒരുകാലത്ത് മലയാള സിനിമയിലെ സ്വഭാവ നടന്മാരിൽ മുന്നിൽ തന്നെയുണ്ടായിരുന്നു രവി വള്ളത്തോൾ.തിരുവനന്തപുരം വഴുതക്കാട്ടുളള വീട്ടില്‍ വെച്ചാണ് മരണം സംഭവിച്ചത്. നിരവധി സിനിമകളിലും ടെലിവിഷന്‍ സീരിയലുകളിലും ശ്രദ്ധേയമായ വേഷങ്ങള്‍ ചെയ്തിട്ടുണ്ട്. രോഗബാധിതന്‍ ആയിരുന്നതിനാല്‍ രവി വളളത്തോള്‍ ദീര്‍ഘകാലമായി അഭിനയ രംഗത്ത് സജീവമായിരുന്നില്ല. മികച്ച നടനുളള സംസ്ഥാന ടെലിവിഷന്‍ പുരസ്‌ക്കാരം ലഭിച്ചിട്ടുണ്ട്. മഹാകവി വളളത്തോള്‍ നാരായണ മേനോന്റെ മരുമകനാണ്.

പ്രശസ്ത നാടകകൃത്ത്‌ ടി എൻ ഗോപിനാഥൻ നായരുടെ മകനായി മലപ്പുറം ജില്ലയിലാണ് രവി വളളത്തോൾ ജനിച്ചത്. ശിശുവിഹാർ മോഡൽ ഹൈസ്കൂളിലായിരുന്നു അദ്ദേഹത്തിന്റെ വിദ്യാഭ്യാസം. മാർ ഇവാനിയോസ് കോളേജിൽ നിന്നും ഡിഗ്രി കഴിഞ്ഞ രവി വള്ളത്തോൾ, കാര്യവട്ടം കേരള യൂണിവേഴ്സിറ്റിയിൽ നിന്നും പി ജിയും കഴിഞ്ഞു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

1976-ൽ മധുരം തിരുമധുരം എന്ന ചിത്രത്തിന് വേണ്ടി “താഴ്വരയിൽ‍ മഞ്ഞുപെയ്തു” എന്ന ഗാനം എഴുതിക്കൊണ്ടാണ് രവി വള്ളത്തോളിന്റെ സിനിമാ ബന്ധം തുടങ്ങുന്നത്. 1986-ൽ ഇറങ്ങിയ രേവതിക്കൊരു പാവക്കുട്ടി എന്ന സിനിമയുടെ കഥ രവിവള്ളത്തോളിന്റെതായിരുന്നു. 1986-ൽ ദൂരദർശൻ സംപ്രേഷണം ചെയ്ത “വൈതരണി” എന്ന സീരിയലിലൂടെയാണ് രവിവള്ളത്തോൾ അഭിനേതാവാകുന്നത്.

46 സിനിമകളിലും ഇരുനൂറിലേറെ സീരിയലുകളിലും അഭിനയിച്ചു. അഭിനയം മാത്രമായിരുന്നില്ല എഴുത്തിലും മഹാകവി വള്ളത്തോളിന്റെ അനന്തിരവൻ തന്നെയെന്ന് തെളിയിച്ചു. രേവതിക്കൊരു പാവക്കുട്ടി എന്ന സിനിമയുടെ കഥ രവി വള്ളത്തോളിന്റേതായിരുന്നു. നിരവധി സിനിമകളിൽ അഭിനയിച്ചിട്ടുണ്ടെങ്കിലും മോഹൻലാലുമൊത്ത് ഒരു സിനിമയിൽ അഭിനയിക്കാൻ കഴിയാത്തത് തനിക്ക് നഷ്ടമാണെന്ന് ഒരിക്കൽ രവി വള്ളത്തോൾ വെളിപ്പെടുത്തി. ഒരേ സിനിമയിൽ അഭിനയിച്ചിട്ടുണ്ടെങ്കിലും ഒരുമിച്ച് ഒരു സീനിൽ അഭിനയിക്കാൻ ഇതുവരെ കഴിഞ്ഞിട്ടില്ല. മോഹൻലാലുമൊത്ത് ഒരു സിനിമയിൽ ഒരുമിച്ച് അഭിനയിക്കുക എന്നതാണ് തന്റെ ഏറ്റവും വലിയ ആഗ്രഹമെന്നും രവി വള്ളത്തോൾ ഒരു അഭിമുഖത്തിൽ പറഞ്ഞിരുന്നു.

”എന്റെ ഏറ്റവും വലിയ ആഗ്രഹമാണ്. മോഹൻലാലിന്റെ കൂടെ ഇതുവരെ എനിക്ക് അഭിനയിക്കാൻ കഴിഞ്ഞിട്ടില്ല. ഒരേ സിനിമയിൽ അഭിനയിച്ചിട്ടുണ്ട് പക്ഷേ നേർക്കു നേരെ നിന്ന് അഭിനയിച്ചിട്ടില്ല. വിഷ്ണുലോകത്തിലൊക്കെ ഉണ്ടങ്കിലും ഞാൻ വേറൊരു ക്യാരക്ടർ ആയിരുന്നു.ഞാൻ എഴുതിയ കഥ സിനിമയാക്കിയപ്പോഴും ലാൽ ആയിരുന്നു നായകൻ, രേവതിക്കൊരു പാവക്കുട്ടി.അതുപോലെ കാലാപാനിയിൽ തനിക്ക് നല്ലൊരു വേഷം അഭിനയിക്കുന്നതിനുള്ള അവസരം ലഭിച്ചതാണെങ്കിലും സീരിയലിലെ തിരക്കുകൾ കാരണം അന്നതിന് കഴിഞ്ഞില്ല”.

അദ്ദേഹത്തിന്റെ അച്ഛൻ ടി എൻ ഗോപിനാഥൻ നായരുടെയായിരുന്നു സീരിയലിന്റെ തിരക്കഥ. തുടർന്ന് ഏതാണ്ട് നൂറോളം സീരിയലുകളിൽ രവിവള്ളത്തോൾ അഭിനയിച്ചു. ലെനിൻ രാജേന്ദ്രൻ സംവിധാനം ചെയ്ത് 1987-ൽ ഇറങ്ങിയ സ്വാതിതിരുനാൾ ആണ് രവി വള്ളത്തോളിന്റെ ആദ്യ സിനിമ. തുടർന്ന് മതിലുകൾ, കോട്ടയം കഞ്ഞച്ചൻ, ഗോഡ്ഫാദർ, വിഷ്ണുലോകം, സർഗം, കമ്മീഷണർ എന്നിങ്ങനെ അൻപതോളം സിനിമകളിൽ അദ്ദേഹം അഭിനയിച്ചിട്ടുണ്ട്.

The post പ്രശസ്ത സിനിമാ താരം രവി വളളത്തോൾ അന്തരിച്ചു.മോഹൻലാലിന് ഇനി ഒരിക്കലും ആ മോഹം സാധിച്ചുകൊടുക്കാൻ കഴിയില്ല appeared first on Daily Indian Herald.

കൊച്ചി : സംസ്ഥാന ചലച്ചിത്ര അക്കാദമി ചെയര്‍മാനും സംവിധായകനുമായ കമലിനെതിരെ ബലാത്സംഗ ആരോപണവുമായി യുവനടി. കമൽ സംവിധാനം നിർവഹിച്ച’പ്രണയമീനുകളുടെ കടൽ’ എന്ന ചലച്ചിത്രത്തിൽ നായികാവേഷം വാഗ്ദാനം ചെയ്ത് ഔദ്യോഗിക വസതിയിൽ വെച്ച് മാനഭംഗപ്പെടുത്തിയെന്നാണ് കൊച്ചിയിലെ അഭിഭാഷകൻ മുഖേനയയച്ച നോട്ടീസിലെ ആരോപണം. ചലച്ചിത്രത്തിൽ അവസരം വാഗ്ദാനം ചെയ്ത് പീഡിപ്പിച്ച ശേഷം വിശ്വാസവഞ്ചന കാട്ടിയതായും നോട്ടീസിൽ കുറ്റപ്പെടുത്തുന്നു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
പ്രണയമീനുകളുടെ കടല്‍ എന്ന സിനിമയിലെ നായിക വേഷം വാഗ്ദ്ധാനം ചെയ്ത് പീഡിപ്പിച്ചുവെന്നാണ് യുവതിയുടെ പരാതി. കമല്‍ സംവിധാനം ചെയ്ത ആമി എന്ന സിനിമയുടെ ചിത്രീകരണത്തിനിടയിലും ലൈംഗികചൂഷണം നടന്നുവെന്ന് യുവനടി വ്യക്തമാക്കുന്നു.നായിക വേഷം വാഗ്ദ്ധാനം ചെയ്ത് ഫ്ളാറ്റില്‍ വച്ച്‌ പീഡനം നടന്നുവെന്നാണ് നടിയുടെ പരാതി. കമല്‍ വിശ്വാസ വഞ്ചന കാട്ടിയെന്നും ആട്ടിന്‍ തോലിട്ട ചെന്നായ ആണെന്നും നടി ആരോപിക്കുന്നു. ഔദ്യോഗിക വസതിയില്‍ വച്ച്‌ പീഡനം നടന്നതായും യുവതി വക്കീല്‍ നോട്ടീസില്‍ പറയുന്നുണ്ട് എന്നും ജനം ടിവി റിപ്പോർട്ട് ചെയ്യുന്നു .

ഇടപ്പള്ളിയിലെ സ്കൈലൈൻ അപ്പാർട്ട്മെന്റിൽ വെച്ച് 2018 ഡിസംബർ 26 നാണ് കമലിൻ്റെ ആവശ്യപ്രകാരം യുവനടി ആദ്യമായി അദ്ദേഹത്തെ കാണുന്നത്. പിന്നീട് നടിയോട് ഫോട്ടോഗ്രാഫുകൾ വാട്സാപ്പ് വഴി അയച്ചു കൊടുക്കാൻ നിർദ്ദേശിച്ചു. തുടർന്ന് സ്ഥിരം സന്ദേശങ്ങൾ അയയ്ക്കുകയും 2019 ജനുവരി ഒന്നിന് തിരുവനന്തപുരം പിടിപി നഗറിലെ എസ്എഫ്എസ് സിറ്റിസ്കേപ്സ് എന്ന അപാർട്ട്മെൻ്റിലേക്ക് സിനിമയിലെ വേഷത്തെക്കുറിച്ചുള്ള വിശദ ചർച്ചയ്ക്കെന്ന വ്യാജേന വിളിച്ചു വരുത്തി ലൈംഗികമായി പീഡിപ്പിക്കുകയായിരുന്നു. ഇംഗിതത്തിന് വഴങ്ങിയില്ലെങ്കിൽ വാഗ്ദാനം ചെയ്ത നായികാ വേഷത്തിൽ നിന്നും മാറ്റുമെന്നായിരുന്നു കമലിൻ്റെ ഭീഷണി. തുടർന്നും ലൈംഗിക തൃഷ്ണ അറിയിച്ച് കമൽ സന്ദേശങ്ങളയച്ചെങ്കിലും യുവനടി വഴങ്ങിയില്ല.

എന്നാൽ ജനുവരി 25ന് ചിത്രീകരണം ആരംഭിച്ചപ്പോൾ വാട്സാപ്പ് സന്ദേശങ്ങൾ നിർത്തി. തനിക്ക് വാഗ്ദാനം ചെയ്യപ്പെട്ട നായികാ പദവിയിൽ കൂടിക്കാഴ്ച്ചയ്ക്ക് മുമ്പ് തന്നെ മറ്റൊരാളെ നിശ്ചയിച്ചിരുന്നതായി ചിത്രീകരണം പൂർത്തിയായ ശേഷമാണ് യുവനടി അറിഞ്ഞത്. പിന്നീടുള്ള അന്വേഷണത്തിൽ കമൽ, ആട്ടിൻതോലണിഞ്ഞ ചെന്നായയാണെന്ന് മനസ്സിലായതായി വക്കീൽ നോട്ടീസിൽ പറയുന്നു. ‘ആമി’ എന്ന സിനിമയുടെ ചിത്രീകരണവുമായി ബന്ധപ്പെട്ട് കമൽ രണ്ട് യുവനടികളെ ലൈംഗികമായി ചൂഷണം ചെയ്തിരുന്നെന്നും സ്വാധീനമുപയോഗിച്ച് അവരുടെ പരാതികൾ ഒതുക്കുകയായിരുന്നുവെന്നും അന്വേഷണത്തിൽ കണ്ടെത്തിയതായും നോട്ടീസിൽ പരാമർശിച്ചിട്ടുണ്ട്.

അവസരം തേടിയെത്തുന്ന യുവനടികളെ സ്ഥിരമായി ലൈംഗികചൂഷണം ചെയ്യുന്നയാളാണ് കമലെന്ന് തൻ്റെ വാദിക്ക് ബോധ്യപ്പെട്ടതായും അഭിഭാഷകൻ 2019 ഏപ്രിൽ 26ന് അയച്ച നോട്ടീസിൽ ചൂണ്ടിക്കാട്ടുന്നു. ബലാത്സംഗവും വിശ്വാസവഞ്ചനയും നടത്തിയ കമൽ നോട്ടീസ് കൈപ്പറ്റി ഒരാഴ്ചയ്ക്കുള്ളിൽ മാപ്പ് പറയണമെന്നും പെൺകുട്ടിക്കേറ്റ മാനഹാനിക്ക് നഷ്ടപരിഹാരം നൽകുന്നതിനെക്കുറിച്ച് ആലോചിക്കേണ്ടിയിരിക്കുന്നുവെന്നും അല്ലാത്തപക്ഷം നിയമനടപടികളിലേക്ക് നീങ്ങുമെന്നും മുന്നറിയിപ്പ് നൽകിയിട്ടുണ്ട്. മലയാള സിനിമയിലെ കാസ്റ്റിംഗ് കൗച്ചിനെക്കുറിച്ച് ഇതിനകം ഉയർന്ന ആരോപണങ്ങൾ ശരിവെക്കുന്നതാണ് കമലിനെതിരെയുള്ള വക്കീൽ നോട്ടീസിലെ ഉള്ളടക്കം.

The post കമലിനെതിരെ ബലാത്സംഗ ആരോപണവുമായി യുവനടി!!!കമൽ ആട്ടിൻതോലണിഞ്ഞ ചെന്നായ. ഗുരുതര ആരോപണങ്ങളുമായി യുവനടി appeared first on Daily Indian Herald.

മുംബൈ: രാജ്യത്ത് കൊറോണ ഭീകരമാതാണ്ഡവം ആടുമ്പോഴും അതിലും വലിയ വെല്ലുവിളിയായി മഹാരാഷ്ട്ര സർക്കാർ .കൊറോണക്കൊപ്പം ഇരുട്ടടിയായി ഉദ്ധവിന്റെ നിയമസഭാംഗത്വവും അനിശ്ചിതത്വത്തിലായിരിക്കുകയാണ് .സകല കണക്ക് കൂട്ടലുകളും തെറ്റിച്ചാണ് ഇന്ത്യയുടെ വ്യാവസായിക തലസ്ഥാനം കൂടിയായ മഹാരാഷ്ട്രയിൽ രോഗം പടര്‍ന്ന് പിടിക്കുന്നത്. മുംബൈയിലെ സ്ഥിതി നാൾക്കുനാൾ വഷളാവുകയാണ്. ഉദ്ധവ് താക്കറെ രാജി വയ്‌ക്കേണ്ട സാഹചര്യത്തിലേക്കാണ് കാര്യങ്ങള്‍ പോകുന്നത് എന്ന് തന്നെ വേണം പറയാൻ. പ്രധാനമായും രണ്ടു കാരണങ്ങളാണ് ഉദ്ധവിന് തിരിച്ചടിയായത്.

ഒന്ന് കൊറോണ വ്യാപനം, രണ്ട്, മുഖ്യമന്ത്രിക്ക് നിയമസഭാംഗമാകാനുള്ള വെല്ലുവിളി. നവംബര്‍ 28നാണ് താക്കറെ മഹാരാഷ്ട്ര മുഖ്യമന്ത്രിയായി സത്യപ്രതിജ്ഞ ചെയ്തത്. എന്നാൽ, ആറ് മാസത്തിനകം നിയമസഭയിലേക്ക് തെരഞ്ഞെടുക്കപ്പെടണമെന്നാണ് നിയമം. ഇതുപ്രകാരം മെയ് 24ന് ഈ സമയം അവസാനിക്കും. കൊറോണയുടെ പശ്ചാത്തലത്തിൽ രാജ്യത്ത് തെരഞ്ഞെടുപ്പുകളെല്ലാം റദ്ദാക്കിയിരിക്കുകയാണ്.

അതേസമയം, ഗവര്‍ണര്‍ക്ക് ശുപാര്‍ശ ചെയ്യാനുള്ള പ്രത്യേക അധികാരം  മഹാരാഷ്ട്രയിലുണ്ട്. ഭരണപക്ഷത്തുള്ള എന്‍സിപിയുടെ രണ്ട് എംഎല്‍എമാര്‍ ബിജെപിയിലെത്തിയതിനെ തുടര്‍ന്നുണ്ടായ രണ്ട് ഒഴിവുകളാണ് കൗണ്‍സിലില്‍ ഇപ്പോഴുള്ളത്. എന്നാല്‍ ഒഴിവായ അംഗത്തിന്റെ കാലാവധി ഒരു വര്‍ഷത്തില്‍ കുറവാണെങ്കില്‍ ആ സ്ഥാനത്തേക്ക് തെരഞ്ഞെടുപ്പും നാമനിര്‍ദേശവും നടത്താന്‍ കഴിയുകയില്ല. കൗണ്‍സിലിലെ രണ്ട് ഒഴിവുകളുടേയും കാലാവധി ജൂണ്‍ 6 വരെയാണുള്ളത്. എന്നാൽ, താക്കറെയ്ക്കുള്ള സമയപരിധി മെയ് 24ന് അവസാനിക്കുകയും ചെയ്യും.രാജ്യത്ത് ഏറ്റവും കൂടുതൽ കൊറോണ രോഗികളും, മരണവും റിപ്പോർട്ട്‌ ചെയ്ത സംസ്ഥാനമാണ് മഹാരാഷ്ട്ര. അധികാരത്തിൽ സഖ്യ സർക്കാർ ആണെന്നതും മുഖ്യമന്ത്രി ഉദ്ധവ് താക്കറെയ്ക്ക് ഭരണ പരിചയം ഇല്ലാത്തതുമാണ് വൈറസ് വ്യാപനത്തെ പ്രതിരോധിക്കാൻ കഴിയാത്തതിനുള്ള പ്രധാന കാരണമായി വിലയിരുത്തപ്പെട്ടുന്നത്. ഈ സാഹചര്യത്തിലാണ്

The post ഉദ്ധവ് താക്കറെയ്ക്ക് ഇനി അഗ്നി പരീക്ഷയിൽ! ഇരുട്ടടിയായി നിയമസഭാംഗത്വം.രാജി അല്ലാതെ മാർഗമില്ല appeared first on Daily Indian Herald.

ന്യൂഡൽഹി: ഒരു വ്യാജ വാർത്ത കൂടി സോഷ്യൽ മീഡിയയിൽ ഇടം പിടിച്ചിരിക്കുകയാണ്. ഖത്തറിലെ രാജകുമാരിയെപ്പറ്റിയാണ് വ്യാജവാർത്ത പ്രചരിക്കുന്നത്. രാജകുമാരി ലണ്ടനിലെ ഒരു ഹോട്ടലിൽ വച്ച് ഏഴു പരുഷന്മാരുമായി ലൈംഗിക ബന്ധത്തിൽ ഏർപ്പെട്ടുവെന്നും അതിനിടെ പിടിക്കപ്പെട്ടുവെന്നുമുള്ള വാർത്തയുടെ പേപ്പർ ക്ലിപിംഗാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

ഇന്ത്യൻ മാദ്ധ്യമമായ ‘ഡി.എൻ.എ’ ബ്രിട്ടീഷ് പത്രമായ ‘ഫിനാൻഷ്യൽ ടൈംസി’നെ ഉദ്ധരിച്ചുകൊണ്ട് ഏറെക്കാലം മുൻപ് നൽകിയ ഈ വാർത്ത വ്യാജമാണെന്ന വിവരമാണ് വസ്തുതാ പരിശോധനാ വെബ്സൈറ്റായ ‘ആൾട്ട് ന്യൂസ്’ നൽകുന്നത്. ‘ഓഡ്ക്രൈംസ്’ എന്ന് പേരുള്ള ഒരു വെബ്‌സൈറ്റിൽ നിന്നുമാണ് ഫിനാൻഷ്യൽ ടൈംസിന് ഈ വാർത്ത ലഭിച്ചതെന്നും അന്നുതന്നെ ബ്രിട്ടനിലെ നിരവധി മാദ്ധ്യമങ്ങൾ ഈ വാർത്ത വ്യാജമാണെന്ന് റിപ്പോർട്ട് ചെയ്തിരുന്നതായും ‘ആൾട്ട് ന്യൂസ്’ വ്യക്തമാക്കുന്നു. വർഗീയ നിലപാടുകളുടെ പേരിൽ ഇന്ത്യയും ഗൾഫ് രാജ്യങ്ങളും തമ്മിലുള്ള ബന്ധത്തിൽ ഉലച്ചിൽ തട്ടിയ വേളയിലാണ് ഇത്തരം വ്യാജപ്രചാരണങ്ങൾ നടക്കുന്നതെന്നത് ശ്രദ്ധേയമാണ്.

മുൻപ് അറബ് സ്ത്രീകളെ പറ്റി അങ്ങേയറ്റം അപമാനകരമായ രീതിയിൽ ബി.ജെ.പി എം.പി തേജസ്വി സൂര്യ 2015ൽ ട്വീറ്റ് ചെയ്ത ഒരു കുറിപ്പ് അടുത്തിടെയാണ് വിവാദത്തിൽ പെട്ടത്. ശതാബ്ദങ്ങളായി 95 ശതമാനം അറബ് സ്ത്രീകളും ലൈംഗികസുഖം അനുഭവിക്കുന്നില്ലെന്നും അവർക്ക് കുട്ടികളുണ്ടാകുന്നത് പ്രണയം നിമിത്തമല്ലെന്നുമായിരുന്നു ബി.ജെ.പി എം.പിയുടെ കുറിപ്പ്. ഡിലീറ്റ് ചെയ്യപ്പെട്ട ഈ ട്വീറ്റ് അടുത്തിടെ വീണ്ടും വൈറലാകുകയും ട്വീറ്റിന്റെ സ്ക്രീൻഷോട്ടുമായി നിരവധി പേർ പ്രതിഷേധിച്ചുകൊണ്ട് രംഗത്തെത്തുകയും ചെയ്തിരുന്നു.

The post ‘ഏഴ് പുരുഷന്മാരുമായി ഹോട്ടൽ റൂമിൽ ലൈംഗികബന്ധത്തിൽ ഏർപ്പെടുമ്പോൾ പിടിക്കപ്പെട്ടു’ appeared first on Daily Indian Herald.

ന്യുഡൽഹി: പ്രവാസികളുടെ മൃതദേഹം രാജ്യത്തേക്ക് കൊണ്ടു വരാൻ കേന്ദ്രം അനുമതി നൽകി.വിദേശകാര്യമന്ത്രാലയത്തിൻറെയും ആരോഗ്യ മന്താലയത്തിൻറെയും അനുമതിയോടെ മൃതദേഹം കൊണ്ടു വരാം എന്നാണ് കേന്ദ്ര സർക്കാരിൻ്റെ പുതിയ ഉത്തരവിൽ പറയുന്നത്.ഇതോടെ വിദേശത്ത് വച്ചു മരണപ്പെടുന്ന പ്രവാസി ഇന്ത്യക്കാരുടെ മൃതദേഹം നാട്ടിൽ കൊണ്ടു വരുന്നത് സംബന്ധിച്ച് ഉണ്ടായ തടസങ്ങൾ തീർന്നു. പ്രവാസി ഇന്ത്യക്കാരുടെ മൃതദേഹങ്ങൾ നാട്ടിലേക്ക് കൊണ്ടു വരാൻ കേന്ദ്രസർക്കാർ അനുമതി നൽകി. ഇതു സംബന്ധിച്ച പുതിയ ഉത്തരവ് കേന്ദ്രം പുറത്തിറക്കി.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

വിദേശകാര്യമന്ത്രാലയത്തിൻറെയും ആരോഗ്യമന്താലയത്തിൻറെയും അനുമതിയോടെ മൃതദേഹം കൊണ്ടു വരാം എന്ന് ഉത്തരവിൽ പറയുന്നു. ഇതോടെ ഈ ദിവസങ്ങളിൽ ലോകത്തിൻ്റെ വിവിധ ഭാഗങ്ങളിലായി മരണപ്പെട്ട മലയാളികൾ അടക്കമുള്ളവരുടെ മൃതദേഹങ്ങൾ നാട്ടിൽ തിരിച്ച് എത്തിക്കാൻ വഴിയൊരുങ്ങി. അതേസമയം കൊവിഡ് ബാധിച്ചു മരിച്ചവരുടെ മൃതദേഹം തിരിച്ചു കൊണ്ടു വരാൻ സാധിക്കില്ല. കൊവിഡ് രോഗികൾ മരണപ്പെട്ടാൽ ഏറ്റവും അടുത്തുള്ള പ്രദേശത്ത് തന്നെ സംസ്കരിക്കുന്നതാണ് പതിവ്.

ഇതിനിടെ വിദേശത്ത് കുടുങ്ങി കിടക്കുന്ന ഇന്ത്യക്കാരെ തിരികെ കൊണ്ടു വരാൻ കേന്ദ്രസർക്കാർ നടപടികൾ ആരംഭിച്ചു. ഇന്ന് കേന്ദ്ര ക്യാബിനറ്റ് സെക്രട്ടറി രാജീവ് ഗൌബേ വിവിധ സംസ്ഥാനങ്ങളിലെ ചീഫ് സെക്രട്ടറിയുമായി ഇക്കാര്യത്തിൽ പ്രാഥമിക ആശയവിനിമയം നടത്തി. വിദേശത്ത് നിന്നും തിരികെ വരുന്നവരെ നിരീക്ഷണത്തിൽ പാർപ്പിക്കണമെന്ന് സംസ്ഥാനങ്ങൾ ആവശ്യപ്പെട്ടിട്ടുണ്ട്.

The post പ്രവാസികളുടെ മൃതദേഹം രാജ്യത്തേക്ക് കൊണ്ടു വരാൻ കേന്ദ്രം അനുമതി നൽകി. appeared first on Daily Indian Herald.

വാഷിങ്ടൻ :കോവിഡ് മരണം ഏറ്റവും കൂടുതൽ അമേരിക്കയിൽ ആണ് റിപ്പോർട്ട് ചെയ്തിരിക്കുന്നത് ലോകത്ത് കോവിഡ് ബാധിച്ച് മരിച്ചവരുടെ എണ്ണം 202,873 പിന്നിട്ടു. ശനിയാഴ്ച രാത്രിവരെയുള്ള കണക്കനുസരിച്ച് മരണം 202,873 ആയി. ഒരു ലക്ഷം പേര്‍ മരിച്ചത് കഴിഞ്ഞ 15 ദിവസത്തിനിടെയാണ്. ശനിയാഴ്ച 4,402 പേരാണ് മരിച്ചത്. 28,90,360 പേര്‍ക്കാണ് ആകെ രോഗം ബാധിച്ചത്. 61,534 പേർക്ക് ശനിയാഴ്ച രോഗം സ്ഥിരീകരിച്ചു. 58,132 പേരുടെ നില ഗുരുതരമാണ്. ആകെ 8,24,845 പേരാണ് രോഗമുക്തി നേടിയത്.

ഇറ്റലിയിൽ 26,384 മരണങ്ങളാണ് റിപ്പോർട്ട് ചെയ്തത്. രാജ്യത്ത് 1,95,351 രോഗബാധിതരുണ്ട്. ഇറ്റലിയില്‍ നൂറ്റമ്പതിലധികം ഡോക്ടര്‍മാര്‍ കോവിഡ് ബാധിച്ച് മരിച്ചതായി ഇറ്റാലിയന്‍ ഡോക്ടേഴ്‌സ് അസോസിയേഷൻ വ്യക്തമാക്കി. രോഗം ബാധിച്ചവരില്‍ 10 ശതമാനവും ആരോഗ്യപ്രവര്‍ത്തകരാണ്. സ്പെയിനിൽ 22,902 മരണങ്ങളും 2,23,759 പേർക്ക് രോഗവും സ്ഥിരീകരിച്ചു. ഫ്രാൻസിൽ 22,614 മരണങ്ങളും 1,61,488 പേർക്ക് രോഗവും റിപ്പോർട്ട് ചെയ്തു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

ബ്രിട്ടനിൽ മരണം 20,319 ആയി. 1,48,377 പേർ രോഗബാധിതരാണ്. ജര്‍മനിയില്‍ തുടര്‍ച്ചയായ രണ്ടാംദിവസവും പുതിയ കോവിഡ് രോഗികളുടെ എണ്ണത്തില്‍ കുറവ് രേഖപ്പെടുത്തി. 419 പേർക്കാണ് പുതുതായി രോഗം സ്ഥിരീകരിച്ചത്. ആകെ 1,55,418 പേർക്ക് രോഗം ബാധിച്ചിട്ടുണ്ട്. രാജ്യത്ത് 5,805 പേരാണ് മരിച്ചത്. ഇറാനിൽ 5,650 പേർക്ക് ജീവഹാനി സംഭവിച്ചു. രോഗികൾ 89,328.

യുഎസിൽ കോവിഡ് ബാധിച്ച് മരിച്ചവരുടെ എണ്ണം അരലക്ഷം കടന്നു. 53,243 പേർക്കാണ് ജീവഹാനി സംഭവിച്ചത്. ശനിയാഴ്ച മാത്രം 1,050 പേർ മരിച്ചു. രാജ്യത്ത് 9,45,249 പേർ രോഗബാധിതരാണ്. 20,017 പേർക്ക് പുതുതായി രോഗം സ്ഥിരീകരിച്ചു. ഇന്ത്യയിൽ കോവിഡ് ബാധിച്ച് മരിച്ചവരുടെ എണ്ണം 780 ആയി. രാജ്യത്ത് ആകെ കോവിഡ് ബാധിതർ 24,942 ആണ്. 24 മണിക്കൂറിൽ രാജ്യത്ത് 1,490 പേർക്ക് കോവിഡ് സ്ഥിരീകരിച്ചു. 5210 പേർ രോഗമുക്തരായി. മഹാരാഷ്ട്ര, ഗുജറാത്ത്, ഡൽഹി എന്നീ സംസ്ഥാനങ്ങളെയാണ് ഏറ്റവുമധികം ബാധിച്ചത്.

മലേഷ്യയില്‍ 51 പേര്‍ക്കുകൂടി കോവിഡ് സ്ഥിരീകരിച്ചു. ഇതോടെ ആകെ രോഗികളുടെ എണ്ണം 5,742 ആയി. 98 പേരാണ് ഇതുവരെ മരിച്ചത്. തായ്‌ലന്‍ഡില്‍ 53 കോവിഡ് കേസുകള്‍ കൂടി റിപ്പോര്‍ട്ട് ചെയ്തു. ഇതില്‍ 42 പേര്‍ പ്രത്യേക കേന്ദ്രത്തില്‍ ക്വാറന്റീനില്‍ പാര്‍പ്പിച്ചിരുന്ന കുടിയേറ്റക്കാരാണ്. രാജ്യത്ത് ഇതുവരെ 2,907 പേര്‍ക്ക് രോഗം സ്ഥിരീകരിച്ചു. 51 പേരാണ് മരിച്ചത്.

ചൈനയിൽ മരണസംഖ്യ 4,632 ആണ്. രോഗബാധിതർ 82,816. തുർക്കിയിൽ 2,706 പേർ മരിച്ചു. 1,07,773 പേർക്ക് രോഗം സ്ഥിരീകരിച്ചു. ബൽജിയം – 6,917, നെതർലൻഡ്സ് – 4,409, ബ്രസീൽ – 3,762, കാനഡ – 2,350, സ്വിറ്റ്സർലൻഡ് – 1,593, സ്വീഡൻ – 2,192, മെക്സിക്കോ –1,221, അയർലൻഡ് – 1,063 എന്നിങ്ങനെയാണ് മറ്റു രാജ്യങ്ങളിലെ മരണനിരക്ക്.

സൗദി അറേബ്യയില്‍ 9 പേര്‍ കൂടി മരിച്ചു. ഏഴുപേര്‍ വിദേശികളാണ്. ഇതോടെ ആകെ മരണം 136 ആയി. രോഗബാധിതര്‍ 16,299. പാക്കിസ്ഥാന്‍ മേയ് 9 വരെ ലോക്ഡൗണ്‍ നീട്ടി. 11,940 പേര്‍ക്കാണ് ഇതുവരെ കോവിഡ് ബാധിച്ചത്. 253 പേര്‍ മരിച്ചു. സിംഗപ്പൂരില്‍ ഇന്ന് 618 പേര്‍ക്ക് കൂടി രോഗം സ്ഥിരീകരിച്ചു. ഇതില്‍ 600 പേരും കുടിയേറ്റ തൊഴിലാളികളാണ്. തൊഴിലാളി ക്യാപില്‍ നിരീക്ഷണത്തിലായിരുന്നു ഇവര്‍. രാജ്യത്ത് 14 ലക്ഷത്തോളം കുടിയേറ്റ തൊഴിലാളികളാണ് ഉള്ളത്.

The post ലോകത്ത് കോവിഡ് മരണം 202,873 കടന്നു.ഇറ്റലിയിൽ 26,384 മരണങ്ങൾ .യുഎസിൽ മരിച്ചവരുടെ 54,057 എണ്ണം.സ്പെയിനിൽ മരണം 22,902 എണ്ണം.ഒരുലക്ഷം പേർ മരിച്ചത് 15 ദിവസത്തിനിടെ appeared first on Daily Indian Herald.

ന്യൂഡൽഹി: രാജ്യം മഹാവ്യാധിക്കെതിരെയുളള പോരാട്ടത്തിലാണ്. ആ പോരാട്ടത്തിൽ ഇന്ത്യ ഒറ്റക്കെട്ടാണ്. കേന്ദ്രവും സംസ്ഥാനങ്ങളും ഒരേ ടീമായി പ്രവർത്തിക്കുന്നു. കൊറോണക്കെതിരായി പോരാടുന്ന 130 കോടി ജനങ്ങളുടെ പോരാട്ട വീര്യത്തെ നമിക്കുന്നുവെന്ന് പ്രധാനമന്ത്രി നരേന്ദ്ര മോദി. ജനങ്ങളുടെ നേതൃത്വത്തില്‍ രാജ്യത്തെ കൊവിഡ് പ്രതിരോധം. ജനം നയിക്കുന്ന പോരാട്ടം വിജയം കാണുമെന്നും അദ്ദേഹം പറഞ്ഞു. തന്‍റെ പ്രതിമാസ റേഡിയോ പരിപാടിയായ മാന്‍ കി ബാത്ത് ല്‍ സംസാരിക്കുകയായിരുന്നു അദ്ദേഹം.

ഇന്ത്യ ഒറ്റക്കെട്ടായി കൊവിഡിനെ പ്രതിരോധിക്കുന്നു. കൊവിഡ് സാഹചര്യങ്ങളെ നേരിടാന്‍ സാങ്കേതിക സഹായത്തിലൂടെ രാജ്യം പുത്തന്‍ ആശയങ്ങള്‍ കണ്ടെത്തി. ആരോഗ്യ പ്രവര്‍ത്തകര്‍ക്ക് വേണ്ടി ഡിജിറ്റല്‍ പോര്‍ട്ടലിന് തുടക്കം കുറിച്ചു. സന്നദ്ധ പ്രവര്‍ത്തനത്തില്‍ പങ്കാളിയാകാന്‍ വെബ്‌സൈറ്റ് തയ്യാറാക്കി. കൊറോണക്കെതിരായ പോരാട്ടത്തില്‍ കൂടുതല്‍ ജനങ്ങള്‍ പങ്കാളികളാകണമെന്നും പ്രധാനമന്ത്രി അഭിപ്രായപ്പെട്ടു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

ആരോഗ്യപ്രവര്‍ത്തകരെ ആക്രമിച്ചാല്‍ കര്‍ശന നടപടി സ്വീകരിക്കുമെന്നും പ്രധാനമന്ത്രി പറഞ്ഞു. ലൈഫ് ഉഡാന്‍ പദ്ധതിയിലൂടെ ടണ്‍ കണക്കിന് മരുന്നുകള്‍ രാജ്യത്തിന്റെ വിവിധ ഭാഗങ്ങളില്‍ എത്തിച്ചു. മരുന്നുകള്‍ ആവശ്യക്കാര്‍ക്കെത്തിക്കാന്‍ പ്രത്യേക വിമാനം ഏര്‍പ്പാട് ചെയ്തെന്നും അദ്ദേഹം പറഞ്ഞു. രാജ്യത്ത് ഒരാളും പട്ടിണി കിടക്കുന്നില്ലെന്ന് ഉറപ്പാക്കണം. സംസ്ഥാന സര്‍ക്കാരുകളും ഗ്രാമപഞ്ചായത്തുകളും വലിയ പങ്കാണ് കൊവിഡ് പ്രതിരോധത്തില്‍ വഹിക്കുന്നതെന്നും മോദി പറഞ്ഞു. ആയൂര്‍വേദവും യോഗയും അന്താരാഷ്ട്രവേദിയില്‍ ചര്‍ച്ചയായി. പൊലീസ്, ശുചീകരണ തൊഴിലാളികള്‍, സംസ്ഥാന സര്‍ക്കാറുകള്‍, ലോകരാജ്യങ്ങള്‍ എന്നിവര്‍ക്കെല്ലാം പ്രധാനമന്ത്രി നന്ദി അറിയിച്ചു. കൊവിഡ് കാലം കഴിയുന്നതോടെ പുതിയ ഇന്ത്യയ്ക്ക് തുടക്കമാകും. മാസ്‌കധരിക്കുന്നത് കൊവിഡിന് ശേഷം ജീവിത ശൈലിയാകും. പൊതുസ്ഥലങ്ങളില്‍ തുപ്പരുതെന്ന ബോധം അനിവാര്യമായെന്നും അദ്ദേഹം പറഞ്ഞു

The post 130 കോടി ജനങ്ങളുടെ പോരാട്ട വീര്യത്തെ നമിക്കുന്നു.ആരോഗ്യപ്രവര്‍ത്തകരെ ആക്രമിച്ചാല്‍ കര്‍ശന നടപടി-നരേന്ദ്ര മോദി appeared first on Daily Indian Herald.

ന്യൂഡൽഹി: കൊവിഡുമായി ബന്ധപ്പെട്ട പ്രവര്‍ത്തനങ്ങളില്‍ കോണ്‍ഗ്രസ് പാര്‍ട്ടി കേന്ദ്ര സര്‍ക്കാരിന് മേല്‍ നിരന്തരം സമ്മര്‍ദ്ദം ചെലുത്തുന്നുണ്ട്. കൊവിഡ് പ്രതിരോധ നടപടികൾക്കൊപ്പം സാമ്പത്തികരംഗത്തെ പ്രതിസന്ധി പരിഹരിക്കാനും കേന്ദ്രസർക്കാർ ശ്രമിക്കണമെന്ന് സോണിയഗാന്ധി. സാമ്പത്തിക പ്രതിസന്ധിയിൽ വലയുന്ന ചെറുകിട – ഇടത്തരം വ്യവസായ മേഖലയുടെ സംരക്ഷണത്തിനായി പ്രത്യേക പാക്കേജ് പ്രഖ്യാപിക്കണമെന്ന് ആവശ്യപ്പെട്ട് സോണിയാ ഗാന്ധി പ്രധാനമന്ത്രി നരേന്ദ്ര മോദിക്ക് കത്തയച്ചു.

രാജ്യത്തിന്റെ മൊത്തം ആഭ്യന്തര ഉത്പാദനത്തിന്റെ മൂന്നിലൊന്നും ചെറുകിട – ഇടത്തരം വ്യവസായ മേഖലയുടെ സംഭാവനയാണെന്ന് സോണിയ ചൂണ്ടിക്കാട്ടി. ഈ മേഖലയിൽ ജോലിചെയ്യുന്ന 11 കോടി ജനങ്ങൾ തോഴിൽ നഷ്ടപ്പെടുമെന്ന ആശങ്കയിലാണ്. സർക്കാരിന്റെ പിന്തുണയില്ലാതെ ചെറുകിട – ഇടത്തരം വ്യവസായങ്ങൾക്ക് പിടിച്ചു നില്‍ക്കാനാവില്ല. ലോക്ക്ഡൗൺ തുടരുന്ന ഓരോ ദിവസവും 30,000 കോടി രൂപയുടെ ബാദ്ധ്യതയാണ് ഈ മേഖലയിൽ ഉണ്ടാകുന്നത്.ജീവനക്കാർക്ക് ശമ്പളം നൽകാൻപോലും വ്യവസായ യൂണിറ്റുകൾക്ക് കഴിയുന്നില്ല. ഈ മേഖലയ്‌ക്കുവേണ്ടി സർക്കാർ ഒരു ലക്ഷം കോടിയുടെ തൊഴിൽ സുരക്ഷാ പാക്കേജ് പ്രഖ്യാപിക്കണമെന്ന് സോണിയാഗാന്ധി കത്തിൽ ആവശ്യപ്പെട്ടു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

ഇതുവരെ ഏഴ് കത്തുകളാണ് കോണ്‍ഗ്രസ് അധ്യക്ഷ സോണിയാ ഗാന്ധി പ്രധാനമന്ത്രി നരേന്ദ്ര മോദിക്ക് അയച്ചിട്ടുളളത്. ഏറ്റവും ഒടുവില്‍ ചെറുകിട-ഇടത്തരം വ്യവസായ മേഖലയുടെ സംരക്ഷണത്തിനായി പ്രത്യേക പാക്കേജ് പ്രഖ്യാപിക്കണം എന്നാവശ്യപ്പെട്ടാണ് സോണിയാ ഗാന്ധി മോദിക്ക് കത്തെഴുതിയത്. ഇതോടെ സോണിയാ ഗാന്ധിക്കും കോണ്‍ഗ്രസിനും എതിരെ ആഞ്ഞടിച്ച് രംഗത്ത് വന്നിരിക്കുകയാണ് കേന്ദ്രമന്ത്രി പ്രകാശ് ജാവദേക്കര്‍.

സോണിയാ ഗാന്ധിക്ക് കേന്ദ്ര സര്‍ക്കാരിന്റെ പ്രവര്‍ത്തനങ്ങളുടെ ക്രഡിറ്റാണ് വേണ്ടതെന്ന് പ്രകാശ് ജാവദേക്കര്‍ പരിഹസിച്ചു. ദിവസവും സോണിയാ ഗാന്ധി കേന്ദ്ര സര്‍ക്കാരിന് കത്തെഴുതിക്കൊണ്ടിരിക്കുകയാണ്. സോണിയാ ഗാന്ധിയും കോണ്‍ഗ്രസ് പാര്‍ട്ടിയും പുറത്തേക്കിറങ്ങി വല്ലതും ചെയ്യുകയാണ് വേണ്ടത് എന്നും പ്രകാശ് ജാവദേക്കര്‍ കുറ്റപ്പെടുത്തി.

ചെറുകിട-ഇടത്തരം വ്യവസായ മേഖലയ്ക്ക് വേണ്ടി സര്‍ക്കാര്‍ ഇതുവരെയും ഇടപെടലുകള്‍ നടത്തിയിട്ടുണ്ട്. ഇനിയും അത് തുടരുമെന്നും കേന്ദ്ര മന്ത്രി പറഞ്ഞു. ഇക്കഴിഞ്ഞ ഏപ്രില്‍ 17ന് നിതിന്‍ ഗഡ്കരി നടത്തിയ പ്രഖ്യാപനത്തില്‍ പതിനായിരം കോടിയുടെ ഫണ്ട് ചെറുകിട-ഇടത്തരം വ്യവസായ മേഖലയ്ക്ക് സര്‍ക്കാര്‍ ഉടനെ അനുവദിക്കുമെന്ന് പറഞ്ഞിരുന്നു.കൊവിഡിനെ പ്രതിരോധിക്കുന്നതിന് വേണ്ടി കേന്ദ്ര സര്‍ക്കാര്‍ കൈക്കൊളളുന്ന നടപടികളെ കുറിച്ചൊന്നും കോണ്‍ഗ്രസ് പറയുന്നില്ലെന്ന് പ്രകാശ് ജാവദേക്കര്‍ കുറ്റപ്പെടുത്തി. 1.70 ലക്ഷം കോടി രൂപയാണ് ലോക്ക്ഡൗണിനിടെ മോദി സര്‍ക്കാര്‍ രാജ്യത്തെ പാവങ്ങളുടെ കയ്യിലേക്ക് എത്തിച്ചത്. രാജ്യത്തെ 20 കോടി സ്ത്രീകള്‍ക്ക് 500 രൂപ വെച്ച് വിതരണം നടത്തി. മൂന്ന് മാസം ഇത് തുടരുമെന്നും ജാവേദക്കര്‍ പറഞ്ഞു.

The post 11 കോടി ആളുകൾക്ക് തൊഴിൽ നഷ്ടപ്പെടും..സോണിയ ഗാന്ധിക്ക് വേണ്ടത് ക്രഡിറ്റ് മാത്രം ! appeared first on Daily Indian Herald.

ദില്ലി: ലോകത്ത് കോവിഡ് മരണം 202,873 കടന്നു.ഇറ്റലിയിൽ 26,384 മരണങ്ങൾ .യുഎസിൽ മരിച്ചവരുടെ 54,057 എണ്ണം.സ്പെയിനിൽ മരണം 22,902 എണ്ണം.ഒരുലക്ഷം പേർ മരിച്ചത് 15 ദിവസത്തിനിടെയാണ് അതേസമയം ആഗോള തലത്തില്‍ ഇന്ത്യയടക്കമുള്ള രാജ്യങ്ങളില്‍ അധികം വൈകാതെ കൊറോണ വൈറസ് വ്യാപനം നിലയ്ക്കുമെന്ന് റിപ്പോർട്ട് . സിംഗപ്പൂര്‍ യൂണിവേഴ്‌സിറ്റി ഓഫ് ടെക്‌നോളജി ആന്‍ഡ് ഡിസൈനിലെ ഗവേഷകരാണ് ഇത്തരമൊരു വാദം മുന്നോട്ട് വെക്കുന്നത്. വിവിധ രാജ്യങ്ങളില്‍ നിന്നുള്ള ഡാറ്റയെ അടിസ്ഥാനപ്പെടുത്തിയാണ് എസ്.യു.ടി.ഡി ഇത്തരത്തില്‍ ഒരു പഠനം നടത്തിയത്.ഇവര്‍ തയ്യാറാക്കിയ പഠന റിപ്പാര്‍ട്ട് പ്രകാരം മെയ് 21 ആവുമ്പോഴേക്കും ഇന്ത്യയിലെ കൊറോണ വൈറസ് രോഗ വ്യാപനം 97 ശതമാനം കുറയും. ഒപ്പം മെയ് 29 ആവുമ്പോഴേക്കും ലോകത്താകമാനം 97 ശതമാനവും 2020 ഡിസംബര്‍ എട്ടോടെ രോഗം പൂര്‍ണ്ണമായും ഇല്ലാതാവുമെന്നും പറയുന്നു.

ലോകത്ത് ഏറ്റവും കൂടുതല്‍ പേര്‍ക്ക് കൊറോണ സ്ഥിരീകരിച്ചിരിക്കുന്നത് അമേരിക്കയിലാണ് അവിടെ ഇന്നലേയും രണ്ടായിരത്തിലേറെ പേര്‍ മരണപ്പെട്ടിരുന്നു. ഇവിടെ രോഗബാധിതരുടെ എണ്ണം പത്ത് ലക്ഷത്തോട് അടുക്കുകയാണ്. എസ്‌യുടിഡി യുടെ പഠനത്തില്‍ പറയുന്നത് പ്രകാരം അമേരിക്കയില്‍ മെയ് 11 ഓട് കൂടി കൊറോണ വ്യാപനം 97 ശതമാനം കുറയുമെന്നാണ്. ഇറ്റലിയില്‍ മെയ് ഏഴ് ഓട് കൂടിയും രോഗ വ്യാപനം 97 ശതമാനം കുറയും.

ലോകത്തിലെ മറ്റ് രാഷ്ട്രങ്ങളിലേയും കൊറോണ വ്യാപനം കുറയുന്നതിന്റെ കാലയളവ് ഇവര്‍ പ്രവചിക്കുന്നുണ്ട്. ഇറാനില്‍ മെയ് പതിനൊന്നോട് കൂടിയും, തുര്‍ക്കിയില്‍ ംെയ് 15, ബ്രിട്ടണില്‍ മെയ് 9, സ്‌പെയിനില്‍ മെയ് ആദ്യം തന്നെയും കൊറോണ പ്രതിസന്ധി അവസാനിക്കും. ജര്‍മനിയില്‍ ഏപ്രില്‍ 30, കാനഡയില്‍ മെയ് പതിനാറോടുകൂടിയും കൊറോണ പ്രതിസന്ധി അവസാനിക്കും.

വിവിധ രാജ്യങ്ങളില്‍ നിന്നുള്ള രോഗ ബാധ സംശയിക്കുന്നവര്‍, രോഗം ബാധിച്ചവര്‍, രോഗമുക്തരായവര്‍ തുടങ്ങിയവരുടെ വിവിരങ്ങള്‍ക്കൊപ്പം കൊറോണ വൈറസിന്റെ കാലയളവ് കൂടി ശേഖരിച്ച നിര്‍മിത ബുദ്ധിയുടെ സഹായത്തോടെ അപഗ്രഥിച്ചാണ് ഗവേഷകര്‍ ഈയൊരു നിഗമനത്തിലെത്തിയത്. എന്നാല്‍ ദിവസവും പുതിയ വിവരങ്ങള്‍ക്കനുസരിച്ച് ഈ പ്രവചനത്തില്‍ മാറ്റം വരാറുണ്ട്.

ഗവേഷണ, വിദ്യഭ്യാസ ആവശ്യങ്ങള്‍ക്ക് മാത്രമായാണ് ഇത്തരം പ്രവചനങ്ങള്‍ നടത്താറുള്ളത്. നേരത്തെ മെയ് 16 വരെ ലോക്ക്ഡൗണ്‍ നീട്ടിയാല്‍ ഇന്ത്യയില്‍ കൊറോണ രോഗികള്‍ പുതുതായി ഉണ്ടാവില്ലെന്ന് ഇവര്‍ നടത്തിയ പഠനത്തില്‍ പറഞ്ഞിരുന്നു. നിലവിലെ സാഹചര്യത്തില്‍ മെയ് മൂന്ന് വരെയാണ് രാജ്യത്ത് ലോക്ക്ഡൗണ്‍ പ്രഖ്യാപിച്ചത്.

ആഗോളതലത്തില്‍ കൊറോണ വൈറസ് രോഗം പടര്‍ന്നുപിടിക്കുകയാണ്. രോഗ ബാധിതരുടെ എണ്ണം മുപ്പത് ലക്ഷത്തോടടുക്കുകയാണ്. ഒപ്പം മരണസംഖ്യ രണ്ട് ലക്ഷം കടന്നു. 203289 പേരാണ് ഇതുവരേയും കൊറോണ വൈറസ് രോഗം പിടിപെട്ട് മരണപ്പെട്ടിട്ടുള്ളത്. അമേരിക്കയില്‍ മാത്രം കൊറോണ ബാധിച്ച് മരണപ്പെട്ടവരുടെ എണ്ണം 54,268 ആണ്. ഇന്ത്യയിലും കടുത്ത നിയന്ത്രണങ്ങള്‍ നടപ്പിലാക്കി വരുമ്പോഴും കൊറോണ പോസിറ്റീവ് കേസുകളുടെ എണ്ണം കാല്‍ ലക്ഷം കടന്നിരിക്കുകയാണ്. കേന്ദ്ര ആരോഗ്യമന്ത്രാലയം ഇന്ന് രാവിലെ പുറത്തുവിട്ട കണക്ക് പ്രകാരം 26496 പേര്‍ക്ക് കൊറോണ സ്ഥിരീകരിച്ചിട്ടുണ്ട്. എന്നാല്‍ ഇതില്‍ നിന്നെല്ലാം ആശ്വാസം തരുന്നൊരു വാര്‍ത്തയാണ് സിംഗപ്പൂരില്‍ നിന്നും പഠനം വ്യക്തമാക്കുന്നത്. ഇത് പകാരം മെയ് 21 ഓടെ ഇന്ത്യയുള്‍പ്പെടെയുള്ള രാജ്യങ്ങളിലെ കൊറോണ വ്യാപനം കുറയുമെന്നാണ്.

The post കൊറോണയുടെ അന്ത്യം ഡിസംബറില്‍; മെയ് മാസത്തോടെ സ്ഥിതി മാറും. appeared first on Daily Indian Herald.

കൊച്ചി : പ്രണയ ജോഡികൾക്ക് ലോക്ക് ടൗൺ വല്ലാത്ത കഷ്ടതകളാണ് നൽകുന്നത് .ഒന്ന് കാണാനോ അടുത്തിരിക്കാനോ കൊച്ചുവാർത്തമാനം പറയാനോ കഴിയുന്നില്ല . എല്ലാവരും ലോക്കായതോടെ ഒട്ടുമിക്ക പേരും മാനസികമായി അസ്വസ്ഥരാണ്. ആഴ്ചയിൽ ഒരു വട്ടം എങ്കിലും പുറത്തുപോയവരും എല്ലാദിവസവും പുറത്തുപോയവരും അസ്വസ്ഥരാണ്. ഇതിനിടയിൽ ലോക്ക്ഡൗൺ ലംഘിച്ച് ബക്കറ്റ് ചിക്കനും ചുട്ടചിക്കനും കഴിച്ചവരും പ്രാർത്ഥാനാലായങ്ങളിൽ ഒത്തുകൂടിയതും തുടർന്നുണ്ടായ അറസ്റ്റും നമ്മൾ മാധ്യമങ്ങളിൽ കണ്ടു. ഈ മൂന്ന് ആഴ്ച നീണ്ടു നിന്ന ലോക്ക്ഡൗണിൽ എന്നും ലോക്ക്ഡൗൺ ലംഘന അറസ്റ്റുണ്ടായതും പതിവ് കാഴ്ചയായിരുന്നു.

ഈ സമയത്ത് വിട്ടുപോയ ഒരു വിഭാ​ഗമുണ്ട് കമിതാക്കൾ. അവർ എങ്ങനെ തങ്ങളുടെ വിരഹ വേദന തീർക്കും. തമിഴ്നാട്ടിൽ നിന്നുള്ള പോലീസിന്റെ ഡ്രോൺ കാഴ്ചയായണ് ഇപ്പോൾ വൈറലാകുന്നുത്. ലോക്ക് ഡൗണിനിടെയുള്ള കമിതാക്കളുടെ പ്രണയ സല്ലാപം കയ്യോടെ പൊക്കി പൊലീസിന്റെ ഡ്രോണ്‍. തമിഴ്നാട്ടിലെ തിരുവള്ളൂര്‍ കുമഡിപൂണ്ടിലെ കമിതാക്കള്‍ക്കിടയിലാണ് ഡ്രോണ്‍ കട്ടുറുമ്പായത്. മാര്‍ച്ചില്‍ പ്രഖ്യാപിച്ച ലോക്ക് ഡൗണ്‍ മേയ് വരെ നീണ്ടതോടെ പരസ്പരം കാണാനാകാതെ കമിതാക്കള്‍ വിഷമിച്ചു. വീട്ടിലിരുന്ന് ബോറടിച്ചതോടെ പരസ്പരം കാണാന്‍ തീരുമാനിച്ചു.

അങ്ങനെ നാളുകള്‍ക്ക് ശേഷം കായല്‍തീരത്തോട് ചേര്‍ന്നുള്ള തോട്ടത്തില്‍ ഇരുവരും കണ്ടുമുട്ടി. ഒരു മരച്ചുവട്ടില്‍ വിശ്രമിക്കുന്നതിനിടയിലാണ് തലയ്ക്ക് മുകളില്‍ ഡ്രോണ്‍ എത്തിയത്. ഇരുവരും പേടിച്ച്‌ ബൈക്കില്‍ രക്ഷപ്പെടുന്ന വീഡിയോ ഇപ്പോള്‍ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്. എല്ലാവർക്കും ചിരിക്കാൻ ഒരു വകയുണ്ടെങ്കിലും സോഷ്യൽ മീഡിയ പോലീസിനോട് ചോ​ദിക്കുകയാണ് , ഇങ്ങനെയൊക്കെ ചെയ്യാമോ? പോലീസേ?

The post ലോക്ക് ഡൗണില്‍ സല്ലപിച്ചിരുന്ന കാമുകനും കാമുകിയും!..കയ്യോടെ പൊക്കി ഡ്രോൺ-വീഡിയോ. ഇങ്ങനെയൊക്കെ ചെയ്യാമോ? പോലീസേ… appeared first on Daily Indian Herald.

തിരുവനന്തപുരം:വിദേശത്ത് കഴിയുന്ന ഇന്ത്യക്കാരെ നാട്ടിലെത്തിക്കാനുള്ള നടപടികള്‍ ഊര്‍ജ്ജിതമാക്കി വരികയാണ് കേന്ദ്ര-സംസ്ഥാന സര്‍ക്കാറുകള്‍. പ്രവാസികളെ തിരികെ കൊണ്ടുവരുന്നതിൽ കേന്ദ്രസർക്കാർ അന്തിമ തീരുമാനം എടുത്തിട്ടില്ലെങ്കിലും,​ ഗൾഫിലും മറ്റ് വിദേശരാജ്യങ്ങളിലും കൊവിഡും ലോക്ക് ഡൗണും മൂലം കഷ്‌ടപ്പെടുന്ന മലയാളികളെ നാട്ടിലെത്തിക്കാനുള്ള പ്രാരംഭ നടപടികൾക്ക് സംസ്ഥാന സർക്കാർ ഇന്നലെ തുടക്കം കുറിച്ചു. തിരികെവരാൻ ആഗ്രഹിക്കുന്നവർക്ക് പേര് രജിസ്റ്റർ ചെയ്യാൻ നോർക്കയുടെ ഒാൺലൈൻ സംവിധാനം തുറന്നു.

വിദേശകാര്യമന്ത്രാലയം ഗള്‍ഫിലും യൂറോപ്യന്‍ രാജ്യങ്ങളിലും ഉള്ള ഇന്ത്യക്കാരുടെ കണക്ക് എംബസികള്‍ മുഖേന ശേഖരിച്ചിട്ടുണ്ട്. ഈ കണക്കുകളുടെ അടിസ്ഥാനത്തില്‍ നടപടികള്‍ സ്വീകരിക്കാനാണ് കേന്ദ്ര തീരുമാനം. പ്രവാസികളെ സ്വീകരിക്കാന്‍ കേരള സര്‍ക്കാറും വലിയ തയ്യാറെടുപ്പാണ് നടത്തുന്നത്. കേരളത്തിൻ്റെ മുന്നൊരുക്കങ്ങൾ പ്രശംസനീയമെന്ന് ചീഫ് സെക്രട്ടറിമാരുടെ യോഗത്തിൽ കേന്ദ്ര ക്യാബിനറ്റ് സെക്രട്ടറിയും ഹോം സെക്രട്ടറിയും വിദേശകാര്യ സെക്രട്ടറിയും കഴിഞ്ഞ ദിവസം അഭിപ്രായപ്പെട്ടിരുന്നു.

സമ്പൂർണ അടച്ചിടൽ മേയ് മൂന്നിന് അവസാനിക്കുമ്പോൾ എന്തെല്ലാം ഇളവുകൾ ആകാമെന്നതിനാണ് കേന്ദ്രം ഇപ്പോൾ മുൻഗണന നൽകുന്നത്. സംസ്ഥാനങ്ങളുടെ നിലപാടും പ്രവാസികൾക്കായി നടത്തിയ തയ്യാറെടുപ്പുകളും വിലയിരുത്തിയ ശേഷമായിരിക്കും കേന്ദ്രം അന്തിമ തീരുമാനം എടുക്കുന്നത്. പ്രവാസികളെ തിരികെ എത്തിക്കാനായുള്ള പദ്ധതി കേരളം കേന്ദ്രത്തെ അറിയിച്ചിട്ടുണ്ട്. ഏതെല്ലാം രാജ്യങ്ങളിൽ നിന്ന് എത്രപേരെ കൊണ്ടുവരേണ്ടി വരും, മുൻഗണനാക്രമം അനുസരിച്ച് എത്രപേരെ അടിയന്തരമായി കൊണ്ടുവരേണ്ടി വരും എന്നീ കാര്യങ്ങളിൽ വ്യക്തതയ്ക്കു വേണ്ടിയാണ് രജിസ്ട്രേഷൻ ആരംഭിച്ചത്. വിദേശത്ത് നാൽപത് ലക്ഷത്തോളം മലയാളികളുണ്ടെങ്കിലും അവരെല്ലാം തിരിച്ചുവരുന്നുണ്ടാവില്ല. അതിനാൽ വ്യക്തമായ കണക്കെടുക്കാൻ കേന്ദ്രസർക്കാരും നിർദ്ദേശിച്ചിരുന്നു. അതു കൂടി പരിഗണിച്ചാണ് നോർക്ക രജിസ്ട്രേഷൻ തുടങ്ങിയത്. പ്രവാസികളെ കൊണ്ടുവരാൻ കേന്ദ്രം തീരുമാനിച്ചാൽ ഗർഭിണികൾ, പ്രായമായവർ, രോഗികൾ, ചെറിയ കാലയളവിലേക്ക് നാട്ടിൽ നിന്ന് പോയവർ, വിദ്യാർത്ഥികൾ തുടങ്ങിയവർക്കായിരിക്കും മുൻഗണനയെന്ന് നോർക്ക വൃത്തങ്ങൾ അറിയിച്ചു. @ രജിസ്‌ട്രേഷൻ ഇങ്ങനെ –www.registernorkaroots.org എന്ന സൈറ്റിലാണ് രജിസ്റ്റർ ചെയ്യേണ്ടത്. പാസ്പോർട്ട് നമ്പരും രാജ്യത്തിന്റെ വിശദാംശങ്ങളും ബന്ധപ്പെടാനുള്ള ഫോൺ നമ്പരും വേണം.

എല്ലാം സജ്ജം: മുഖ്യമന്ത്രി-പ്രവാസികൾ ഏതുസമയത്ത് തിരിച്ചുവന്നാലും എല്ലാം സജ്ജമാണെന്ന് മുഖ്യമന്ത്രി പിണറായി വിജയൻ പറഞ്ഞു. വിമാനത്താവളത്തിൽ പരിശോധനാ സംവിധാനമുണ്ട്. വീടുകളിലും സർക്കാർ സംവിധാനത്തിലും ക്വാറന്റൈൻ ചെയ്യാനും ചികിത്സ നൽകാനും സൗകര്യമൊരുക്കിയിട്ടുണ്ട്.

കൊവിഡ് നെഗറ്റിവ് -സർട്ടിഫിക്കറ്റ് വേണം

മടങ്ങിവരുന്നവർ ഏത് രാജ്യത്താണോ അവിടെ പരിശോധിച്ച് കൊവിഡ് നെഗറ്റീവാണെന്ന സർട്ടിഫിക്കറ്റ് നേടണം. അതത് രാജ്യങ്ങളിലെ വിമാനത്താവളത്തിലും സ്ക്രീനിംഗ് ഉണ്ടാകും. അവിടങ്ങളിലെ നിയമങ്ങൾക്ക് അനുസരിച്ചായിരിക്കും സ്ക്രീനിംഗ്. കേരളത്തിൽ തിരിച്ചെത്തുന്ന വിമാനത്താവളത്തിലും സ്ക്രീനിംഗ് നടത്തും.

കേന്ദ്രം അന്തിമ തീരുമാനമെടുത്തിട്ടില്ല: കേന്ദ്രമന്ത്രി വി. മുരളീധരൻ

ലോക്ക് ഡൗൺ പിൻവലിച്ചതിന് ശേഷമേ വിദേശത്ത് നിന്ന് ആളുകളെ കൊണ്ടുവരാനാകൂ. ഇക്കാര്യത്തിൽ കേന്ദ്രം അന്തിമ തീരുമാനം എടുത്തിട്ടില്ല. ആലോചനകൾ നടക്കുകയാണ്. കേരളത്തിലേക്ക് വരാൻ എത്രപേർ സന്നദ്ധരാണെന്ന് അറിയാനായിരിക്കും നോർക്ക രജിസ്‌ടേഷൻ നടത്തുന്നത്.വിദേശമലയാളികൾയു.എ.ഇ – 14 ലക്ഷംസൗദി അറേബ്യ – 13ലക്ഷം.ഒമാൻ,​ ബഹറിൻ,​ ഖത്തർ,​ മസ്‌കറ്റ് – 8 ലക്ഷംഅമേരിക്ക – 46,​535ബ്രിട്ടൻ – 38,​023,ആസ്ട്രേലിയ /ന്യൂസിലൻഡ്- 30,​078 ,കാനഡ – 15,​323 ,സിംഗപ്പൂർ – 12,​485മലേഷ്യ – 11,​350മാലിദ്വീപ് – 6243ആഫ്രിക്ക – 5657മറ്റ് രാജ്യങ്ങൾ – 62,​441ആകെ. 37,28,135

അപേക്ഷകർ ഉൾപ്പെടുന്ന മുൻഗണനാ കാറ്റഗറി, ഓരോരുത്തരും നൽകുന്ന വിവരങ്ങളുടെ അടിസ്ഥാനത്തിൽ വേർതിരിക്കാനുള്ള സൗകര്യവും നോർക്കയുടെ സോഫ്റ്റ് വെയറിൽ സജ്ജീകരിച്ചിട്ടുണ്ട്. ചോദിക്കുന്ന മുറക്ക് ബന്ധപ്പെട്ട വിവരങ്ങൾ കേന്ദ്ര സർക്കാരിന് കൈമാറും. അന്തിമ തീർപ്പ് കൽപിക്കേണ്ടത് വിദേശകാര്യ മന്ത്രാലയമാണ്. റജിസ്ട്രേഷൻ നോർക്കയിലൂടെ മാത്രമേ സർക്കാർ സ്വീകരിക്കുകയുള്ളൂ. ഗവ: സംവിധാനത്തിൽ നിങ്ങൾ നൽകുന്ന വിവരങ്ങൾ പൂർണമായും സുരക്ഷിതമായിരിക്കും.

തിരികെ എത്തുന്ന പ്രവാസികള്‍ക്കായി കേന്ദ്ര വിദേശകാര്യ മന്ത്രാലയം കണ്‍ട്രോള്‍ റൂമുകള്‍ തുറന്നിട്ടുണ്ട്. പ്രത്യേക വിമാനത്തിലായിരിക്കും വിദേശങ്ങളില്‍ കുടുങ്ങിക്കിടക്കുന്ന ഇന്ത്യക്കാരെ തിരിച്ചെത്തിക്കുക. ഒരോരുത്തരേയും വീടിന്‍റെ തൊട്ടടുത്തുള്ള വിമാനത്താവളത്തിലായിരിക്കും എത്തിക്കുക.

നീരീക്ഷണത്തിന് ശേഷമായിരിക്കും ഇവരെ വീടുകളിലേക്ക് മാറ്റുക. പ്രവാസികള്‍ തിരികെ എത്തുമ്പോള്‍ സ്വീകരിക്കേണ്ട എല്ലാ സജ്ജീകരണങ്ങളും ഒരുക്കാന്‍ ചീഫ് സെക്രട്ടറിമാര്‍ക്ക് നിര്‍ദ്ദേശം നല്‍കിയിട്ടുണ്ട്. സന്ദര്‍ശന വിസയില്‍ പോയി കുടുങ്ങിയവര്‍, മത്സ്യത്തൊഴിലാളികള്‍ എന്നിവര്‍ക്കായിരിക്കും ആദ്യപരിഗണന നല്‍കുക.വിമാനസർവ്വീസ് തുടങ്ങുമ്പോൾ പ്രവാസികളുടെ മടക്കം സാധ്യമാകുമെന്നും കേന്ദ്രം പറയുന്നു. ചീഫ് ഇലക്ഷൻ കമ്മീഷണറടക്കമുള്ള പ്രമുഖരടക്കം നിരവധി പേർ വിവിധ രാജ്യങ്ങളിൽ കുടുങ്ങി കിടക്കുകയാണ്. അത്യാവശ്യമായി എത്തിക്കേണ്ടവരെ പ്രത്യേക വിമാനങ്ങളിൽ തിരികെ കൊണ്ടു വന്ന ശേഷം മാത്രമായിരിക്കും മറ്റു പ്രവാസികളെ നാട്ടിലേക്ക് എത്തിക്കുകയെന്നതാണ് കേന്ദ്രത്തിൻ്റെ നിലപാട്

The post പ്രവാസി തിരിച്ചുവരവ് വിവരങ്ങൾ !മൊത്തം37,28,135 പ്രവാസികൾ !നോർക്ക രജിസ്ട്രേഷൻ തുടങ്ങി.നാട്ടിലേക്ക് വരാനുള്ള രജിസ്ട്രേഷന് ഒരൊറ്റ മാര്‍ഗ്ഗം മാത്രം. appeared first on Daily Indian Herald.

ന്യൂഡൽഹി: രാജ്യത്ത് തീവ്രബാധിത മേഖലകളിലും പകർച്ചാസാദ്ധ്യതയുള്ള പ്രദേശങ്ങളിലും ലോക്ക് ഡൗൺ തുടരേണ്ടി വരുമെന്ന് സൂചന നൽകി പ്രധാനമന്ത്രി നരേന്ദ്രമോദി.തീവ്രബാധിത പ്രദേശങ്ങൾ അല്ലാത്തിടത്ത് കൂടുതൽ ഇളവ് നൽകുമെന്നും അദ്ദേഹം വ്യക്തമാക്കി. മുഖ്യമന്ത്രിമാരുടെ യോഗത്തിലായിരുന്നു പ്രധാനമന്ത്രിയുടെ പ്രതികരണം. വിട്ടുവീഴ്ചയില്ലാത്ത നീണ്ട യുദ്ധമാണ് കോവിഡിനെതിരെ നടത്തുന്നതെന്ന് പ്രധാനമന്ത്രി . ലോക്ക് ഡൗണ്‍ ഇന്ത്യയില്‍ കൊവിഡ് കേസുകള്‍ പിടിച്ചു നിര്‍ത്തിയതായും അദ്ദേഹം അഭിപ്രായപ്പെട്ടു. മുഖ്യമന്ത്രിമാരുമായി നടത്തിയ യോഗത്തില്‍ സംസാരിക്കുകയിരുന്നു അദ്ദേഹം. ആരോഗ്യ സേതു ആപ്പില്‍ ജനങ്ങൾ രജിസ്റ്റർ ചെയ്യുന്നത് ഉറപ്പാക്കണമെന്ന് പ്രധാനമന്ത്രി നരേന്ദ്ര മോദി എല്ലാ മുഖ്യമന്ത്രിമാരോടും അഭ്യർത്ഥിച്ചു. കൊവിഡുമായി ബന്ധപ്പെട്ട വിവിധ സംസ്ഥാനങ്ങളുടെ പ്രവര്‍ത്തനങ്ങളില്‍ പ്രധാനമന്ത്രി തൃപ്തി രേഖപ്പെടുത്തി. തീവ്രബാധിത മേഖലകളില്‍ ലോക് ഡൗണ്‍ തുടരേണ്ടി വരുമെന്ന് പ്രധാനമന്ത്രി വ്യക്തമാക്കി. ഒരോ മേഖലകളുടേയും സാഹചര്യം കണക്കിലെടുത്താവും നിലപാട് സ്വീകരിക്കുക. തീവ്രബാധിതമല്ലാത്ത മേഖലകളില്‍ കൂടുതല്‍ ഇളവുകള്‍ ഉണ്ടാവുമെന്നും അദ്ദേഹം പറഞ്ഞു.

യോഗത്തില്‍ സംസാരിച്ച മുഖ്യമന്ത്രിമാരില്‍ ഭൂരിപക്ഷം മുഖ്യമന്ത്രിമാരും ലോക്ക് ഡൗണ്‍ തുടരണമെന്ന നിലപാടാണ് സ്വീകരിച്ചത്. എന്നാല്‍ സാമ്പത്തിക പ്രവര്‍ത്തനങ്ങള്‍ക്ക് അനുമതി നല്‍കണമെന്നും അവര്‍ ആവശ്യപ്പെട്ടു. ലോക്ക്ഡൗൺ നീട്ടുന്നത് സംബന്ധിച്ച കേന്ദ്രത്തിന്റെ തീരുമാനത്തിന് അനുസൃതമായി പ്രവർത്തിക്കുമെന്ന് ഗുജറാത്ത് മുഖ്യമന്ത്രി അറിയിച്ചു. രാജ്യത്തിന്റെ താൽപ്പര്യാർത്ഥം കേന്ദ്രം ഇക്കാര്യത്തിൽ തീരുമാനമെടുക്കണം. ഞങ്ങൾക്ക് ലോക്ക്ഡൗൺ മെയ് 3 ന് ശേഷവും നീട്ടേണ്ടതുണ്ട്. അതേസമയം തന്നെ ഘട്ടം ഘട്ടമായി സാഹചര്യം ലഘൂകരിക്കണമെന്നും അദ്ദേഹം ആവശ്യപ്പെട്ടു.

ലോക്ക്ഡൗൺ ഒറ്റയടിക്ക് പിൻവലിക്കരുതെന്നാണ് കേരളം അടക്കമുള്ള സംസ്ഥാനങ്ങൾ യോഗത്തിൽ നിലപാടെടുത്തത്. എന്നാൽ സ്വന്തം സംസ്ഥാനത്ത് നിന്ന് മറ്റ് സംസ്ഥാനങ്ങളിലേക്ക് പോയ തൊഴിലാളികളെ ബസുകളയച്ച് തിരികെ കൊണ്ടുവരുമെന്ന് യുപി മുഖ്യമന്ത്രി യോഗി ആദിത്യനാഥ് വ്യക്തമാക്കിയിരുന്നു. മാത്രമല്ല, രാജസ്ഥാനിൽ നിരവധി കോച്ചിംഗ് കേന്ദ്രങ്ങൾ പ്രവർത്തിക്കുന്ന കോട്ടയിൽ കുടുങ്ങിയ വിദ്യാർത്ഥികളെ തിരികെ കൊണ്ടുവരാനായി യു.പി ബസുകളയക്കുകയും ചെയ്തു. അപ്പോൾത്തന്നെ ഇതിനെ രൂക്ഷമായ ഭാഷയിൽ വിമർശിച്ച ബിഹാർ മുഖ്യമന്ത്രി നിതീഷ് കുമാർ ആ വിമർശനം ഇന്ന് മുഖ്യമന്ത്രിമാരുടെ യോഗത്തിലും ആവർത്തിച്ചു. നേരത്തേ കേന്ദ്രഗതാഗതമന്ത്രി നിതിൻ ഗഡ്കരി ഉൾപ്പടെ തൊഴിലാളികളെ തിരികെ കൊണ്ടുവരുന്നതിനെതിരെ നിലപാടെടുത്തിരുന്നു.

രാജ്യമൊട്ടാകെ ലോക്ക് ഡൗൺ തുടരണമെന്ന നിലപാട് ഏഴ് സംസ്ഥാനങ്ങൾ സ്വീകരിച്ചെങ്കിലും ആ നിർദേശം നിലവിൽ രാജ്യത്തിന്റെ സാമ്പത്തിക സ്ഥിതിയെ ഗുരുതരമായി ബാധിക്കുമെന്നാണ് കേന്ദ്രസർക്കാരിന്റെ വിലയിരുത്തൽ. പലയിടങ്ങളിലും നിലവിൽ മേഖല തിരിച്ച് കേന്ദ്ര, സംസ്ഥാനസർക്കാരുകൾ ഇളവ് നൽകിയിട്ടുണ്ട്. എന്നാൽ സാമ്പത്തിക സ്ഥിതിയിൽ ആശങ്ക വേണ്ട എന്നാണ് ഇന്നത്തെ യോഗത്തിൽ പ്രധാനമന്ത്രി നരേന്ദ്രമോദി വ്യക്തമാക്കിയത്. എന്നാൽ നിലവിൽ പല സംസ്ഥാനങ്ങളും ലോക്ക്ഡൗണിലെ ചില ചട്ടങ്ങളെങ്കിലും ലംഘിച്ചുവെന്ന് കേന്ദ്ര ആഭ്യന്തരമന്ത്രി അമിത് ഷാ യോഗത്തിൽ പറഞ്ഞു. ഇത് അനുവദിക്കാനാകുന്നതായിരുന്നില്ല. ഒരു കാരണവശാലും ലോക്ക്ഡൗൺ ചട്ടങ്ങൾ ലംഘിക്കരുതെന്നും കേന്ദ്രം പരമാവധി ഇളവുകൾ നൽകിയിട്ടുണ്ടെന്നും അമിത് ഷാ യോഗത്തിൽ ആവശ്യപ്പെട്ടു.

The post മെയ് 3 ന് ശേഷവും ലോക്ക് ഡൗണ്‍ തുടര്‍ന്നേക്കും.തീവ്രബാധിത മേഖലകളിലും പകർച്ചാസാദ്ധ്യതയുള്ള പ്രദേശങ്ങളിലും ലോക്ക്ഡൗൺ തുടരുമെന്ന് പ്രധാനമന്ത്രി appeared first on Daily Indian Herald.

ലണ്ടൻ :ലോകത്തിന് ഭീഷണിയായായി മഹാമാരി കൊറോണ നിൽക്കുകയാണ് -രണ്ടുലക്ഷത്തിനു മുകളിൽ ആളുകൾ മരിച്ചു .മുപ്പതുലക്ഷത്തിനു മുകളിൽ രോഗം .അതിനിടെ ലോകത്തിന് വലിയ ആശ്വാസമായി ഓസോൺ പാളിയിലെ ഏറ്റവും വലിയ ദ്വാരം തനിയെ അടഞ്ഞതായി ശാസ്ത്രജ്ഞർ. ഭൂമിക്ക് തന്നെ ഭീഷണിയായി ഭൂഖണ്ഡത്തിൽ ആർട്ടിക്കിന് മുകളിലായി കാണപ്പെട്ടിരുന്ന ദ്വാരമാണ് ഇപ്പോൾ തനിയെ അടഞ്ഞതായി കണ്ടെത്തിയിരിക്കുന്നത്. പത്ത് കിലോമീറ്റർ വിസ്തൃതിയുണ്ടായിരുന്നു ദ്വാരത്തിന്.

അസാധാരണ രീതിയിൽ ഭൗമ അന്തരീക്ഷത്തിലുണ്ടാവുന്ന മാറ്റങ്ങൾ മൂലമാണ് ഈ ദ്വാരമുണ്ടായതെന്നാണ് വിദഗ്ദ്ധർ പറയുന്നത്. എന്തായാലും ലോകം ഇപ്പോൾ അഭിമുഖീകരിക്കുന്ന കൊവിഡ് 19 മഹാമാരിക്കിടെ ശാസ്ത്രലോകത്തിനും പരിസ്ഥിതി പ്രവർത്തകർക്കും ഏറെ ആശ്വാസകരമായിട്ടുള്ളതാണ് റിപ്പോർട്ട്. യൂറോപ്പിൽ നിന്നുള്ള കാലാവസ്ഥാ നിരീക്ഷണ സംവിധാനങ്ങൾക്ക് കീഴിലുള്ള കോപ്പർ നിക്കസ് ക്ലൈമറ്റ് ചേഞ്ച് സർവീസ്, കോപ്പർ നിക്കസ് അറ്റ്മോസ്ഫിയർ മോണിറ്ററിംഗ് സർവ്വീസ് എന്നിവയാണ് ഓസോൺ പാളിയിലെ ദ്വാരം അടഞ്ഞതായി സ്ഥിരീകരിച്ചത്.

സാധാരണയായി ഒരു പ്രദേശത്ത് ഓസോൺ പാളിയിലുണ്ടാവുന്ന കനക്കുറവിനെയാണ് ഓസോൺ പാളിയിലെ ദ്വാരം എന്ന് വിളിക്കുന്നത്. പലതരത്തിലുള്ള രാസവസ്തുക്കളാണ് ഇത്തരത്തിൽ ഓസോൺ പാളിയുടെ നാശത്തിന് കാരണമാകുന്നത്. സൂര്യനിൽ നിന്നും നേരിട്ട് പതിക്കുന്ന മാരകമായ അൾട്രാവയലറ്റ് രശ്മികളിൽ നിന്ന് ഭൂമിയേയും ജീവജാലകങ്ങളേയും സംരക്ഷിക്കുന്ന കവചമാണ് ഓസോൺ പാളി. അന്റാർട്ടിക്കിനു മുകളിൽ ഓസോൺ പാളിക്ക് ശോഷണം സംഭവിക്കുന്നുവെന്ന വിവരം ആദ്യം ലോകത്തെ അറിയിച്ചത് 1980 കളുടെ മദ്ധ്യത്തിൽ ജോയ് ഫോർമാൻ, ജോനാതൻ ഷാങ്ക്‌ളിൻ, ബ്രയൻ ഗാർഡിനർ എന്നീ ശാസ്ത്രജ്ഞരാണ്. കാരണമായി കണ്ടെത്തിയത്, ക്ലോറോ ഫ്ലൂറോ കാർബൺ (CFC) എന്ന രാസവാതകവും. ഓസോൺ പാളിയെ സംരക്ഷിക്കാൻ 1985-ൽ വിയന്നയിൽ വച്ച് ലോകരാഷ്ട്രങ്ങൾ ഒരു സമ്മേളനം നടത്തി.1987 സെപ്റ്റംബർ 16-ന് മോൺട്രിയലിൽ വച്ച് ഓസോൺ പാളിയെ രക്ഷിക്കാനുള്ള ഉടമ്പടി ഒപ്പിട്ടു. ആ ദിനത്തിന്റെ ഓർമ്മയ്ക്ക് 1994-മുതൽ ഐക്യരാഷ്ട്രസഭ സെപ്തംബർ 16 ഓസോൺ ദിനമായി ആചരിക്കുന്നു.

The post ഭൂമിക്ക് ഭീഷണി അകന്നു, കൊവിഡ് ഇഫക്‌ടിൽ അമ്പരന്ന് ശാസ്‌ത്രജ്ഞർ. appeared first on Daily Indian Herald.

കൊച്ചി ‌: ലോക്ക്‌ഡൗണ്‍ കാലത്ത് ഓൺലൈൻ വിവാഹവും.പള്ളിപ്പാട്ടെ വീട്ടില്‍ മൊബൈലില്‍ തെളിഞ്ഞ വധുവിന്റെ ചിത്രത്തില്‍ ശ്രീജിത്ത്‌ താലി ചാര്‍ത്തി. മൂലം വിവാഹദിനത്തില്‍ വധുവിനു നാട്ടിലെത്താനായിള്ള .അതിനാൽ നിശ്‌ചയിച്ച മുഹൂര്‍ത്തത്തില്‍തന്നെ ഓണ്‍ലൈനിലൂടെ വിവാഹം നടത്തുകയായിരുന്നു . ചങ്ങനാശേരി പുഴവാത്‌ കാര്‍ത്തികയില്‍ നടേശനാചാരി-കനകമ്മ ദമ്പതികളുടെ മകന്‍ ശ്രീജിത്തിന്റെയും പള്ളിപ്പാട്‌ കൊടുന്താറ്റ്‌ പങ്കജാക്ഷനാചാരി- ശ്രീകാന്ത ദമ്പതികളുടെ മകള്‍ അഞ്‌ജനയുടെയും വിവാഹമാണ്‌ ഇന്നലെ വീഡിയോ കോളിലൂടെ നടന്നത്‌. ഉത്തര്‍പ്രദേശില്‍ ജോലി ചെയ്യുന്ന അഞ്‌ജനയ്‌ക്ക്‌ ലോക്ക്‌ഡൗണ്‍ മൂലം നാട്ടിലെത്താന്‍ കഴിഞ്ഞിരുന്നില്ല. എന്നാല്‍, നിശ്‌ചയിച്ച മുഹൂര്‍ത്തത്തില്‍തന്നെ വിവാഹം നടത്താനായിരുന്നു രണ്ടു വീട്ടുകാരുടെയും തീരുമാനം. പള്ളിപ്പാട്‌ മണക്കാട്ട്‌ ദേവീക്ഷേത്രത്തിനു സമീപമുള്ള ബന്ധുവീട്ടില്‍ ഇന്നലെ ഉച്ചയ്‌ക്ക്‌ 12.15നും 12.45നും മധ്യേയായിരുന്നു ഓണ്‍ലൈന്‍ വിവാഹച്ചടങ്ങ്‌.

കത്തിച്ചുവച്ച നിലവിളക്കിന്‌ മുമ്പില്‍ വിവാഹവേഷത്തിലെത്തിയ ശ്രീജിത്തും ഉത്തര്‍പ്രദേശിലെ വീട്ടില്‍ വിവാഹവേഷത്തില്‍ അഞ്‌ജനയും വിവാഹത്തിന്‌ ഒരുങ്ങിനിന്നു. അഞ്‌ജനയുടെ അച്‌ഛന്‍ പങ്കജാക്ഷനാചാരി പിടിച്ച മൊബൈലില്‍ വീഡിയോ കോള്‍ ചെയ്‌തു. മൊബൈലില്‍ അഞ്‌ജനയുടെ ചിത്രം തെളിഞ്ഞയുടന്‍ ശ്രീജിത്ത്‌ താലി ചാര്‍ത്തി. ഇതേസമയം ഉത്തര്‍പ്രദേശിലെ വീട്ടില്‍ അഞ്‌ജന സ്വയം താലി ചാര്‍ത്തി. തുടര്‍ന്ന്‌ മൊബൈലിലെ അഞ്‌ജനയുടെ ചിത്രത്തിലെ സീമന്തരേഖയില്‍ ശ്രീജിത്ത്‌ സിന്ദൂരം ചാര്‍ത്തി. പിന്നീടു ശാഖാ രജിസ്‌റ്ററില്‍ ശ്രീജിത്ത്‌ ഒപ്പുവച്ചു. ചെറിയ തോതില്‍ വിവാഹ സദ്യയും ഒരുക്കിയിരുന്നു. രണ്ടരയോടെ മാതാപിതാക്കളും ശ്രീജിത്തും ചങ്ങനാശേരിയിലെ വീട്ടിലേക്ക്‌ മടങ്ങി.

ശ്രീജിത്ത്‌ കുമ്പനാട്‌ ഇസാഫ്‌ ബാങ്ക്‌ ജീവനക്കാരനും അഞ്‌ജന ലക്‌നോവില്‍ സോഫ്‌റ്റ്‌വേര്‍ എന്‍ജിനിയറുമാണ്‌. അഞ്‌ജനയ്‌ക്കു പുറമേ അമ്മ ശ്രീകാന്ത, പത്താം ക്ലാസ്‌ വിദ്യാര്‍ഥിയായ സഹോദരന്‍ വിനയശങ്കര്‍ എന്നിവര്‍ക്കും നാട്ടിലെത്തിച്ചേരാന്‍ കഴിഞ്ഞില്ല. വിവാഹ ഒരുക്കങ്ങള്‍ക്കായി നേരത്തെ നാട്ടിലെത്തിയ പങ്കജാക്ഷനാചാരി ഇവിടെ തങ്ങുകയായിരുന്നു. ഇന്നലെ രാവിലെ 11 മണിയോടെ മാതാപിതാക്കള്‍ക്കും സഹോദരനും സഹോദരന്റെ കുടുംബത്തിനുമൊപ്പമാണ്‌ ശ്രീജിത്ത്‌ വധൂഗൃഹത്തിലെത്തിയത്‌. ഇരുവരുടെയും ഏറ്റവുമടുത്ത 15 ബന്ധുക്കള്‍ മാത്രമാണ്‌ വിവാഹ ചടങ്ങില്‍ പങ്കെടുത്തത്‌.

The post ലോക്ക്‌ഡൗണ്‍ കാലത്തെ ഓണ്‍ലൈന്‍ താലികെട്ട്‌. മൊബൈലില്‍ തെളിഞ്ഞ വധുവിന്റെ ചിത്രത്തില്‍ ശ്രീജിത്ത്‌ താലി ചാര്‍ത്തി, സീമന്തരേഖയില്‍ സിന്ദൂരവും, യു.പിയിലെ വീട്ടില്‍ സ്വയം താലി ചാര്‍ത്തി അഞ്‌ജനയും appeared first on Daily Indian Herald.

ചെന്നൈ: മമ്മൂട്ടിചിത്രം കസബയിലൂടെയും മോഹന്‍ലാല്‍ നായകനായി എത്തിയ മുന്തിരിവള്ളികള്‍ തളിര്‍ക്കുമ്പോള്‍ എന്ന ചിത്രത്തിലൂടെയും മലയാളികള്‍ക്ക് പരിചയമുള്ള നടിയാണ് നേഹാ സക്‌സേന. അന്യ ഭാഷയില്‍ നിന്നുമാണ് താരം മലയാള സിനിമയിലേക്ക് എത്തിയത് .കസബയിലെ സൂസനായാണ് മലയാളത്തിലെ അരങ്ങേറ്റം. ശേഷം മുന്തിരി വള്ളികൾ തളിർക്കുമ്പോളെന്ന ചിത്രത്തിലും നേഹ വേഷമിട്ടു. ജീമ്പൂമ്പാ, ലേറ്റ് മാര്യേജ് തുടങ്ങിയ ചിത്രങ്ങളിലും നേഹ കഥാപാത്രമായി.

തന്റെ ബാല്യകാലവും അമ്മയുടെ സ്വാധീനവുമാണ് നേഹക്ക് പറയാനുണ്ടായിരുന്നത്. അച്ഛനെ ഒന്ന് കാണാൻ പോലും അവസരം നല്കാതെയായിരുന്നു വിധിയുടെ വിളയാട്ടം. കുടുംബനാഥന്മാരാരും ഇല്ലാത്ത വീട്ടിൽ അമ്മയായിരുന്നു നേഹയുടെ ശക്തി.ബാല്യത്തിൽ ഭക്ഷണം വാങ്ങാൻ പണം ഇല്ലാതിരുന്ന ഒൻപതു ദിവസങ്ങൾ അമ്മയും താനും പച്ചവെള്ളം മാത്രം കുടിച്ചു കഴിഞ്ഞതും നേഹ ഓർക്കുന്നു. എന്നാലും ആരോടും കൈനീട്ടരുതെന്നായിരുന്നു അമ്മയുടെ ഉപദേശം. വളർന്നതിൽ പിന്നെ ആ അമ്മക്ക് എല്ലാം നേടിക്കൊടുക്കുന്നതിലായിരുന്നു നേഹയുടെ സന്തോഷം. മകൾ നടിയാവുന്നതിൽ അമ്മക്ക് താൽപ്പര്യം ഇല്ലായിരുന്നു. അമ്മ അറിയാതെ മോഡലിംഗ് ചെയ്തായിരുന്നു നേഹയുടെ തുടക്കം.

അന്യനാട്ടുകാരിയാണെങ്കിലും മലയാളികളുടെ പ്രിയപ്പെട്ട താരമാണ് നേഹ സക്‌സേന. അമ്മക്കൊപ്പം ജീവിതത്തിൽ പടപൊരുതി സിനിമയിലെത്തിയ നടി. ഏവിയേഷൻ മേഖലയിൽ നിന്നുമാണ് സിനിമയിലേക്ക് കാലെടുത്തു വയ്ക്കുന്നത്. അന്യഭാഷക്കാരിയാണെങ്കിലും മലയാള സിനിമയാണ് ഇവർക്ക് നടിയെന്ന നിലയിൽ ഐഡന്റിറ്റി നേടിക്കൊടുത്തത്. പക്ഷെ കാസ്റ്റിങ് കൗച്ച് ദുരനുഭവം എല്ലാവരെയും പോലെ അനുഭവിക്കേണ്ട അവസ്ഥയെപ്പറ്റി ഒരു അഭിമുഖത്തിൽ താരം തുറന്നു പറയുന്നു.

കുറുക്കുവഴികളിലൂടെ പോകരുത്. നേർവഴിക്കു പോയാൽ ആരുടെ മുന്നിലും തല കുനിക്കേണ്ടി വരില്ല.’ എന്ന ഉപദേശമാണ് നേഹ സക്‌സേനക്ക് അമ്മ നൽകിയത്. ഇപ്പോഴും താൻ അത് പിന്തുടരുന്നു എന്ന് നേഹ പറയുന്നു. നേഹയുടെ പഠനത്തിനും മറ്റുമായി അമ്മയെടുത്ത ലോണുകൾ മുഴുവനും ജോലി ചെയ്തു വീട്ടിയത് നേഹയാണ്. വീട്ടുജോലി ചെയ്തു വരെ നേഹ ബോർഡ് എക്‌സാം എഴുതാനുള്ള പണം കണ്ടെത്തിയിരുന്ന</p>
തുളു ഭാഷയിലെ ‘റിക്ഷ ഡ്രൈവർ’ എന്ന സിനിമയിലാണ് ആദ്യം അഭിനയിക്കുന്നത്. അതിൽ തന്നെ മികച്ച നടിക്കുള്ള അവാർഡ് ലഭിച്ചു. ബെംഗളൂരു ലീല പാലസിൽ ജോലി ചെയ്യുമ്പോഴാണ് മോഡലിങ് സിനിമാ മോഹം തലയ്ക്കു പിടിച്ചത് എന്ന് നേഹ പറയുന്നു

നേഹ ഫാഷൻ ഷോകൾ ചെയ്യാൻ തുടങ്ങി. സിനിമക്ക് വേണ്ടി ഒഡിഷനുകളിലും പങ്കെടുത്തു. ‘ആ സമയത്ത് കാസ്റ്റിങ് കൗച്ച് എന്താണെന്ന് എനിക്കറിയില്ല. അങ്ങനെയൊരു വാക്കുപോലും കേട്ടിട്ടില്ല. ഒഡിഷനുകൾക്കു പോകുമ്പോൾ എനിക്ക് നല്ല ആത്മവിശ്വാസമുണ്ടായിരുന്നു. എനിക്ക് നല്ല ഉയരമുണ്ട്. എന്റേത് നല്ല കണ്ണുകളാണ്. നല്ല ഫീച്ചേഴ്സാണ്. ഓഡിഷന് പോയി അടുത്ത ദിവസം സംവിധായകരിൽ നിന്നോ നിർമ്മാതാക്കളിൽ നിന്നോ കോ ഓർഡിനേറ്റർമാരിൽ നിന്നോ മോശമായ ഫോൺകോളുകൾ വരാൻ തുടങ്ങി.

നേഹാ, നാളെ ഒരു ഷോർട്ട് ഡ്രസ്സ് ഇട്ടു വരാൻ പറ്റുമോ?’ എന്നായിരിക്കും ചോദ്യം. ‘എന്തിനാ ഷോർട്ട് ഡ്രസ്സ് ഇട്ടു വരുന്നേ’ എന്ന് ചോദിച്ചാൽ, ‘സിനിമയിൽ ഗ്ലാമർ റോളാണ്. മാഡം ഓഡിഷന് വന്നത് സൽവാർ കമ്മീസിട്ടല്ലേ’ എന്നായിരിക്കും മറുപടി. ‘വെസ്റ്റേൺ കോസ്‌റ്യൂംസ് സ്‌ക്രീനിൽ കാണാൻ ഭംഗിയാണ്, പക്ഷെ നേരിൽ കാണാൻ അങ്ങനെയല്ല’ ഞാനവരോട് പറഞ്ഞു.’ നേഹ അഭിമുഖത്തിൽ പറയുന്നു.വലുതായതിനു ശേഷം അമ്മയ്ക്ക് എല്ലാം നേടി കൊടുക്കലായിരുന്നു. അതിൽ ഏറെ സന്തോഷവതിയായിരുന്നു താൻ. . അമ്മ അറിയാതെ മോഡിലിങ്ങിലൂടെയാണ് കരിയർ ആരംഭിച്ചത്. മകൾ സിനിമ നടിയാകുന്നതിൽ അമ്മയ്ക്ക് ഒട്ടും താൽപര്യമില്ലായിരുന്നു. ചെറുപ്പത്തിൽ അമ്മ നൽകിയ ശക്തിയാണ് ഇന്നു എന്നെ ഇക്കാണുന്ന നിലയിൽ എത്തിച്ചതെന്നും നേഹ പറയുന്നു.

The post നേഹാ, നാളെ ഒരു ഷോർട്ട് ഡ്രസ്സ് ഇട്ടു വരാൻ പറ്റുമോ?സിനിമയിൽ ഗ്ലാമർ റോളാണ്.ഓഡിഷനിൽ നേരിട്ട ദുരനുഭവം വെളിപ്പെടുത്തി നേഹാ സക്‌സേന appeared first on Daily Indian Herald.

തിരുവനന്തപുരം: സംവിധായകന്‍ കമലിനെതിരെ പീഡനാരോപണം ഉയര്‍ന്ന സാഹചര്യത്തില്‍ നടി മഞ്ജുവാര്യര്‍ക്ക് കത്തെഴുതി ബിജെപി നേതാവ് സന്ദീപ് ജി വാര്യര്‍. കമൽ സംവിധാനം നിർവഹിച്ച’പ്രണയമീനുകളുടെ കടൽ’ എന്ന ചലച്ചിത്രത്തിൽ നായികാവേഷം വാഗ്ദാനം ചെയ്ത് ഔദ്യോഗിക വസതിയിൽ വെച്ച് മാനഭംഗപ്പെടുത്തിയെന്നാണ് കൊച്ചിയിലെ അഭിഭാഷകൻ മുഖേനയയച്ച നോട്ടീസിലെ യുവനടിയുടെ ആരോപണം. ചലച്ചിത്രത്തിൽ അവസരം വാഗ്ദാനം ചെയ്ത് പീഡിപ്പിച്ച ശേഷം വിശ്വാസവഞ്ചന കാട്ടിയതായും നോട്ടീസിൽ കുറ്റപ്പെടുയിരുന്നു .സംഭവത്തില്‍ നടിയും ഡബ്ല്യൂസിസിയും തുടരുന്ന മൗനത്തേയാണ് സന്ദീപ് കത്തിലൂടെ ചോദ്യം ചെയ്യുന്നത്. മഞ്ജു വാര്യരും വുമൺ ഇൻ സിനിമ കളക്ടീവും തുടങ്ങിവച്ച മലയാള സിനിമയിലെ ശുദ്ധീകരണ പ്രക്രിയയെ പ്രത്യാശയോടെ കണ്ടിരുന്ന നിരവധി ആളുകൾക്ക് വലിയ നിരാശയാണ് നിങ്ങളുടെ മൗനം സമ്മാനിക്കുന്നതെന്നും ബിജെപി നേതാവ് ഫേസ്ബുക്കില്‍ കുറിക്കുന്നു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

അദ്ദേഹത്തിന്‍റെ കുറിപ്പിന്‍റെ പൂര്‍ണ്ണരൂപം ഇങ്ങനെ:

പ്രിയ മഞ്ജുവാര്യർ,

മഞ്ജുവിന്റെ സിനിമ ഗുരുവും കേരള സംസ്ഥാന ചലച്ചിത്ര അക്കാദമിയുടെ ചെയർമാനുമായ സംവിധായകൻ കമലിനെതിരെ ലൈംഗിക പീഡനാരോപണം ഉയർന്നിട്ട് ഒരു ദിവസം കഴിഞ്ഞു. “ഈ വിഷയം നേരത്തെ സെറ്റിൽ ചെയ്തതാണ് ” എന്നാണത്രേ കമൽ ഇത് സംബന്ധിച്ച് അന്വേഷിച്ച മാധ്യമപ്രവർത്തകനെ അറിയിച്ചത്.

ഒരു പെൺകുട്ടിയെ ബലാത്സംഗം ചെയ്തു എന്ന ആരോപണം സെറ്റിൽ ചെയ്തെങ്കിൽ യഥാർത്ഥത്തിൽ അത്തരമൊരു സംഭവം നടന്നതായി അല്ലേ നമ്മൾ മനസ്സിലാക്കേണ്ടത്? അതല്ല വ്യാജ ആരോപണം ആയിരുന്നെങ്കിൽ എന്തുകൊണ്ട് കമലിനെ പോലെ ഉന്നത തലങ്ങളിൽ പിടിയുള്ള ഒരാൾ പോലീസിനെ സമീപിച്ചില്ല?

പിണറായി വിജയനെ പോലെ ഇത്രമേൽ കരുതലുള്ള ഒരു മനുഷ്യൻ മുഖ്യമന്ത്രിയായിരിക്കുമ്പോൾ കമലിനോട് അനീതി ചെയ്യുമോ? അപ്പോൾ സെറ്റിൽ ചെയ്യുന്നതാണ് ബുദ്ധി എന്ന് കമലിന് തോന്നിയിരിക്കണം. ബലാത്സംഗ കേസ് എങ്ങനെ സെറ്റിൽ ചെയ്തു എന്നുകൂടി അന്വേഷിക്കേണ്ടേ ? പണമിടപാട് ആയിരുന്നെങ്കിൽ എത്ര പണമാണ് നൽകിയത്? ആ പണത്തിന് സോഴ്സ് എന്തായിരുന്നു എന്നൊക്കെ അന്വേഷിക്കേണ്ടേ ?

മഞ്ജു വാര്യരും വുമൺ ഇൻ സിനിമ കളക്ടീവും തുടങ്ങിവച്ച മലയാള സിനിമയിലെ ശുദ്ധീകരണ പ്രക്രിയയെ പ്രത്യാശയോടെ കണ്ടിരുന്ന നിരവധി ആളുകൾക്ക് വലിയ നിരാശയാണ് നിങ്ങളുടെ മൗനം സമ്മാനിക്കുന്നത്. സിനിമാമോഹവുമായി നടക്കുന്ന പെൺകുട്ടികളെ ലൈംഗികമായി ദുരുപയോഗിക്കുന്ന കാസ്റ്റിംഗ് കൗച്ച് സമ്പ്രദായത്തിനെതിരെ പ്രതികരിക്കാൻ മഞ്ജുവാര്യർ തയ്യാറാകുമോ? കമലിനെ എതിരേ അന്വേഷണം ആവശ്യപ്പെടാൻ മഞ്ജുവാര്യർക്ക് സാധിക്കുമോ?

വുമൺ ഇൻ സിനിമ കളക്ടീവ് പുലർത്തുന്ന മൗനവും എത്രമാത്രം അശ്ലീലകരമാണ്.  വുമൺ ഇൻ സിനിമ കളക്ടീവ് അല്ല വുമൺ ഇൻ സിനിമ സെലക്ടീവ് ആണ് എന്ന് പറയേണ്ടിവരും.

മഞ്ജു അഭിനയിച്ച ഒരു സിനിമയും ആരോപണ വിധേയമായിട്ടുണ്ടല്ലോ. അതുകൊണ്ട് മൗനം ശരിയല്ല. മഞ്ജുവിനെ പോലെ കഴിവുള്ള ഒരുപാട് പെൺകുട്ടികൾ ഇനിയും മലയാള സിനിമയിൽ വളർന്നു വരേണ്ടതുണ്ട്. അതുകൊണ്ടുതന്നെ ഇത്തരം സംഭവങ്ങൾ ഇനി ഒരിക്കലും ആവർത്തിക്കാതിരിക്കാനുള്ള ജാഗ്രതയും കരുതലുമാണ് വേണ്ടത്. മഞ്ജുവാര്യരുടെ ഇക്കാര്യത്തിലുള്ള പ്രതികരണം സാംസ്കാരിക കേരളം തേടുന്നു.

വിശ്വസ്തതയോടെ
സന്ദീപ്.ജി.വാര്യർ
ബിജെപി സംസ്ഥാന വക്താവ്.

പ്രണയമീനുകളുടെ കടല്‍ എന്ന സിനിമയിലെ നായിക വേഷം വാഗ്ദ്ധാനം ചെയ്ത് പീഡിപ്പിച്ചുവെന്നാണ് യുവതിയുടെ പരാതി. കമല്‍ സംവിധാനം ചെയ്ത ആമി എന്ന സിനിമയുടെ ചിത്രീകരണത്തിനിടയിലും ലൈംഗികചൂഷണം നടന്നുവെന്ന് യുവനടി വ്യക്തമാക്കുന്നു.നായിക വേഷം വാഗ്ദ്ധാനം ചെയ്ത് ഫ്ളാറ്റില്‍ വച്ച്‌ പീഡനം നടന്നുവെന്നാണ് നടിയുടെ പരാതി. കമല്‍ വിശ്വാസ വഞ്ചന കാട്ടിയെന്നും ആട്ടിന്‍ തോലിട്ട ചെന്നായ ആണെന്നും നടി ആരോപിക്കുന്നു. ഔദ്യോഗിക വസതിയില്‍ വച്ച്‌ പീഡനം നടന്നതായും യുവതി വക്കീല്‍ നോട്ടീസില്‍ പറയുന്നുണ്ട് എന്നും ജനം ടിവി റിപ്പോർട്ട് ചെയ്യുന്നു .

ഇടപ്പള്ളിയിലെ സ്കൈലൈൻ അപ്പാർട്ട്മെന്റിൽ വെച്ച് 2018 ഡിസംബർ 26 നാണ് കമലിൻ്റെ ആവശ്യപ്രകാരം യുവനടി ആദ്യമായി അദ്ദേഹത്തെ കാണുന്നത്. പിന്നീട് നടിയോട് ഫോട്ടോഗ്രാഫുകൾ വാട്സാപ്പ് വഴി അയച്ചു കൊടുക്കാൻ നിർദ്ദേശിച്ചു. തുടർന്ന് സ്ഥിരം സന്ദേശങ്ങൾ അയയ്ക്കുകയും 2019 ജനുവരി ഒന്നിന് തിരുവനന്തപുരം പിടിപി നഗറിലെ എസ്എഫ്എസ് സിറ്റിസ്കേപ്സ് എന്ന അപാർട്ട്മെൻ്റിലേക്ക് സിനിമയിലെ വേഷത്തെക്കുറിച്ചുള്ള വിശദ ചർച്ചയ്ക്കെന്ന വ്യാജേന വിളിച്ചു വരുത്തി ലൈംഗികമായി പീഡിപ്പിക്കുകയായിരുന്നു.

The post കമലിനെതിരെ പീഡനാരോപണം:മഞ്ജു അഭിനയിച്ച സിനിമയും ആരോപണ വിധേയമായിമഞ്ജുവിന് കത്തെഴുതി സന്ദീപ് ജി വാര്യര്‍. appeared first on Daily Indian Herald.