കൊച്ചി:കാർത്തികേയൻ മരിച്ചതിനെത്തുടർന്നാണ് ശബരീനാഥൻ കാർത്തികേയന്റെ മണ്ഡലത്തിൽ മത്സരിച്ച് എം എൽ എ ആകുന്നത് .ഒരു പാട് രാഹ്ട്രീയക്കാർ ഉണ്ടായിരുന്നിട്ടും അവർക്കൊന്നും സീറ്റ് കൊടുക്കാതെ ആശ്രിത നിയമനം പോലെ ആയിരുന്നു ശബരിക്ക് സീറ്റ് നൽകിയത് എന്ന എന്നീ ആരോപണം ഉണ്ടായിരുന്നു. മുഖ്യമന്ത്രി പ്രതിദിന പത്രസമ്മേളനത്തെ അവഹേളിച്ചു ഫേസ് ബുക്ക് പോസ്റ്റിട്ട എംഎല്‍എ ശബരീനാഥൻ ആശ്രിത നിയമിതാണ് എന്നാണു ആരോപിക്കുന്നത് .അതിനിടയിൽ മുഖ്യമന്ത്രി പ്രതിദിന പത്രസമ്മേളനത്തെ അവഹേളിച്ചു ഫേസ് ബുക്ക് പോസ്റ്റിട്ട എംഎല്‍എ മാരെ വിമര്‍ശിച്ചതിന് അധിക്ഷേപവുമായി വന്ന കെ എസ് ശബരീനാഥ് എംഎല്‍എയ്ക്ക് വിഖ്യാത എഴുത്തുകാരന്‍ ബെന്യാമിന്‍ മറുപടി നല്‍കുന്നു.

ഫേസ് ബുക്ക് പോസ്റ്റ്‌ പൂണ്ണമായി :

KS ശബരീനാഥൻ MLA വായിച്ചറിയുവാൻ കേരളത്തിലെ ഒരു പൌരൻ എഴുതുന്നത്:
താങ്കൾ എഴുതിയ ഫേസ്ബുക്ക് പോസ്റ്റ് ഇപ്പോഴാണ് കണ്ടത്. നന്ദി. കുളനടയിൽ വന്ന് ഇനിയും ഒന്നിച്ച് ചായ കുടിക്കും എന്ന് ഉറപ്പു തന്നതിനു. വിമർശനങ്ങൾ വ്യക്തിബന്ധങ്ങളെ ബാധിക്കാനുള്ളതല്ലല്ലോ. അതുകൊണ്ട് ചില കാര്യങ്ങൾ താങ്കൾക്ക് മറുപടി ആയി എഴുതാം എന്നു കരുതുന്നു.

1. മുഖ്യമന്ത്രിയുടെ ദിനംതോറുമുള്ള പത്രസമ്മേളനം ഇടവിട്ട ദിവസങ്ങളിലേക്ക് മാറ്റിയതിനെ പരിഹസി‌ച്ചുകൊണ്ടുള്ള സംഘപരിഹാസത്തിനു എതിരെയാണ് ഞാൻ പോസ്റ്റ് ഇട്ടിട്ടുള്ളത്. രാഷ്ട്രീയ വ്യത്യാസങ്ങൾക്കതീതമായി ഞങ്ങൾ സാധാരണക്കാർ വൈകുന്നേരങ്ങളിൽ മുഖ്യമന്ത്രിയെ കേൾക്കാനിരുന്നത് കോവിഡ് വ്യാപനത്തിന്റെ തോതും സുര‌ക്ഷാ മാനദണ്ഡങ്ങളും ജനങ്ങൾക്ക് എത്തിക്കാൻ പോകുന്ന സഹായങ്ങളും എന്തെന്ന് അറിയാൻ ആണ്. പക്ഷേ അതിൽ നിങ്ങൾക്കുള്ള അസഹ്യതയും അസൂയയും കുശുമ്പും ആ പോസ്റ്റിലൂടെ അറിയാതെ വെളിപ്പെട്ടു പോയി ശബരി. അതിലൂടെ നിങ്ങൾ പരിഹസിച്ചത് മുഖ്യമന്ത്രിയെ അല്ല, ഞങ്ങൾ സാധാരണക്കാരെയാണ്. അതിന്റെ ജാള്യത മറയ്ക്കാൻ അതിനെ Sprinkler വിഷയവുമായി കൂട്ടികെട്ടേണ്ടതില്ല. ചക്ക് എന്ന് പറയുമ്പോൾ കൊക്ക് എന്നു പറയുന്ന രാഷ്ട്രീയ മറുപടി ഇങ്ങോട്ട് വേണ്ട.

2. താങ്കൾ ആവശ്യപ്പെട്ടതുപോലെ പത്രങ്ങൾ വായിച്ചു പഠിക്കുക ആയിരുന്നു ഞാൻ. ടിവിയിൽ മുഖം കാണിക്കാൻ ഒരു വകുപ്പും കാണാതെ നെഞ്ചു പുകഞ്ഞിരുന്ന ചിലർ ഉയർത്തിക്കൊണ്ടു വന്ന വിവാദത്തിനു ഐ ടി. സെക്രട്ടറി ശിവശങ്കർ നൽകിയ മറുപടിയിൽ വിശ്വസിക്കാനണ് എനിക്കിപ്പോൾ താത്പര്യം. കാരണം രണ്ട് പ്രളയങ്ങളെയും നിപ്പയെയും ഇപ്പോൾ ഈ മഹാമാരിയെയും അതിജീവിക്കാനും പ്രതിരോധിക്കാനും മുന്നിൽ നിന്ന് തെളിയിച്ചു കാണിച്ച ഒരു സർക്കാർ പറയുന്നത് വിശ്വസിക്കാൻ അനുഭവസ്ഥനായ ആയ ഞാൻ ഇഷ്ടപ്പെടുന്നു. സോളാർ സരിതയെ പാതിരാത്രിയോളം ഊഴം കാത്തിരുന്ന് വിളിച്ച് വികസനം കൊണ്ടുവന്ന ‘യുവകേസരികൾക്ക്’ ഒപ്പം കൂടി ഇപ്പോൾ താങ്കൾ ഉയർത്തുന്ന വിവാദങ്ങളിൽ വിശ്വസിക്കാൻ തൽക്കാലം മനസില്ല.

3. ഇനി ഇപ്പറയുന്ന sprinkler കമ്പിനി എന്റെ ഡേറ്റ അങ്ങ് ചോർത്തി കൊണ്ടുപോയാലും ഒരു ചുക്കും വരാനില്ലാത്ത ഒരു സാധാരണക്കാരനാണ് ഞാൻ.. പൊതുജനത്തിനോ ലോകത്തിൽ ആർക്കെങ്കിലുമോ അറിയാൻ പാടില്ലാത്ത ഒരു ഡേറ്റയും കള്ളപ്പണവും ഞങ്ങൾ സാധാരണക്കാരുടെ കയ്യിൽ ഇല്ല. വീട്ടിലറിഞ്ഞാൽ പ്രശ്‌നമാകുന്ന തരം ഫോൺ ഡേറ്റയും ഇല്ല. മടിയിൽ കനമുള്ളവനെ വഴിയിൽ പേടിക്കേണ്ടതുള്ളൂ .

4. ഇപ്പോൾ എന്റെ മുന്നിലുള്ള പ്രശ്നം ഡേറ്റ അല്ല, പ്രവാസഭൂമിയിൽ പ്രയാസം അനുഭവിക്കുന്ന ആയിരക്കണക്കിനു നജീബുമാരാണ്. അവരുടെ സുരക്ഷയാണ്, അവരുടെ ആരോഗ്യമാണ്. അവരുടെ തൊഴിൽ ആണ്. അവരുടെ ഭാവിയാണ്. അവരെ തിരിച്ചെത്തിക്കലാണ് അതിനെക്കുറിച്ച് ഓർക്കാനോ പറയാനോ ഉടയാത്ത വെള്ളയുടുപ്പിൽ മാത്രം ജീവിച്ചു ശീലിച്ചിട്ടുള്ള അർബൻ രാഷ്ട്രീയക്കാർക്ക് സമയം കാണില്ല.

5. പിന്നെ ആസ്ഥാനകവി. അതെനിക്ക് നന്നേ പിടിച്ചു. കാരണം കാലു നക്കിയും സ്തുതി പാടിയും മാത്രം സ്ഥാനമാനങ്ങൾ നേടാൻ കഴിയാവുന്ന ഒരു രാഷ്‌ട്രീയ സംസ്‌കാരത്തിൽ അറിയാതെ പെട്ടുപോയ ഒരാളുടെ മനോഭാവമാണത്. അവിടെ നിൽക്കുന്നവർക്ക് അങ്ങനെ മാ‍ത്രമേ തോന്നു. എന്നാൽ ഞാനതിൽ പെടുന്ന ഒരാളല്ല. എനിക്ക് എന്റെ കഴിവിൽ നല്ല ബോധ്യമുണ്ട്. ഇതുവരെ എത്തിയത് എങ്ങനെയാണ് എന്ന ഉറച്ച ബോധ്യം. പ്രശ്നാധിഷ്ഠിതമായി വിഷയങ്ങളെ സമീപിക്കാൻ ഉള്ള ആർജ്ജവവും ഉണ്ട്. ഞങ്ങളുടെ ഒക്കെ പ്രിയപ്പെട്ട ‘ജി.കെ യുടെ മകന്’ അങ്ങനെ ഒരു ബോധ്യം ഉണ്ടാവുന്ന കാലത്ത് ആസ്ഥാനകവി പട്ടം മോഹിക്കൽ അവസാനി‌ച്ചു കൊള്ളും.

അപ്പോൾ ഇനിയും കാണണം. ചായ കുടിക്കണം. നന്ദി.

The post ശബരി ആശ്രിത നിയമനക്കാരനെന്ന് സോഷ്യൽ മീഡിയ !നിങ്ങൾ പരിഹസിച്ചത് മുഖ്യമന്ത്രിയെ അല്ല, ഞങ്ങൾ സാധാരണക്കാരെയാണെന്ന് ബെന്യാമിന്‍ ! appeared first on Daily Indian Herald.

ഇടുക്കി:ഈ കൊറോണ കാലത്തും ഇത്തരം ഹൃദയ സൂന്യർ ഉണ്ടോ ? തൊടുപുഴയില്‍ വാടക നല്‍കാത്തതിന്റെ പേരില്‍ കുടുംബത്തെ ഇറക്കിവിടാന്‍ ശ്രമിച്ച സ്ഥലമുടമയെ അറസ്റ്റുചെയ്തു. ഇലഞ്ഞിക്കല്‍ തോമസിനെയാണ് പോലിസ് അറസ്റ്റുചെയ്തത്. കൂലിപ്പണിക്കാരനായ വള്ളിക്കുന്നേല്‍ മാത്യുവിനെയാണ് ഇയാള്‍ ഇറക്കിവിടാന്‍ ശ്രമിച്ചത്. വാടകവീട്ടിലേക്കുള്ള വഴിയടക്കുകയും വെള്ളവും വൈദ്യുതിയും മുടക്കുകയും ചെയ്തു. ഇത് തടയാന്‍ ശ്രമിച്ച നാട്ടുകാര്‍ക്കിടയിലേക്ക് തോമസ് പട്ടിയെ അഴിച്ചുവിട്ടു. തുടര്‍ന്ന് പോലിസെത്തി തോമസിനെ അറസ്റ്റുചെയ്യുകയായിരുന്നു എന്ന് ഒരു ഓൺലൈൻ പത്രം റിപ്പോർട്ട് ചെയ്തു

ലോക്ക് ഡൗണ്‍ പ്രതിസന്ധി കാരണമാണ് കൂലിപ്പണിക്കാരനായ മാത്യുവിന് വാടകനല്‍കാന്‍ കഴിയാതെ പോയത്. ചെറിയ കൂരയിലാണ് മാത്യുവും കുടുംബവും താമസിക്കുന്നത്. മൂന്ന് ബള്‍ബ് മാത്രമാണ് വീട്ടിലുള്ളത്. നാട്ടുകാരുടെ സഹായത്തോടെയാണ് ഇവര്‍ ജീവിക്കുന്നത്. ഹൃദ്രോഗിയാണ് മാത്യുവിന്റെ ഭാര്യ. അഞ്ചുവയസ്സുള്ള മകനുണ്ട് ഇവര്‍ക്ക്. 1,500 രൂപയാണ് ഇവരില്‍നിന്ന് ഉടമ വാടകയായി ഈടാക്കുന്നത്.

15ന് രാവിലെ വാടക തരണമെന്ന് ഉടമ പറഞ്ഞു. ഒഴിയാന്‍ പറ്റില്ലെന്നറിയിച്ചപ്പോഴാണ് വൈദ്യുതിയും വെള്ളവും കട്ടുചെയ്തതും വഴിയടച്ചതുമെന്ന് മാത്യു പറയുന്നു. കഴിഞ്ഞ നാലുമാസവും വാടക നല്‍കിയിരുന്നുവെന്നും മാത്യു കൂട്ടിച്ചേര്‍ത്തു. സംഭവത്തെത്തുടര്‍ന്ന് മാത്യു താമസിക്കുന്ന കുടുംബത്തിനുവേണ്ടി ആക്ഷന്‍ കൗണ്‍സില്‍ രൂപീകരിച്ച്‌ സ്ഥലം കണ്ടെത്തി വീടുവച്ച്‌ നല്‍കാനുള്ള ശ്രമത്തിലാണ് പ്രദേശവാസികള്‍.

The post വാടക നല്‍കിയില്ല; കുടുംബത്തെ ഇറക്കിവിടാന്‍ ശ്രമിച്ച സ്ഥലമുടമ അറസ്റ്റില്‍… appeared first on Daily Indian Herald.

വാഷിംഗ്ടണ്‍ : ലോകാരോഗ്യ സംഘടനയുടെ (ഡബ്ല്യുഎച്ച്‌ഒ) ധനസഹായം നിര്‍ത്തലാക്കാനുള്ള പ്രസിഡന്‍റ് ഡൊണാള്‍ഡ് ട്രംപിന്‍റെ തീരുമാനത്തിന് പിറകെ റിപ്പബ്ലിക്കന്‍ നിയമനിര്‍മ്മാതാക്കള്‍ ഡബ്ല്യുഎച്ച്‌ഒ ഡയറക്ടര്‍ ജനറല്‍ രാജി വെയ്ക്കണമെന്ന് ആവശ്യപ്പെട്ടു. അദ്ദേഹം രാജി വെയ്ക്കുന്നതുവരെ യാതൊരു ധനസഹായവും പുനരാരംഭിക്കരുതെന്നും അവര്‍ ആവശ്യപ്പെട്ടു.

ഇതുവരെ 2,170,000 ത്തിലധികം പേരെ ബാധിക്കുകയും ലോകമെമ്ബാടുമുള്ള 144,000 പേരെ കൊന്നൊടുക്കുകയും ചെയ്ത മാരകമായ കൊറോണ വൈറസ് വ്യാപരിക്കാന്‍ കാരണം ലോകാരോഗ്യ സംഘടനയാണെന്ന് ആരോപിച്ചാണ് പ്രസിഡന്റ് ഡൊണാള്‍ഡ് ട്രംപ് സംഘടനയ്ക്ക് നല്‍കിക്കൊണ്ടിരുന്ന ധനസഹായം നിര്‍ത്തിവെച്ചെന്ന് പ്രഖ്യാപിച്ചത്. അതോടൊപ്പം കൊറോണ വൈറസിന്‍റെ വ്യാപനം കര്‍ശനമായി കൈകാര്യം ചെയ്യുന്നതിലും പ്രതിരോധിക്കുന്നതിലും ലോകാരോഗ്യ സംഘടനയുടെ പങ്ക് വിലയിരുത്തുതിനായി ഒരു അവലോകനം നടത്തുമെന്നും ട്രംപ് പ്രഖ്യാപിച്ചിരുന്നു.

വ്യാഴാഴ്ച, ജനപ്രതിനിധിസഭയുടെ വിദേശകാര്യ സമിതിയിലെ ട്രംപിന്‍റെ സഹ റിപ്പബ്ലിക്കന്‍മാരില്‍ പതിനേഴ് പേര്‍ പ്രസിഡന്‍റിന്റെ തീരുമാനത്തെ പിന്തുണച്ച്‌ കത്തയച്ചു. ഡയറക്ടര്‍ ജനറല്‍ ടെഡ്രോസ് അദാനോം ഗെബ്രിയേസസിന്‍റെ രാജിയെ സംബന്ധിച്ച ചര്‍ച്ചകള്‍ ഉടന്‍ ആരംഭിക്കണമെന്ന് അവര്‍ കത്തില്‍ ട്രംപിനോട് ആവശ്യപ്പെട്ടു.

ലോകാരോഗ്യസംഘടന ചൈനയോട് കൂടുതല്‍ ആഭിമുഖ്യം പുലര്‍ത്തുന്നുവെന്നും, ചൈനന നല്‍കിയ വിവരങ്ങളെ ആശ്രയിച്ചുവെന്നും ട്രംപ് ആരോപിച്ചു. പ്രാഥമിക റിപ്പോര്‍ട്ടുകള്‍ക്കിടയില്‍ പ്രചരിപ്പിച്ച ‘പ്രസരണത്തെയും മരണത്തെയും കുറിച്ചുള്ള എല്ലാത്തരം തെറ്റായ വിവരങ്ങളും’ ഡബ്ല്യുഎച്ച്‌ഒ മുഖവിലയ്ക്കെടുത്തതായി അദ്ദേഹം കുറ്റപ്പെടുത്തി.

നിലവിലെ ആഗോള ആരോഗ്യ പ്രതിസന്ധിയുടെ വ്യാപ്തിക്ക് കാരണക്കാരായ ലോകാരോഗ്യ സംഘടനയെയും ചൈനയെയും ടെഡ്രോസ് അദാനോം ഗെബ്രിയേസസിനേയും തങ്ങള്‍ക്ക് ഇനി വിശ്വാസിക്കാനാവില്ലെന്നും, ടെഡ്രോസ് ഗെബ്രിയേസിന്റെ രാജി ഉടനടി ആവശ്യപ്പെടണമെന്നുമാണ് ഹൗസ് റിപ്പബ്ലിക്കന്‍സ് കത്തില്‍ പറഞ്ഞിരിക്കുന്നത്.

ട്രംപിന്റെ നടപടി പല ലോക നേതാക്കളും ആരോഗ്യ വിദഗ്ധരും യുഎസ് ഡെമോക്രാറ്റുകളും അപലപിച്ചു. പ്രസിഡന്റ് ട്രംപിന്റെ തീരുമാനത്തില്‍ ടെഡ്രോസ് ഖേദം പ്രകടിപ്പിച്ചു. ഒരു പൊതു ഭീഷണിക്കെതിരായ ഞങ്ങളുടെ പൊതു പോരാട്ടത്തില്‍ നാമെല്ലാവരും ഐക്യപ്പെടേണ്ട സമയമാണിതെന്നാണ് അദ്ദേഹം പ്രതികരിച്ചത്.

‘നമ്മള്‍ ഭിന്നിച്ചു നില്‍ക്കുമ്ബോള്‍ കൊറോണ വൈറസ് നമുക്കിടയിലെ വിള്ളലുകള്‍ ഉപയോഗപ്പെടുത്തും’ എന്ന് അദ്ദേഹം ബുധനാഴ്ച ജനീവയിലെ ലോകാരോഗ്യ സംഘടനയുടെ ആസ്ഥാനത്തു നിന്ന് ഒരു വീഡിയോ കോണ്‍ഫറന്‍സില്‍ മാധ്യമപ്രവര്‍ത്തകരോട് പറഞ്ഞു. യൂറോപ്യന്‍ യൂണിയന്‍, ആഫ്രിക്കന്‍ യൂണിയന്‍, ചൈന, ഫ്രാന്‍സ്, ജര്‍മ്മനി എന്നീ രാജ്യങ്ങളെല്ലാം യു എസ് പ്രസിഡന്‍റിന്‍റെ പെട്ടെന്നുള്ള നീക്കത്തെ വിമര്‍ശിച്ചു. അമേരിക്കയില്‍ 674,000 ത്തിലധികം പേരെ ബാധിക്കുകയും 34,000 ത്തിലധികം പേര്‍ ഈ രോഗം മൂലം മരിക്കുകയും ചെയ്തിട്ടുണ്ട്.

The post ഡബ്ല്യുഎച്ച്‌ഒ ഡയറക്ടര്‍ ജനറല്‍ രാജിവയ്‌ക്കണമെന്ന് യുഎസ് appeared first on Daily Indian Herald.

ലഖ്നൗ:കോവിഡ് താണ്ഡവം ആടുമ്പോഴും അമേഠിയിൽ രാഷ്ട്രീയ പോരാട്ടം കസറുകയാണ് . ഇക്കഴിഞ്ഞ ലോക്സഭ തിരഞ്ഞെടുപ്പിൽ കനത്ത തിരിച്ചടിയായിരുന്നു അമേഠിയിൽ രാഹുൽ നേരിട്ടത്. 15 വർഷം ഭരിച്ച മണ്ഡലത്തിൽ ബിജെപിയുടെ സ്മൃതി ഇറാനിയോട് രാഹുൽ തോൽവി രുചിച്ചു. 65000 ത്തോളം വോട്ടുകൾക്കായിരുന്നു രാഹുൽ മണ്ഡലത്തിൽ പരാജയപ്പെട്ടത്. എന്നാൽ മണ്ഡലം കൈവിട്ടെങ്കിലും കൊവിഡിന്റെ പശ്ചാത്തലത്തിൽ ശക്തമായ ഇടപെടലുകളാണ് മണ്ഡലത്തിൽ രാഹുൽ നടത്തുന്നത്.

കൊവിഡിന്റെ പശ്ചാത്തലത്തിൽ സജീവ ഇടപെടലാണ് കോൺഗ്രസ് മുൻ അധ്യക്ഷൻ കൂടിയായ രാഹുൽ ഗാന്ധി നടത്തുന്നത്. സർക്കാർ വീഴ്ചകളെ വിമർശിച്ചും കൊവിഡ് പ്രതിരോധത്തിനുള്ള നിർദ്ദേശങ്ങൾ മുന്നോട്ടുവെച്ചും പ്രതിസന്ധികളെ നേരിടാൻ സാധാരണക്കാർക്ക് സഹായം നൽകിയുമാണ് രാഹുലിന്റെ ഇടപെടൽ. രാഹുലിന്റെ മണ്ഡലമായ വയനാട്ടിലും അദ്ദേഹം നിരവധി സഹായങ്ങൾ എത്തിച്ചിരുന്നു. ഇക്കൂട്ടത്തിൽ തന്റെ മുൻ മണ്ഡലമായ അമേഠിയിലെ ജനങ്ങൾക്കും രാഹുൽ അവശ്യവസ്തുക്കൾ എത്തിച്ചിട്ടുണ്ട്. എന്നാൽ അമേഠിയിലെ രാഹുലിന്റെ ഇടപെടൽ ബിജെപി നേതൃത്വത്തിന്റെ ഉറക്കം കെടുത്തിയെന്നാണ് കോൺഗ്രസ് ആരോപിക്കുന്നത്. കഴിഞ്ഞ ദിവസം മണ്ഡലത്തിലെ കോൺഗ്രസ് ഓഫീസിൽ പോലീസ് റെയ്ഡ് നടത്തിയത് ബിജെപിയുടെ പ്രതികാര രാഷ്ട്രീയമാണെന്നും കോൺഗ്രസ് ആരോപിച്ചു.

ലോക്ക് ഡൗൺ പ്രഖ്യാപിച്ചതോടെ മണ്ഡലത്തിൽ ദുരിതത്തിലായ ജനങ്ങൾക്ക് അവശ്യവസ്തുക്കൾ രാഹുൽ എത്തിച്ചിരുന്നു. ട്രക്ക് നിറയെ അരിയും ഗോതമ്പും മറ്റ് ഭക്ഷ്യ വസ്തുക്കളുമായിരുന്നു രാഹുൽ എത്തിച്ചത്. ഇതുവരെ 877 ഗ്രാമപഞ്ചായത്തുകൾക്കും ഏഴ് നഗര പഞ്ചായത്തുകൾക്കുമായി 16,400 റേഷൻ കിറ്റുകുകളും രാഹുൽ എത്തിച്ചിരുന്നു.

എന്നാൽ ഇത്തരത്തിലുള്ള രാഹുലിന്റെ ഇടപെടൽ ബിജെപിയുടെ ഉറക്കം കെടുത്തിയെന്നാണ് കോൺഗ്രസ് ആരോപണം.കഴിഞ്ഞ ദിവസം ഉത്തർപ്രദേശിലെ ഗൗരി ഗഞ്ജിലെ കോൺഗ്രസ് ഓഫീസ് റെയ്ഡ് ചെയ്ത പോലീസ് നടപടി ഇതിന്റെ ഭാഗമാണെന്നും കോൺഗ്രസ് ആരോപിച്ചു. അമേഠിയിൽ കൊവിഡിന്റെ പേരിൽ രാഷ്ട്രീയം പയറ്റുന്നത് നിർഭാഗ്യകരമാണെന്ന് കോൺഗ്രസ് വക്താവ് രൺദീപ് സിംഗ് സുർജേവാല പറഞ്ഞു.വാറന്റ് പോലും ഇല്ലാതെയാണ് പോലീസ് ഓഫീസ് റെയ്ഡ് ചെയ്തതെന്നും സുർജേവാല പറഞ്ഞു. ഗൗരിഗഞ്ചിലെ കോൺഗ്രസ് ഓഫീസ് പോലീസ് റെയ്ഡ് ചെയ്യുന്ന ചിത്രവും സുർജേവാല പങ്കുവെച്ചു.

അതേസമയം കോൺഗ്രസിന്റെ ആരോപണം തീർത്തും അടിസ്ഥാന രഹിതമാണെന്ന് മണ്ഡലം എംപി സ്മൃതി ഇറാനിയും പ്രതികരിച്ചു. ബഹുമാനപ്പെട്ട കോൺഗ്രസ് നേതൃത്വമേ ദയവായി വ്യാജ വാർത്തകൾ പ്രചരിപ്പിക്കരുത്. മാർച്ച് 25 മുതൽ മണ്ഡലത്തിലെ ജനങ്ങൾക്ക് സഹായം എത്തിക്കാനെന്ന പോരിൽ കോൺഗ്രസ് പ്രവർത്തകർ മണ്ഡലത്തിൽ കറങ്ങുന്നുണ്ട്. ഇതുവരെ മണ്ഡലത്തിൽ ഒരാൾക്ക പോലും കൊവിഡ് റിപ്പോർട്ട് ചെയ്തിട്ടില്ല. ദയവ് ചെയ്ത മണ്ഡലത്തിലെ ജനങ്ങളെ ശല്യപ്പെടുത്തരുത്, അപമാനിക്കരുത്, “ഇറാനി ട്വീറ്റ് ചെയ്തു.

അതേസമയം കോൺഗ്രസ് ആരോപണത്തിനെതിരെ ബിജെപി രംഗത്തെത്തി. കോൺഗ്രസ് വ്യാജ വാർത്തകളാണ് പ്രചരിപ്പിക്കുന്നതെന്ന് ബിജെപി ആരോപിച്ചു. അമേഠി കോൺഗ്രസിനെ പുറത്താക്കിയെന്ന വസ്തുത അംഗീകരിക്കാൻ കോൺഗ്രസിന് ഇതുവരേയും സാധിച്ച് കാണില്ല. അതുകൊണ്ടാണ് ഇത്തരത്തിലുള്ള വ്യാജ വാർത്തകൾ അവർക്ക് പ്രചരിപ്പിക്കേണ്ടി വരുന്നതെന്ന് ബിജെപി ഐടി സെൽ തലവൻ അമിത് മാളവ്യ പറഞ്ഞു. ഇന്ത്യയിലെ മറ്റ് പ്രദേശങ്ങളെപ്പോലെ അമേഠിയും രാഹുൽ ഗാന്ധിയെ നിരസിച്ചു എന്ന വസ്തുതയുമായി കോൺഗ്രസ് ഇപ്പോഴും ധാരണയിലെത്തിയിട്ടില്ല. ഇത്തരത്തിൽ വ്യാജ വാർത്തകൾ പ്രചരിപ്പിക്കുന്നതിന് പിന്നിൽ നിരാശയല്ലാതെ മറ്റൊന്നുമില്ല. അമേഠി ഗാന്ധി കുടുംബത്തെ തള്ളി കഴിഞ്ഞു. ഗാന്ധിമാരും അത് ഉൾക്കൊണ്ട് മുന്നോട്ട് പോകണമെന്നും അദ്ദേഹം കുറിച്ചു.

The post അമേഠി കോൺഗ്രസ് ഓഫീസിൽ റെയ്ഡ്!! രാഷ്ട്രീയ ഏറ്റുമുട്ടൽ രാഹുലും ഇറാനിയും തമ്മിൽ. appeared first on Daily Indian Herald.

കൊച്ചി: എന്റെ കുടുംബം തകർത്ത നയൻതാരയെ കൈയിൽ കിട്ടിയാൽ കൊല്ലും-റംലത്ത്. തെ ന്നിന്ത്യയുടെ ലേഡി സൂപ്പർ സ്റ്റാർ നയൻതാരയ്ക്കെതിരെ രൂക്ഷവിമർശനവുമായി നടൻ പ്രഭുദേവയുടെ മുൻ ഭാര്യ റംലത്ത്. പ്രഭുദേവയുമായുണ്ടായിരുന്ന പ്രണയത്തെക്കുറിച്ച് നയൻതാര ഒരു അഭിമുഖത്തിൽ പറഞ്ഞ കാര്യങ്ങൾക്ക് മറുപടിയായാണ് റംലത്തിന്റെ വിമർശനം. തന്റെ ഭർത്താവിനെ ‘തട്ടിയെടുത്തവൾ’ എന്നാണ് റംലത് നയൻതാരയെ വിശേഷിപ്പിച്ചത്.

മറ്റൊരാളുടെ ഭർത്താവിനെ തട്ടിയെടുക്കുന്നവൾ എന്തായാലും ശിക്ഷിക്കപ്പെടണമെന്ന് റംലത് പറയുന്നു. “എന്റെ കുടുംബം തകർക്കുകയും ഭർത്താവിനെ തട്ടിയെടുക്കുകയും ചെയ്ത അവളെ അറസ്റ്റ് ചെയ്യാൻ പൊലീസിനെയും കോടതിയെയും സമീപിച്ചു കഴിഞ്ഞു. ഒരു മോശം സ്ത്രീ എന്നതിന്‌ വലിയ ഉദാഹരണമാണ് അവൾ. അവളെ എവിടെവച്ചു കണ്ടാലും ഞാൻ കൊല്ലും. പ്രഭുദേവ ഒരു നല്ല ഭർത്താവാണ്.

ഞങ്ങളെ 15 വർഷം നന്നായി സംരക്ഷിച്ചു. ഒരു വീടും വച്ചു. ഇപ്പോൾ എല്ലാം മാറിമറിഞ്ഞു. അദ്ദേഹത്തിന്റെ ഇപ്പോഴുള്ള പെരുമാറ്റം അക്ഷരാർത്ഥത്തിൽ ഞെട്ടിക്കുന്നതാണ്”, ഒരു സിനിമ വെബ്സൈറ്റിന് നൽകിയ അഭിമുഖത്തിലായിരുന്നു പ്രതികരണം.

1995ലാണ് പ്രഭുദേവയും റംലത്തും വിവാഹിതരായത്. വിവാഹത്തിനായി ഇസ്ലാം മതവിശ്വാസിയായിരുന്ന റംലത് ഹിന്ദു മതം സ്വീകരിച്ചു. ലത എന്ന് പേരും മാറ്റിയിരുന്നു. 2011ലാണ് ഇവർ വിവാഹമോചിതരായത്.വിവാഹമോചനത്തിന് ശേഷമാണ് പ്രഭുദേവ-നയൻതാര വിവാഹവാർത്ത പ്രചരിച്ചത്. എന്നാൽ ഇരുവരും പിന്നീട് വേർപിരിയുകയായിരുന്നു. അതിനുശേഷമാണ് സംവിധായകൻ വിഘ്നേഷ് ശിവനുമായി നയൻതാര അടുപ്പത്തിലായത്.

The post എന്റെ കുടുംബം തകർത്ത നയൻതാരയെ കൈയിൽ കിട്ടിയാൽ കൊല്ലും-റംലത്ത്. appeared first on Daily Indian Herald.

ചെമ്പേരി :നെല്ലിക്കുട്ടി കോട്ടക്കുന്നിൽ പതിനൊന്നു വയസുള്ള വിദ്യാർത്ഥിനി ഷാളിൽ കുരുങ്ങി മരിച്ചു . ഏരുവേശ്ശി പഞ്ചായത്ത് നാലാം വാർഡ് കോട്ടക്കുന്നിൽ താമസിക്കുന്ന മുരിങ്ങനാട്ടു പാറയിൽ സജിയുടെ മകൾ അശ്വതി (11 )ആണ് കളിച്ചു കൊണ്ടിരുന്നപ്പോൾ ഷാളിൽ കുടുങ്ങിമരണപ്പെട്ടത് .നെല്ലിക്കുട്ടി ഗാന്ധി മെമ്മോറിയൽ യു.പി.സ്‌കൂളിലെ വിദ്യാർത്ഥിനി ആണ് മരിച്ച അശ്വതി .പോസ്റ്റുമോർട്ടം നടത്തിയ ബോഡി ബന്ധുക്കൾക്ക് വിട്ടുകൊടുത്തു ഉടൻ തന്നെ മൃതശരീരം അടക്കം ചെയ്യുമെന്നും ബന്ധുക്കളെ ഉദ്ദരിച്ച് റിപ്പോർട്ട് .കോവിഡ് നിയന്ത്രണങ്ങൾ അനുസരിച്ചായിരിക്കും മൃതസംസ്കാരം

The post പതിനൊന്നു വയസുകാരി വിദ്യാർത്ഥിനി കളിച്ചു കൊണ്ടിരുന്നപ്പോൾ ഷാളിൽ കുടുങ്ങിമരണപ്പെട്ടു.. appeared first on Daily Indian Herald.

ലണ്ടൻ: മദ്യരാജാവ് വിജയ് മല്യയുടെ അപ്പീൽ തിങ്കളാഴ്ച യുകെ കോടതി തള്ളി. സാമ്പത്തിക തട്ടിപ്പുമായി ബന്ധപ്പെട്ടും നിരവധി കേസുകളാണ് മല്യയ്ക്കെതിരെ ഇന്ത്യയിൽ ഉള്ളത്. 9000 കോടി രൂപയുടെ സാമ്പത്തിക തട്ടിപ്പ് കേസാണ് വിജയ് മല്യയ്ക്കെതിരെ ഇന്ത്യയിലുള്ളത്.2016ലാണ് വിജയ് മല്യ ഇന്ത്യയിൽ നിന്ന് യുകെയിലേക്ക് പോയത്. അതിനു ശേഷം യുകെയിൽ തന്നെയാണ് താമസം.ഇന്ത്യയ്ക്ക് തന്നെ കൈമാറുന്നതിനെതിരെയാണ് വിജയ് മല്യ കോടതിയെ സമീപിച്ചത്. സി ബി ഐ വക്താവ് ആണ് വാർത്ത ഏജൻസിയായ എഎൻഐയോട് ഇക്കാര്യം പറഞ്ഞത്.കേസുമായി ബന്ധപ്പെട്ട് ഇന്ത്യയ്ക്ക് കൈമാറുന്നതിന് എതിരെയാണ് വിജയ് മല്യ യുകെ കോടതിയെ സമീപിച്ചത്. എന്നാൽ, അപ്പീൽ കോടതി തള്ളുകയായിരുന്നു. കിംഗ്ഫിഷർ എയർലൈൻസുമായി ബന്ധപ്പെട്ട് നിരവധി കേസുകളുള്ള സാഹചര്യത്തിലാണ് വിജയ് മല്യയെ ഇന്ത്യയ്ക്ക് കൈമാറാൻ തീരുമാനിച്ചത്. എന്നാൽ, ഇതിനെതിരെ ഈ വർഷം ഫെബ്രുവരിയിലാണ് വിജയ് മല്യ യുകെ കോടതിയെ സമീപിച്ചത്.

വിജയ് മല്യയുടെ ഉടമസ്ഥതയിലുള്ള കിങ്ഫിഷർ എയർലൈൻസ് വിവിധ ഇന്ത്യൻ ബാങ്കുകളിൽ നിന്നായാണ് 9000 കോടി രൂപ വരെ വായ്‍പയെടുത്തത്. ഈ കേസിൽ വിചാരണ ചെയ്യുന്നതിനാണ് ഇന്ത്യ മല്യയെ കൈമാറാൻ ബ്രിട്ടനോട് ആവശ്യപ്പെട്ടിരിക്കുന്നത്. ഇന്ത്യൻ ജയിലുകളിൽ വൃത്തിഹീനമായ സാഹചര്യമായതിനാൽ തന്നെ കൈമാറരുതെന്ന് കാണിച്ച് മല്യ നൽകിയ അപേക്ഷ കോടതി തള്ളിയിരുന്നു. മല്യയെ ഇന്ത്യക്കു കൈമാറാൻ കഴിഞ്ഞ ഡിസംബറിലാണ് വെസ്റ്റ്മിൻസ്റ്റർ മജിസ്ട്രേട്ട്സ് കോടതി ഉത്തരവിട്ടത്. വായ്പാത്തട്ടിപ്പു കേസിൽ പ്രഥമദൃഷ്ട്യാ മല്യ കുറ്റക്കാരനാണെന്നു കണ്ടെത്തിയതിനാലായിരുന്നു വിധി. അപ്പീൽ കോടതി തള്ളിയതോടെ മല്യയെ ഇന്ത്യക്ക് കൈമാറുന്ന കാര്യത്തിൽ ആഭ്യന്തര സെക്രട്ടറി പ്രീതി പട്ടേലാണ് ഇനി തീരുമാനമെടുക്കുക. 2017ലാണ് മല്യ ലണ്ടനിലേക്ക് മുങ്ങിയത്. അതേസമയം,​ കിങ്ഫിഷർ എയർലൈൻസ് വായ്‍പയെടുത്ത മുഴുവൻ തുകയും തിരിച്ചുനൽകാൻ തയ്യാറാണെന്ന് മാർച്ച് 31-ന് മല്യ ട്വീറ്റ് ചെയ്‍തിരുന്നു.

രാജ്യത്ത് ലോക്ക്ഡൗണും സാമ്പത്തിക പ്രതിസന്ധിയും നിലനിൽക്കുമ്പോൾ തട്ടിപ്പ് നടത്തി സ്വന്തമാക്കിയ പണം പൂർണമായും മടക്കി നൽകാൻ തയാറാണെന്ന് വിജയ് മല്യ പറഞ്ഞിരുന്നു. 9,000 കോടി രൂപയും തിരികെ അടക്കാമെന്നാണ് ധനമന്ത്രി നിർമലാ സീതാരാമനോട് ഇയാൾ അഭ്യർഥിച്ചത്. ബാങ്കുകൾ പണം സ്വീകരിച്ച് കണ്ടുകെട്ടിയ സ്വത്ത് വകകൾ തിരികെ നൽകാൻ തയാറാവണമെന്നും മല്യ ആവശ്യപ്പെട്ടിരുന്നു. സാമ്പത്തിക പ്രതിസന്ധി നേരിടുമ്പോൾ തന്റെ ഈ ആവശ്യം അംഗീകരിക്കുമെന്നാണ് പ്രതീക്ഷയെന്നും ഇയാൾ ട്വിറ്ററിൽ കുറിച്ചു.

കിങ്ഫിഷർ വിമാനക്കമ്പനി ഏറ്റെടുത്തതോടെയാണ് മല്യയുടെ വ്യവസായ സാമ്രാജ്യത്തിലേക്ക് കടം പറന്നിറങ്ങിയത്. സ്റ്റേറ്റ് ബാങ്ക് ഓഫ് ഇന്ത്യയിൽനിന്നുമാത്രം 1600 കോടി രൂപയാണ് കിങ്ഫിഷർ വായ്പയെടുത്തത്. ഐഡിബിഐ (800 കോടി), പി.എൻ.ബി (800 കോടി), ബാങ്ക് ഓഫ് ഇന്ത്യ (650 കോടി), ബാങ്ക് ഓഫ് ബറോഡ (550 കോടി) യുണൈറ്റഡ് ബാങ്ക് ഓഫ് ഇന്ത്യ (430 കോടി), സെൻട്രൽ ബാങ്ക് (410 കോടി), യൂക്കോ ബാങ്ക് (320 കോടി), കോർപറേഷൻ ബാങ്ക് (310 കോടി), സ്‌റ്റേറ്റ് ബാങ്ക് ഓഫ് മൈസൂർ (150 കോടി), ഇന്ത്യൻ ഓവർസീസ് ബാങ്ക് (140 കോടി), ഫെഡറൽ ബാങ്ക് (90 കോടി), പഞ്ചാബ് ആൻഡ് സിന്ധ് ബാങ്ക് (60 കോടി), ആക്‌സിസ് ബാങ്ക് (50 കോടി) എന്നിവയ്ക്ക് പുറമെ, മറ്റു മൂന്നുബാങ്കുകളിൽനിന്നായി 603 കോടി രൂപയും കിങ്ഫിഷർ വായ്പയെടുത്തിട്ടുണ്ട്. ഇതിനകം 6963 കോടി രൂപയാണ് കിങ്ഫിഷറിന്റെ പേരിൽ മല്യ എടുത്തിട്ടുള്ള വായ്പകൾ.

28ാം വയസിൽ പിതാവിന്റെ മരണശേഷം യുബി ഗ്രൂപ്പിന്റെ ചെയർമാനായിട്ടാണ് മല്യയുടെ കടന്നുവരവ്. അതുവരെ പരമ്പരാഗത ബിസിനസിൽ ശ്രദ്ധ കേന്ദ്രീകരിച്ചിരുന്ന യുബി ഗ്രൂപ്പിന് പിന്നീട് വളർച്ചയുടെ കാലഘട്ടമായിരുന്നു. മദ്യ വ്യവസായത്തിലൂടെ കോടികൾ പോക്കറ്റിലാക്കാൻ മല്യക്കായി. ഇത് പിന്നീട് വിമാന കമ്പനി, ഐപിഎൽ, ഫാഷൻ, മോട്ടോർ സ്പോട്സ് ഇങ്ങനെ വളർന്നു കൊണ്ടിരുന്നു. വിമാന കമ്പനിയിൽ എരിഞ്ഞു വീഴുന്നതുവരെ ഇന്ത്യൻ വ്യവസായ ലോകത്തെ രാജാവ് തന്നെയായിരുന്നു മല്യ.

ലോകത്തെ തന്നെ ഒന്നാംനിര മദ്യവ്യവസായിയായിരുന്ന വിജയ് മല്യയുടെ കഷ്ടകാലം തുടങ്ങുന്നത് കിങ്ഫിഷർ എയർലൈൻസിന്റെ വരവോടെയാണ്. തന്റെ ആഡംബര ജീവിതത്തിന്റെ പ്രതീകം പോലെ മല്യ കിങ്ഫിഷർ എയർലൈൻസിന് തുടക്കമിട്ടത് 2005 മെയ് മാസത്തിലാണ്. എയർലൈൻസിനുവേണ്ടി ബാങ്കുകളിൽനിന്നെടുത്ത കോടിക്കണക്കിന് രൂപയുടെ വായ്പയാണ് മല്യയുടെ വ്യവസായ സാമ്രാജ്യം തകർത്തത്.

തന്റെ വ്യവസായ സാമ്രാജ്യം വികസിപ്പിക്കുകയെന്ന ലക്ഷ്യത്തിലായിരുന്നു മല്യ ഇക്കാലമത്രയും. മദ്യവ്യവസായ രംഗത്തെ തന്റെ എതിരാളിയായ മനു ഛബാരിയയുടെ നിര്യാണത്തെത്തുടർന്ന് 2002-ൽ ഇന്ത്യയിലെ ഏറ്റവും വലിയ മദ്യക്കമ്പനിയായ ഷോവാലാസ് 1300 കോടി രൂപയ്ക്ക് മല്യ സ്വന്തമാക്കി. മല്യയുടെ യുണൈറ്റഡ് ബ്രുവറീസിൽ 37.5 ശതമാനം ഓഹരി നൽകി ബ്രിട്ടീഷ് ബിയർ കമ്പനിയായ സ്‌കോട്ടിഷ് ആൻഡ് ന്യൂകാസിലിനെക്കൂടി ഉൾപ്പെടുത്തിയാണ് ഈ കച്ചവടം മല്യ നടത്തിയത്.

വ്യോമയാന രംഗം തകർച്ചയെ നേരിടുന്ന ഘട്ടത്തിലാണ് കിങ്ഫിഷറിലേക്ക് മല്യ കാലെടുത്തുവച്ചത്. ഇന്ധന വില വർധനയെത്തുടർന്ന് ്‌വ്യോമയാന മേഖല അപ്പാടെ തകർച്ചയിലായിരുന്നു. എന്നാൽ, ഏറ്റവും മികച്ച സേവനങ്ങൾ നൽകണമെന്ന് വാശിപിടിച്ച മല്യ, ബോളിവുഡ് സുന്ദരിമാരെയും നേരിട്ട് തിരഞ്ഞെടുത്ത എയർഹോസ്റ്റസുമാരെയും ഉപയോഗിച്ചാണ് കിങ്ഫിഷറിന്റെ പ്രചാരണം നടത്തിയത്. തുടക്കത്തിൽ കിങ്ഫിഷർ ഒട്ടേറെ യാത്രക്കാരെ ആകർഷിച്ചിരുന്നു. കിങ്ഫിഷർ വളർന്നപ്പോൾ എയർ ഡെക്കാണിനെപ്പോലുള്ള ചെറുകിട വിമാനക്കമ്പനികൾ തകർന്നു തരിപ്പണമായി. 2007-ൽ എയർ ഡെക്കാൺ ഏറ്റെടുക്കാൻ മല്യ തയ്യാറായി. 550 കോടി രൂപ മുടക്കിയാണ് യുണൈറ്റഡ് ബ്രുവറീസ് ഡെക്കാണിൽ 26 ശതമാനം ഓഹരികൾ വാങ്ങിയത്. എയർ ഡെക്കാൺ വാങ്ങാനുള്ള തീരുമാനമാണ് കിങ്ഫിഷറിനെ നിലത്തിറക്കിയതെന്ന് വിലയിരുത്തുന്നവരേറെയാണ്.

ഒരുഘട്ടത്തിൽ യാത്രക്കാരുടെ എണ്ണത്തിൽ രണ്ടാം സ്ഥാനത്തായിരുന്നു കിങ്ഫിഷർ. 2008-ൽ ലണ്ടനിലേക്ക് വിമാനം പറത്തിക്കൊണ്ട് അന്താരാഷ്ട്ര വ്യോമയാന രംഗത്തും മല്യ ചുവടുവച്ചു. അന്താരാഷ്ട്ര വിമാന സർവീസുകളും ബജറ്റ് ആഭ്യന്തര സർവീസുകളും ഒരുമിച്ച് നടത്തിക്കൊണ്ടുപോയിരുന്ന കിങ്ഫിഷറിന് ഇന്ധന വില വർധിച്ചതോടെ പിടിച്ചുനിൽക്കാനാകാതെയായി. 2008 മാർച്ചിൽ കിങ്ഫിഷറിന്റെ കടം 934 കോടി രൂപയായി. ഒരുവർഷം കഴിഞ്ഞപ്പോൾ അത് 5665 കോടി രൂപയായി വർധിച്ചു. 2007-08ൽ 188 കോടി രൂപ നഷ്ടത്തിലായിരുന്നു കമ്പനി ഒരുവർഷം കഴിഞ്ഞപ്പോൾ 1608 കോടി നഷ്ടത്തിലേക്ക് കൂപ്പുകുത്തി.(സ്വത്തിനായി മല്യ പിതാവിനെ കൊലപ്പെടുത്തിയതാണെന്ന ആരോപണവും പലപ്പോഴായി വിജയ് മല്യക്ക് എതിരെ ഉയർന്നിരുന്നു )

The post ‘എന്നെ ഇന്ത്യയ്ക്ക് കൈമാറരുത്’…സുന്ദരികളുമായി വ്യവസായ ലോകത്തെ കിരീടം വെക്കാത്ത രാജാവായി വിലസിയ വിജയ് മല്യയുടെ അപ്പീൽ യുകെ കോടതി തള്ളി.. appeared first on Daily Indian Herald.

കൊച്ചി : മുഖ്യമന്ത്രി പിണറായി വിജയനെ കുടുക്കിയത് കുലംകുത്തികൾ തന്നെയാണ് സൂചന .അത് പാർട്ടിക്കാരിൽ നിന്നാണ് പുറത്ത് പോയിരിക്കുന്നത് .വിവാദത്തിന്റെ കെട്ടഴിച്ചുവിട്ടത് സി.പി.എമ്മിനുള്ളില്‍ നിന്നു തന്നെയെന്നു സൂചന. സ്പ്രിംഗ്ലര്‍ കമ്പനിയുമായി കരാറില്‍ ഏര്‍പ്പെടാന്‍ പാര്‍ട്ടി സംസ്ഥാന സെക്രട്ടറിയേറ്റിന്റെ അനുമതി മാര്‍ച്ച് മുഖ്യമന്ത്രി നേടിയിരുന്നു. ഇക്കാരണത്താല്‍ വിവാദം ഉയര്‍ന്നാലും സംഘടനാപരമായി പിണറായി വിജയനെ പ്രതിക്കൂട്ടിലാക്കാന്‍ കഴിയുമായിരുന്നില്ല.കരാര്‍ തിരക്കിട്ട് ഏല്‍പ്പിക്കുന്നതില്‍ സെക്രട്ടറിയേറ്റിലെ ചില നേതാക്കള്‍ ആശങ്ക പ്രകടിപ്പിച്ചിരുന്നെങ്കിലും പാര്‍ട്ടി കരാര്‍ അംഗീകരിക്കുകയാണുണ്ടായത്. അക്കാരണത്താല്‍ സംഘടനാപരമായി പിണറായി കുറ്റക്കാരനാകുന്നില്ല. നിയമോപദേശം തേടാതെയും മറ്റും മുന്നോട്ടുപോയതാണ് പിന്നീട് വിവാദത്തിന് അടിസ്ഥാനമായത്.സ്പ്രിംഗ്ലര്‍ വിവാദത്തില്‍ മുഖ്യമന്ത്രി പിണറായി വിജയന് പാര്‍ട്ടി ദേശീയ നേതൃത്വം രക്ഷാകവചം ഒരുക്കുകയും ചെയ്തു .

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

കോവിഡ് പ്രതിരോധ പ്രവര്‍ത്തനത്തില്‍ മുഖ്യമന്ത്രിയുടെ ജനപ്രീതിയും സ്വീകാര്യതയും കുത്തനെ ഉയര്‍ന്ന ഘട്ടത്തിലാണ് അതുവരെ കരാറിനെക്കുറിച്ച് ധാരണയില്ലാതിരുന്ന പ്രതിപക്ഷത്തിന് ആദ്യം വിവരങ്ങള്‍ ചോര്‍ന്നുകിട്ടിയത്. സ്പ്രിംഗ്ലര്‍ കരാര്‍ വിവാദത്തില്‍ മുഖ്യമന്ത്രിയുടെ മകളുടെ കമ്പനിയായ എക്‌സാ ലോജിക്കിന്റെ പേര് ബന്ധിപ്പിക്കാന്‍ അപ്പോഴും പ്രതിപക്ഷത്തിന് കഴിഞ്ഞിരുന്നില്ല. കിട്ടിയതാവട്ടെ അവ്യക്തമായ തെളിവുകളും. ഡേറ്റ വിവാദത്തില്‍ ഐടി പ്രിന്‍സിപ്പല്‍ സെക്രട്ടറി എം. ശിവശങ്കറിനെ മുന്നില്‍ നിര്‍ത്തി മുഖ്യമന്ത്രി രക്ഷപ്പെടുന്നതായി തോന്നിയ ഘട്ടത്തിലാണ് മകള്‍ വീണയുടെ കമ്പനിയെ വിവാദവുമായി കൂട്ടിക്കെട്ടിയത്. ഈ നീക്കവും പാര്‍ട്ടിക്കുള്ളില്‍ നിന്നുതന്നെ ഉണ്ടായതാണെന്നാണ് സി.പി.എമ്മിലെ ഒരു വിഭാഗത്തിന്റെ വിലയിരുത്തല്‍ എന്നും മംഗളം റിപ്പോർട്ട് ചെയ്യുന്നു.

കമ്പനിയുടെ വെബ്‌െസെറ്റ് അപ്രത്യക്ഷമായത് ദുരൂഹമാണെന്ന് ആരോപിച്ച് പി.ടി. തോമസ് എം.എല്‍.എ. രംഗത്തുവന്നെങ്കിലും ആ വിഷയം കോണ്‍ഗ്രസിന്റെ സംസ്ഥാന നേതാക്കള്‍ ഏറ്റുപിടിച്ചില്ല. വ്യക്തമായ തെളിവുകള്‍ െകെയിലില്ലെങ്കിലും പുതിയ വിവാദത്തിലേക്ക് മുഖ്യമന്ത്രിയെ വലിച്ചിഴച്ച് പുകമറ സൃഷ്ടിക്കാന്‍ പ്രതിപക്ഷത്തിനു കഴിഞ്ഞു. അതിനിടെ, സര്‍ക്കാരിന്റെ പ്രതിച്ഛായക്ക് മങ്ങലേല്‍പ്പിക്കാന്‍ ‘ഒരുകൂട്ടര്‍’ ശ്രമിക്കുന്നുവെന്ന്, ”നാം മുന്നോട്ട്” എന്ന പരിപാടിയില്‍ പിണറായി വ്യക്തമാക്കുകയും ചെയ്തു. പ്രതിപക്ഷത്തെ നേരിട്ട് കുറ്റപ്പെടുത്താതെ നടത്തിയ ഈ പ്രയോഗം പാര്‍ട്ടിയിലെ എതിര്‍വിഭാഗത്തിന് നേരേയുള്ള ഒളിയമ്പാണെന്നാണു വിലയിരുത്തല്‍.

എന്തായാലും ഈ വിവാദത്തിൽ നിന്നും ഉടൻ തന്നെ പ്രതിപക്ഷം പിറകോട്ടു പോകും എന്നാണു നിലവിലെ സൂചനകൾ .150 വര്ഷം പാരമ്പര്യം ഉള്ള ഐ ടി കമ്പനികൾ എന്നൊക്കെ അടിസ്ഥാനരഹിതമായ പോഴത്തരം പിടി തോമസിനെപ്പോലുള്ള കോൺഗ്രസുകാർ മുന്നോട്ടു വെക്കുന്നതും ഇതിലേക്കാണ് വിരൽ ചൂണ്ടുന്നത് .സി.പി.എമ്മും പിണറായിയും ശക്തമായി മുന്നോട്ടു പോകുമ്പോൾ ഒത്തുതീർപ്പ് രാഷ്ട്രീയത്തിന് സ്കോപ്പ് കൂട്ടുകയാണ് ചില കോൺഗ്രസുകാർ എന്നും ആരോപണം ഉയർന്നുകഴിഞ്ഞു .ഡീലുകൾ അണിയറയിൽ നടക്കുന്നു എന്നും ചിലർ സോഷ്യൽ മീഡിയായിൽ പ്രതികരിക്കുന്നതിലൂടെ പുറത്ത് വരുന്നുണ്ട് .

അതേസമയം കേരളത്തിലെ ഫലപ്രദമായ കൊവിഡ് അതിജീവനം ആഗോളതലത്തിൽ പ്രകീർത്തിക്കപ്പെടുന്നത് കമ്യൂണിസ്റ്റ് ഭരണമാതൃകയെന്ന വിലയിരുത്തലോടെയാണ്. സംസ്ഥാനത്തും പിണറായിസർക്കാരിന് മികച്ച പ്രതിച്ഛായ സൃഷ്ടിക്കാനായി. ലോകത്തെ തന്നെ ഫലപ്രദമായ ബദൽ രാഷ്ട്രീയമുയർത്തിപ്പിടിക്കുന്നുവെന്ന പ്രതീതിയെ മായ്ച്ചുകളയാൻ സി.പി.എമ്മോ സി.പി.ഐയോ ആഗ്രഹിക്കുന്നില്ല. കൊവിഡ് പ്രതിരോധത്തിൽ ഇതുവരെ കേരളസർക്കാരെടുത്ത സമീപനം അപാകതയില്ലാത്തതാണെന്ന് ഇരുനേതൃത്വങ്ങളും വിലയിരുത്തുകയുമാണ്.അതിനിടയിൽ കല്ലുകടിയായെത്തിയ വിവാദം സി.പി.ഐക്കകത്ത് അതൃപ്തിയുളവാക്കിയിട്ടുണ്ട്.

വ്യക്തിയുടെ സ്വകാര്യതയെ മൗലികാവകാശമായി സംരക്ഷിക്കുന്ന നയസമീപനം ഇടത് കാഴ്ചപ്പാടായി ഉയർത്തിപ്പിടിക്കുമ്പോൾ ഇങ്ങനെയൊരു വിവാദം ക്ഷണിച്ചുവരുത്തണമായിരുന്നോയെന്ന സന്ദേഹം അവരിലുണ്ട്. എന്നാൽ കൊവിഡ് അതിജീവനത്തിന്റെ കേരള മോഡലിന് ഭംഗമുണ്ടാക്കാൻ ആഗ്രഹിക്കാത്തതിനാൽ തൽക്കാലം പരസ്യപ്രതികരണത്തിനില്ല. കെ.എം. ഷാജി വിവാദത്തിലും അതിലേക്ക് സി.എച്ച്.മുഹമ്മദ് കോയ കുടുംബത്തെ വലിച്ചിഴച്ചതിലുമെല്ലാം സി.പി.ഐക്ക് അതൃപ്തിയുണ്ട്.സ്പ്രിംഗ്‌ളർ കമ്പനി ഇടപാട് അടിയന്തര സാഹചര്യത്തിൽ ഐ.ടി വകുപ്പിലെ ഉന്നതോദ്യോഗസ്ഥൻ സ്വന്തം വിവേചനാധികാരമുപയോഗിച്ചെടുത്ത തീരുമാനമെന്ന് വ്യാഖ്യാനിക്കാൻ ഇടതുകേന്ദ്രങ്ങൾ ആഗ്രഹിക്കുന്നുണ്ട്. അസാധാരണ സാഹചര്യത്തിലെ അസാധാരണസമീപനമെന്ന് പറഞ്ഞ സി.പി.എം പി.ബി അംഗം എസ്. രാമചന്ദ്രൻ പിള്ള, ബാക്കി കാര്യങ്ങൾ പിന്നീട് പരിശോധിക്കാമെന്നാണ് വ്യക്തമാക്കിയത്. കരാറിലെ വരുംവരായ്കകൾ പാർട്ടി ഇഴകീറി വിശകലനം ചെയ്യേണ്ടിവരുമെന്ന സൂചന ഇതിലൂടെ നൽകുന്നു. ആ ഘട്ടത്തിൽ അതൊരു ഉദ്യോഗസ്ഥതലത്തിലെ വിവേചനബുദ്ധിക്കനുസരിച്ച നീക്കമായി തള്ളാനും മതി.

The post കുലംകുത്തികൾ ആര് ?മുഖ്യമന്ത്രിയെ കുടുക്കിയത് അച്യുതാനന്ദപക്ഷക്കാർ ? മുഖ്യമന്ത്രിയെ ഒതുക്കാന്‍ മകളുടെ കമ്പനിയെ വിവാദത്തില്‍ കൂട്ടിക്കെട്ടി; വിവരം പോയത് സി.പി.എമ്മിനുള്ളില്‍ നിന്ന്. appeared first on Daily Indian Herald.

മോനെ ശബരി നാഥേ… മടിയിൽ കനമുള്ളവനെ പേടിക്കാൻ ഉള്ളു…… മോൻ ഈ പ്രവാസികൾ എന്ന് കേട്ടിട്ടുണ്ടോ ഇവിടെ ഇപ്പോ അവരെ തിരിച്ചെത്തിക്കലാണ് ആവശ്യം അതിനെക്കുറിച്ച് ഓർക്കാനോ പറയാനോ ഉടയാത്ത വെള്ളയുടുപ്പിൽ മാത്രം ജീവിച്ചു ശീലിച്ചിട്ടുള്ള അർബൻ രാഷ്ട്രീയക്കാർക്ക് സമയം കാണില്ല.

KS ശബരീനാഥൻ MLA വായിച്ചറിയുവാൻ കേരളത്തിലെ ഒരു പൌരൻ എഴുതുന്നത്:

താങ്കൾ എഴുതിയ ഫേസ്ബുക്ക് പോസ്റ്റ് ഇപ്പോഴാണ് കണ്ടത്. നന്ദി. കുളനടയിൽ വന്ന് ഇനിയും ഒന്നിച്ച് ചായ കുടിക്കും എന്ന് ഉറപ്പു തന്നതിനു. വിമർശനങ്ങൾ വ്യക്തിബന്ധങ്ങളെ ബാധിക്കാനുള്ളതല്ലല്ലോ. അതുകൊണ്ട് ചില കാര്യങ്ങൾ താങ്കൾക്ക് മറുപടി ആയി എഴുതാം എന്നു കരുതുന്നു.

1. മുഖ്യമന്ത്രിയുടെ ദിനംതോറുമുള്ള പത്രസമ്മേളനം ഇടവിട്ട ദിവസങ്ങളിലേക്ക് മാറ്റിയതിനെ പരിഹസി‌ച്ചുകൊണ്ടുള്ള സംഘപരിഹാസത്തിനു എതിരെയാണ് ഞാൻ പോസ്റ്റ് ഇട്ടിട്ടുള്ളത്. രാഷ്ട്രീയ വ്യത്യാസങ്ങൾക്കതീതമായി ഞങ്ങൾ സാധാരണക്കാർ വൈകുന്നേരങ്ങളിൽ മുഖ്യമന്ത്രിയെ കേൾക്കാനിരുന്നത് കോവിഡ് വ്യാപനത്തിന്റെ തോതും സുര‌ക്ഷാ മാനദണ്ഡങ്ങളും ജനങ്ങൾക്ക് എത്തിക്കാൻ പോകുന്ന സഹായങ്ങളും എന്തെന്ന് അറിയാൻ ആണ്. പക്ഷേ അതിൽ നിങ്ങൾക്കുള്ള അസഹ്യതയും അസൂയയും കുശുമ്പും ആ പോസ്റ്റിലൂടെ അറിയാതെ വെളിപ്പെട്ടു പോയി ശബരി. അതിലൂടെ നിങ്ങൾ പരിഹസിച്ചത് മുഖ്യമന്ത്രിയെ അല്ല, ഞങ്ങൾ സാധാരണക്കാരെയാണ്. അതിന്റെ ജാള്യത മറയ്ക്കാൻ അതിനെ Sprinkler വിഷയവുമായി കൂട്ടികെട്ടേണ്ടതില്ല. ചക്ക് എന്ന് പറയുമ്പോൾ കൊക്ക് എന്നു പറയുന്ന രാഷ്ട്രീയ മറുപടി ഇങ്ങോട്ട് വേണ്ട.

2. താങ്കൾ ആവശ്യപ്പെട്ടതുപോലെ പത്രങ്ങൾ വായിച്ചു പഠിക്കുക ആയിരുന്നു ഞാൻ. ടിവിയിൽ മുഖം കാണിക്കാൻ ഒരു വകുപ്പും കാണാതെ നെഞ്ചു പുകഞ്ഞിരുന്ന ചിലർ ഉയർത്തിക്കൊണ്ടു വന്ന വിവാദത്തിനു ഐ ടി. സെക്രട്ടറി ശിവശങ്കർ നൽകിയ മറുപടിയിൽ വിശ്വസിക്കാനണ് എനിക്കിപ്പോൾ താത്പര്യം. കാരണം രണ്ട് പ്രളയങ്ങളെയും നിപ്പയെയും ഇപ്പോൾ ഈ മഹാമാരിയെയും അതിജീവിക്കാനും പ്രതിരോധിക്കാനും മുന്നിൽ നിന്ന് തെളിയിച്ചു കാണിച്ച ഒരു സർക്കാർ പറയുന്നത് വിശ്വസിക്കാൻ അനുഭവസ്ഥനായ ആയ ഞാൻ ഇഷ്ടപ്പെടുന്നു. സോളാർ സരിതയെ പാതിരാത്രിയോളം ഊഴം കാത്തിരുന്ന് വിളിച്ച് വികസനം കൊണ്ടുവന്ന ‘യുവകേസരികൾക്ക്’ ഒപ്പം കൂടി ഇപ്പോൾ താങ്കൾ ഉയർത്തുന്ന വിവാദങ്ങളിൽ വിശ്വസിക്കാൻ തൽക്കാലം മനസില്ല.

3. ഇനി ഇപ്പറയുന്ന sprinkler കമ്പിനി എന്റെ ഡേറ്റ അങ്ങ് ചോർത്തി കൊണ്ടുപോയാലും ഒരു ചുക്കും വരാനില്ലാത്ത ഒരു സാധാരണക്കാരനാണ് ഞാൻ.. പൊതുജനത്തിനോ ലോകത്തിൽ ആർക്കെങ്കിലുമോ അറിയാൻ പാടില്ലാത്ത ഒരു ഡേറ്റയും കള്ളപ്പണവും ഞങ്ങൾ സാധാരണക്കാരുടെ കയ്യിൽ ഇല്ല. വീട്ടിലറിഞ്ഞാൽ പ്രശ്‌നമാകുന്ന തരം ഫോൺ ഡേറ്റയും ഇല്ല. മടിയിൽ കനമുള്ളവനെ വഴിയിൽ പേടിക്കേണ്ടതുള്ളൂ .

4. ഇപ്പോൾ എന്റെ മുന്നിലുള്ള പ്രശ്നം ഡേറ്റ അല്ല, പ്രവാസഭൂമിയിൽ പ്രയാസം അനുഭവിക്കുന്ന ആയിരക്കണക്കിനു നജീബുമാരാണ്. അവരുടെ സുരക്ഷയാണ്, അവരുടെ ആരോഗ്യമാണ്. അവരുടെ തൊഴിൽ ആണ്. അവരുടെ ഭാവിയാണ്. അവരെ തിരിച്ചെത്തിക്കലാണ് അതിനെക്കുറിച്ച് ഓർക്കാനോ പറയാനോ ഉടയാത്ത വെള്ളയുടുപ്പിൽ മാത്രം ജീവിച്ചു ശീലിച്ചിട്ടുള്ള അർബൻ രാഷ്ട്രീയക്കാർക്ക് സമയം കാണില്ല.

5. പിന്നെ ആസ്ഥാനകവി. അതെനിക്ക് നന്നേ പിടിച്ചു. കാരണം കാലു നക്കിയും സ്തുതി പാടിയും മാത്രം സ്ഥാനമാനങ്ങൾ നേടാൻ കഴിയാവുന്ന ഒരു രാഷ്‌ട്രീയ സംസ്‌കാരത്തിൽ അറിയാതെ പെട്ടുപോയ ഒരാളുടെ മനോഭാവമാണത്. അവിടെ നിൽക്കുന്നവർക്ക് അങ്ങനെ മാ‍ത്രമേ തോന്നു. എന്നാൽ ഞാനതിൽ പെടുന്ന ഒരാളല്ല. എനിക്ക് എന്റെ കഴിവിൽ നല്ല ബോധ്യമുണ്ട്. ഇതുവരെ എത്തിയത് എങ്ങനെയാണ് എന്ന ഉറച്ച ബോധ്യം. പ്രശ്നാധിഷ്ഠിതമായി വിഷയങ്ങളെ സമീപിക്കാൻ ഉള്ള ആർജ്ജവവും ഉണ്ട്. ഞങ്ങളുടെ ഒക്കെ പ്രിയപ്പെട്ട ‘ജി.കെ യുടെ മകന്’ അങ്ങനെ ഒരു ബോധ്യം ഉണ്ടാവുന്ന കാലത്ത് ആസ്ഥാനകവി പട്ടം മോഹിക്കൽ അവസാനി‌ച്ചു കൊള്ളും.

അപ്പോൾ ഇനിയും കാണണം. ചായ കുടിക്കണം. നന്ദി
.ബെന്യാമിൻ

The post മോനെ ശബരി നാഥേ…വെള്ളയുടുപ്പിൽ മാത്രം ജീവിച്ചു ശീലിച്ചിട്ടുള്ള അർബൻ രാഷ്ട്രീയക്കാരാ… appeared first on Daily Indian Herald.

തിരുവനന്തപുരം:കടുത്ത ജാഗ്രത നിര്‍ദേശം തുടരുമ്പോഴും കേരളം വീണ്ടും ആശങ്കയിലേക്ക്. കേരളത്തിൽ ഇന്ന് 19 പേർക്ക് കൊവിഡ് 19 സ്ഥിരീകരിച്ചു. കൊവിഡ് അവലോകനത്തിന് ശേഷം നടത്തിയ വാർത്താ സമ്മേളനത്തിൽ മുഖ്യമന്ത്രി പിണറായി വിജയനാണ് ഇക്കാര്യം വ്യക്തമാക്കിയത്.കണ്ണൂരിൽ 10 പേർക്ക് കൂടി രോഗം സ്ഥിരീകരിച്ചു. ഇതിൽ ഒമ്പത് പേർ വിദേശത്തു നിന്നും എത്തിയവരാണ്. കാസര്‍ഗോഡ് മൂന്ന് പേര്‍ക്കും പാലക്കാട് നാല് പേര്‍ക്കും മലപ്പുറംകൊല്ലം ജില്ലയില്‍ ഒരാള്‍ക്കുമാണ് കൊറോണ സ്ഥിരീകരിച്ചത്.

അതേസമയം 16 പേര്‍ക്ക് രോഗം ഭേദമായിട്ടുണ്ട്. കണ്ണൂരില്‍ 7 പേര്‍ക്കും കാസര്‍ഗോഡും കോഴിക്കോടും നാല് പേര്‍ക്കും തിരുവനന്തപുരം മൂന്ന് പേര്‍ക്കുമാണ് രോഗം ഭേദമായത്.കണ്ണൂരില്‍ രോഗം സ്ഥിരീകരിച്ചവരില്‍ 9 പേരും വിദേശത്ത് നിന്നും വന്നവരാണ്. ഇതോടെ കണ്ണൂരില്‍ ഇതുവരേയും 104 പേര്‍ക്ക് രോഗം സ്ഥിരീകരിച്ചുപാലക്കാട്, മലപ്പുറം, കൊല്ലം ജില്ലകളില്‍ രോഗം ബാധയുണ്ടായവരില്‍ ഓരോരുത്തരും തമിഴ്‌നാട്ടില്‍ നിന്നും വന്നവരാണ്. അതിര്‍ത്തിയില്‍ നിയന്ത്രണങ്ങള്‍ ശക്തമാക്കേണ്ടതുണ്ട്. കാസര്‍ഗോഡ് രോഗം ബാധിച്ചവരില്‍ മൂന്ന് പേരും വിദേശത്ത് നിന്നും വന്നവരാണ്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
സംസ്ഥാനത്ത് ഇത് വരെ 426 പേര്‍ക്കാണ് രോഗം സ്ഥിരീകരിച്ചത്. ഇതില്‍ 117 പേര്‍ നിലവില്‍ ചികിത്സയിലാണ് 36667 പേരാണ് ഇപ്പോള്‍ നിരീക്ഷണത്തിലുള്ളത്. അതില്‍ 36335 പേര്‍ വീടുകളിലും ആശുപത്രികളില്‍ 332 പേരുമാണ് നിരീക്ഷണത്തില്‍ കഴിയുന്നത്. ഇന്ന് മാത്രം 102 പേരെ ആശുപത്രിയില്‍ പ്രവേശിപ്പിച്ചിട്ടുണ്ട്. ഇതുവരേയും 20252 സാമ്പിളുകളാണ് പരിശോധനക്കയച്ചത്. അതില്‍ 19442 എണ്ണം രോഗ ബാധയില്ലയെന്ന് ഉറപ്പാക്കി. ഏറ്റവും കൂടുതല്‍ കോറോണ രോഗികള്‍ ഉളളത്. കണ്ണൂര്‍ ജില്ലയിലാണ്. ഒരു വീട്ടില്‍ 10 പേര്‍ക്ക് സമ്പര്‍ക്കം വഴി രോഗം ബാധിച്ചത്. ഈ സാഹചര്യത്തിലാണ് ജില്ലയില്‍ കര്‍ശന പരിശോധനകള്‍ നടത്താന്‍ തീരുമാനിച്ചത്.

ഇതുവരെ രോഗം ബാധിച്ചവരുടെ എണ്ണം 426 ആയി. 117 പേർ ചികിത്സയിലുണ്ട്. 36,667 പേർ നിരീക്ഷണത്തിലാണ്. 36,335 പേർ വീടുകളിലും 332 പേർ ആശുപത്രികളിലും നീരീക്ഷണത്തിൽ. ഇന്ന് 102 പേരെ ആശുപത്രിയിൽ പ്രവേശിപ്പിച്ചു. ഇതുവരെ 20,252 സാംപിൾ പരിശോധനയ്‌ക്ക് അയച്ചു. 19,442 എണ്ണത്തിൽ രോഗബാധ ഇല്ലെന്നു കണ്ടെത്തി.രോഗലക്ഷണമില്ലെങ്കിലും മാർച്ച് 12നും ഏപ്രിൽ 22നും ഇടയിൽ നാട്ടിലെത്തിയ പ്രവാസികളെയും അവരുടെ ഹൈ റിസ്‌ക് കോൺടാക്‌ടുകളിലുള്ള മുഴുവൻ പേരുടെയും സാമ്പിൾ പരിശോധിക്കും. 53 പേരാണ് ഇപ്പോൾ കണ്ണൂർ ജില്ലയിൽ മാത്രം ചികിത്സയിലുള്ളത്. പോസിറ്റീവ് കേസുകൾ കൂടിയതിനാൽ ലോക്ഡൗൺ കർശനമായി നടപ്പിലാക്കുന്നു എന്നുറപ്പിക്കാനുള്ള നടപടികൾ സ്വീകരിച്ചിട്ടുണ്ട്. കൂടുതൽ സ്ഥലങ്ങളിൽ പരിശോധനയും ഏർപ്പെടുത്തി. ജില്ലയിൽ റോഡിലിറങ്ങുന്ന എല്ലാ വാഹനവും ഒരു പൊലീസ് പരിശോധനയ്ക്ക് എങ്കിലും വിധേയമാകും എന്ന് ഉറപ്പിക്കുന്നുണ്ട്.രോഗ പ്രതിരോധ മരുന്ന് നൽകാൻ ഹോമിയോപ്പതിക്ക് അനുമതി നൽകി.

ആകെ 21170 പൊലീസുകാർ ഡ്യൂട്ടിയിൽ ഉള്ളത്. ഫയർ ആന്റ് റസ്‌ക്യു ടീമും സുത്യർഹമായി പ്രവർത്തിക്കുന്നു. മലോര മേഖലയിൽ കാട്ടാനകൾ കൃഷി നശിപ്പിക്കുന്നതായി വാർത്തയുണ്ട്. തീറ്റയും വെള്ളവും കിട്ടാതെ വന്യ ജീവികൾ നാട്ടിലേക്ക് ഇറങ്ങുന്ന അവസ്ഥയുണ്ട്. ഇത് പ്രതിരോധിക്കാൻ വനം വകുപ്പിന് നിർദ്ദേശം നൽകി. ഇടുക്കിയിൽ പച്ചക്കറി സംഭരണം പ്രശ്‌നത്തിലാണ്. ഇതിന് സംവിധാനം ഉണ്ടാക്കണമെന്നും നിർദ്ദേശിച്ചിട്ടുണ്ട്.9.66 ശതമാനം കാർഡുടമകൾക്കും റേഷൻ എത്തിക്കാൻ സംസ്ഥാന സർക്കാരിന് ആയി. മേയ്‌മാസത്തെ വിതരണത്തിന് അരിയും സാമഗ്രികളും തയ്യാറായിട്ടുണ്ട്. കേന്ദ്ര സർക്കാർ പദ്ധതിയിൽ പെടുത്തി സംസ്ഥാനത്തെ അന്ത്യോദയ അന്നയോജന വിഭാഗങ്ങൾക്ക് റേഷൻ വിതരണം ഇന്നലെ തുടങ്ങി ഏപ്രിൽ 26 ന് അവസാനിക്കും. 27 മുതൽ സംസ്ഥാന സർക്കാരിന്റെ പലവ്യഞ്ജനക്കിറ്റ് പിങ്ക് കാർഡുടമകൾക്ക് വിതരണം ചെയ്യും. അന്ത്യോദയ കുടുംബത്തിലെ മഞ്ഞ കാർഡുകാർഡ് ഉടമകൾക്ക് വിതരണം ചെയ്‌തുകഴിഞ്ഞു.തിരക്കൊഴിവാക്കാൻ 22 മുതൽ 26 വരെ ക്രമീകരണമേർപ്പെടുത്തിയിട്ടുണ്ട്. 22ന് 1,2 അക്കങ്ങളിൽ അവസാനിക്കുന്ന കാർഡ് നമ്പറുള്ളവരും 23 ന് 3,4 അക്കങ്ങളുള്ളവരും 24 ന് 5, 6 നമ്പരുള്ളവരും. 25 ന് 7,8 നമ്പറുകാരും, 26 ന് 9,0 അക്കങ്ങളിൽ അവസാനിക്കുന്ന കാർഡുടമകളാണ് റേഷൻ വാങ്ങാനെത്തേണ്ടത്.

The post കടുത്ത ജാഗ്രത നിര്‍ദേശം തുടരുമ്പോഴും കേരളം വീണ്ടും ആശങ്കയിലേക്ക്.’കൊറോണ രോഗം പ്രവചനാതീതം’; കേരളത്തില്‍ ഇന്ന് 19 പേര്‍ക്ക് രോഗം സ്ഥിരീകരിച്ചു appeared first on Daily Indian Herald.

കോട്ടയം:സീറോമലബാർ സഭയിൽ ഭും,ഐ വിവാദം കത്തി നിൽക്കെ സിറോ മലബാര്‍ സഭ മേജര്‍ ആര്‍ച്ച് ബിഷപ്പ് കര്‍ദിനാള്‍ മാര്‍ ജോര്‍ജ് ആലഞ്ചേരിയെ വ്യാജരേഖകള്‍ ഉപയോഗിച്ച് അഴിമതിക്കാരനാക്കി ചിത്രീകരിക്കാന്‍ ശ്രമിച്ചെന്ന പരാതിയില്‍ കെസിബിസി മുന്‍ വക്താവ് ഫാ. പോള്‍ തേലക്കാട്ടിനെതിരേ കേസ് എടുത്തിരുന്നു . സിറോ മലബാര്‍ സഭ ആസ്ഥാനമായ കാക്കനാട് മൗണ്ട് സെന്റ് തോമസില്‍നിന്ന് കൊടുത്ത പരാതിയുടെ അടിസ്ഥാനത്തിലാണ് കത്തോലിക്ക സഭയുടെ മുന്‍ വക്താവും സത്യദീപം ഇംഗ്ലീഷ് വിഭാഗം ചീഫ് എഡിറ്ററുമായ ഫാ. പോള്‍ തേലക്കാട്ടിനെതിരെ തൃക്കാക്കര പോലീസ് കേസെടുത്ത് എഫ്. ഐ. ആര്‍. രജിസ്റ്റര്‍ ചെയ്തിരുന്നത് .സഭക്കെ എതിരെ നിൽക്കുന്നു എന്നാണ് കർദിനാൾ പിന്തുണക്കാരുടെ ആരോപണം . ഇപ്പോൾ വീണ്ടും ഫാ.പോള്‍ തേലക്കാത്തിനെതിരെ ഒരുവിഭാഗം രംഗത്ത് എത്തിയിരിക്കയാണ് . ഏപ്രില്‍ 10 ദുഃഖവെള്ളി ദിനത്തില്‍ ഫാ.പോള്‍ തേലക്കാട്ട് ഒരു ദിനപത്രത്തില്‍ എഴുതിയ ‘നിശബ്ദ ഏകാകിയുടെ ദുഃഖവെള്ളി’ എന്ന ലേഖനത്തെ വിവാദത്തിലാക്കാന്‍ ശ്രമിക്കുന്നവരെ നിശബ്ദരാക്കി വൈദികന്റെ വിശദീകരണം. ആരുടെയും ആത്മാഭിമാനത്തിന്റെ പ്രശ്‌നമായിട്ടില്ല, എന്റെ ആത്മനിന്ദയായിട്ടാണ് ഞാന്‍ അതൊഴുതിയതെന്ന് ഫാ.തേലക്കാട്ട് പറയുന്നു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

‘ആരുടെയും അന്തസ്സിനെ ചോദ്യ ചെയ്യാനോ ആരുടെയെങ്കിലും അന്തസ്സ് കുറവാണ് എന്നു പറയാനോ ഒന്നുമല്ല ഞാന്‍ ആ ലേഖനത്തില്‍ ശ്രമിച്ചത്. ഞാന്‍ എന്റെ അന്തസ്സിനെ തെറ്റിദ്ധരിച്ച കാര്യമാണ് പറഞ്ഞത്. അങ്ങനെയൊരു അന്തസ്സ് അന്തസ്സല്ല. അതാണ് ഞാന്‍ അതില്‍ എഴുതിയിരിക്കുന്നത്. അതൊരു ആത്മാഭിമാനത്തിന്റെ പ്രശ്‌നമല്ല, അതൊരു ആത്മനിന്ദയായിട്ടാണ് ഞാനതില്‍ എഴുതിയിരിക്കുന്നത്.

പരാതിക്കാരന്റെ എന്ന് പറഞ്ഞ് സിറോ മലബാര്‍ സഭാ തലവന്‍ കര്‍ദിനാള്‍ മാര്‍ ജോര്‍ജ് ആലഞ്ചേരിക്ക് ഒരു മെയില്‍ വന്നുവെന്നാണ് ആലഞ്ചേരി പിതാവ് പറയുന്നത്. ആ മെയിലിനകത്ത് ഒരു കത്ത് ഉണ്ട് എന്നത് ശരിയാണ്. പക്ഷേ ആ കത്ത് ആധികാരികമല്ല. കത്തില്‍ ആരും ഒപ്പുവച്ചിട്ടില്ല. അതിനാല്‍ തന്നെ അതില്‍ സാധുതയുണ്ടെന്ന് എനിക്ക് തോന്നിയില്ല. അത് ഞാന്‍ പിതാവിനോട് പറയുകയും ചെയ്തു. പരാതിക്കാരന്‍ നൂണ്‍ഷ്യോയ്ക്ക് അയച്ച ഒരു കത്തിന്റെ കോപ്പി പിതാവിന് അയച്ചതാണ്. അതില്‍ ഒപ്പില്ല. അങ്ങനെയൊരു അജ്ഞാത കത്ത് വച്ച് വിശദീകരണം ചോദിക്കുന്നതില്‍ അര്‍ത്ഥമുണ്ടെന്ന് എനിക്ക് തോന്നുന്നുമില്ല.

കാരണം എന്റെ ലേഖനം ഒരു സറ്റയറാണ്. ഡിസ്‌ക്രിപ്റ്റീവ് സ്‌റ്റേറ്റ്‌മെന്റ് അല്ല. ഇതാണ് എനിക്ക് പറയാനുള്ളത്. ഒരു ആത്മനിന്ദാപരമായ ആക്ഷേപഹാസ്യം കലര്‍ന്ന ഒരു പ്രസ്താവനയാണ് ഞാന്‍ എഴുതിയത്. ഉദാഹരണമായി പറഞ്ഞാല്‍, കുഞ്ചന്‍ നമ്പ്യാരുടെ ഒരു പ്രയോഗമുണ്ട്.”ദീപസ്തംഭം മഹാശ്ചര്യം എനിക്കും കിട്ടണം പണം”. ആ വാചകം കുഞ്ചന്‍ നമ്പ്യാര്‍ പണത്തിന്റെ ആര്‍ത്തിക്കാരനാണെന്ന് പറയാന്‍ ഉപയോഗിച്ചാല്‍ എന്തു ചെയ്യും ? അത്രയേയുള്ളു അതിനകത്തുള്ള കാര്യം. അത് ചിലര്‍ മനസ്സിലാക്കിയതില്‍ വന്ന പിശകാണെന്നാണ് എനിക്കു തോന്നിയത് എന്ന് ‘മംഗളം ആണ് വൈദികന്റെ വിശദീകരണം തനിക്കെതിരെ സൈബര്‍ യുദ്ധം അഴിച്ചുവിട്ടവര്‍ക്ക് മറുപടി നല്‍കുന്നത്.

ഇക്കാര്യത്തില്‍ എന്തെങ്കിലും ചെയ്യണമെന്ന് നൂണ്‍ഷ്യോ ആവശ്യപ്പെട്ടിട്ടില്ല. അല്ലെങ്കില്‍ നൂണ്‍ഷ്യോയ്ക്ക് എഴുതിയ കത്ത് ആരെങ്കിലും പരിശോധിക്കണമെന്നൂം ആവശ്യപ്പെടണം. അതും ഉണ്ടായിട്ടില്ല. പിന്നെ എന്താണ് ഈ പറയുന്നത്. നൂണ്‍ഷ്യോക്ക് കൊടുത്തുവെന്ന് പറയപ്പെടുന്ന ഒരു കത്ത് ഞാന്‍ വായിച്ചു. ഈ കത്ത് ആരെങ്കിലും ഒപ്പുവയ്ക്കുന്ന കത്ത് ആകണ്ടെ ? ആരും ഒപ്പുപോലും വയ്കാത്ത കത്ത് എങ്ങനെ പരിഗണിക്കപ്പെടും ? ഞാന്‍ എഴുതിയ കാര്യത്തെ കുറിച്ച് ആര്‍ക്കെങ്കിലും മനസ്സിലായില്ലെങ്കില്‍ അത് മനസ്സിലാക്കാന്‍ ശ്രമിക്കണം. അത്രമാത്രം.

മാത്രമല്ല, ഇതു സംബന്ധമായി എന്റെ കയ്യില്‍ കിട്ടിയ ഒരു ലെറ്റര്‍ അല്ല സോഷ്യല്‍ മീഡിയയില്‍ പ്രചരിക്കുന്നത്. രണ്ടിന്റെയും ലെറ്റര്‍ ഹെഡ് വ്യത്യസ്തമാണ്. രണ്ടിലും ആരും ഒപ്പിട്ടിട്ടുമില്ല. അങ്ങനെ ഒരു അജ്ഞാത, ഒപ്പുവയ്ക്കാത്ത ഒരു കത്ത് കിട്ടി എന്നു കേട്ട് ആലഞ്ചേരി പിതാവ് വെകിളി കൊള്ളേണ്ട കാര്യമൊന്നുമില്ല. ഒരു അധികാരിക്ക് ഒരു പരാതി കിട്ടിയാല്‍ അതില്‍ പരാതിക്കാരനാരാണെന്ന് നോക്കണം. അത് നോക്കിയോ എന്നെനിക്ക് ഉറപ്പില്ല. നോക്കിയെങ്കില്‍ ഇത്തരത്തില്‍ കുഴപ്പങ്ങള്‍ വരില്ലായിരുന്നു. ഇത് ശരിക്കും ആലഞ്ചേരി പിതാവ് കൈകാര്യം ചെയ്യേണ്ട വിഷയമായിരുന്നോ എന്ന ചോദ്യത്തിന് ‘വിഷയമല്ല’ എന്നായിരുന്നു ഫാ.തേലക്കാട്ടിന്റെ മറുപടി. അപ്പോള്‍, വിഷയമല്ലാത്ത ഒരു കാര്യം വിഷയമാക്കാന്‍ ശ്രമിച്ചു. അതിനാല്‍ ഞാന്‍ പിതാവിനോട് തന്നെ ചോദിച്ചു, പിതാവേ, എന്തിനെ കുറിച്ചാണ് പരാതി പറയുന്നത്. പരാതിയുണ്ടോ എന്നു ഞാന്‍ ചോദിച്ചു. പിന്നെ ഈ കാര്യത്തില്‍ ഇത്രയ്ക്ക് ബഹളമുണ്ടാക്കേണ്ട കാര്യമുണ്ടോ? ഫാ.പോള്‍ തേലക്കാട്ട് ചോദിക്കുന്നു.

പ്രസ്തുത ലേഖനത്തിലെ വിവാദമാക്കപ്പെട്ട ഭാഗം ഇങ്ങനെയായിരുന്നു. ”ദുഃഖവെള്ളിയാഴ്ചയാണ്. എല്ലാ ക്രിസ്ത്യാനിയും പള്ളിയില്‍ പോകുന്ന ദിനമാണ്. എല്ലാ പളളികളും അടച്ചിടാന്‍ മാര്‍പാപ്പ മുതല്‍ മെത്രാന്മാര്‍വരെ കല്പനയിറക്കി. ഞായറാഴ്ച കുര്‍ബാന കണ്ടില്ലെങ്കില്‍ നരകത്തില്‍ പോകും എന്നു ഞാനും പഠിപ്പിച്ചു. വെളളിയാഴ്ച ലത്തീന്‍കാര്‍ ഇറച്ചികഴിച്ചാലും നമ്മള്‍ സുറിയാനിക്കാര്‍ കുറച്ചുകൂടി അന്തസ്സുള്ളവര്‍ കഴിക്കരുത്, നരകത്തില്‍ പോകും എന്നും പഠിപ്പിച്ചു. കുമ്പസാരിക്കുന്നത് വൈദികനോട് തന്നെ വേണമെന്ന കാര്യത്തിലും രണ്ട് പക്ഷമുണ്ടായില്ല. ഈ നിയമങ്ങളെല്ലാം പിന്‍വലിക്കാന്‍ കാരണമെന്താ? വൈറസ് തന്നെ. അചഞ്ചലം, കേവലം എന്നൊക്കെ ഇവയെ കരുതിയിരുന്നവര്‍ തന്നെ എല്ലാം മാറ്റി. എന്തുകൊണ്ട്? ‘സാബത്ത് മനുഷ്യനുവേണ്ടിയാണ്, മനുഷ്യന്‍ സാബത്തിനു വേണ്ടിയല്ല’ എന്ന് പഠിപ്പിച്ചവനെ നാം മനസ്സിലാക്കിയോ? മനുഷ്യനാണ് കേവലം. എല്ലാ നിയമങ്ങളും മനുഷ്യനു വേണ്ടി മാറ്റം എന്ന് പഠിപ്പിക്കാന്‍ ഒരു വൈറസ് വേണ്ടിവന്നു

ഇതുവരെ സുറിയാനി കത്തോലിക്കാ സഭ അചലഞ്ചലമായി വിശ്വസിച്ചുപോന്നിരുന്ന പലതും വലിയ ആഴ്ചയില്‍ തന്നെ കോവിഡ് 19 എന്ന മഹാമാരി മാറ്റിമറിച്ചു എന്നായിരുന്നു ഫാ.തേലക്കാട്ട് ഈ ലേഖനത്തിലൂടെ പറഞ്ഞുവച്ചത്. കോവിഡിനെ പേടിച്ച് മുറിയില്‍ അടച്ച് ലോകജനതയോടൊപ്പം എഴുപത് കഴിഞ്ഞ വയോധികനായ ഞാനും ഏകാകിയായിരിക്കുകയാണെന്ന് പറഞ്ഞുകൊണ്ടാണ് അദ്ദേഹം ലേഖനം തുടങ്ങുന്നത് തന്നെ. ദുഃഖവെള്ളി ദിനത്തില്‍ ഏകാകിയായിരിക്കുന്ന തന്റെ ചിന്തകളാണ് അദ്ദേഹം പങ്കുവയ്ക്കാന്‍ ശ്രമിക്കുന്നതും.

എന്നാല്‍ ഈ ലേഖനത്തെ ഫാ.തേലക്കാട്ടിനെതിരായ ആയുധമാക്കി മാറ്റാന്‍ ദുഃഖവെള്ളി ദിനത്തില്‍ തന്നെ ഈ വൈദികന്‍ കൂടി ഭാഗമായ സഭയില്‍ നിന്നും നീക്കം തുടങ്ങി എന്ന് അദ്ദേഹവുമായി ബന്ധപ്പെട്ട മുതിര്‍ന്ന വൈദികര്‍ പറയുന്നു. അന്നു മുതല്‍ സൈബര്‍ ആക്രമണങ്ങള്‍ക്ക് ഇരയായ ഫാ.തേലക്കാട്ട് ആദ്യമൊക്കെ അത് കാര്യമാക്കിയിരുന്നില്ല. കളങ്കിത വ്യക്തിത്വങ്ങള്‍ക്കൊപ്പം ചേര്‍ന്ന് തങ്ങളെ സ്ഥിരമായി അധിക്ഷേപങ്ങള്‍ ചൊരിയുന്ന ഇക്കൂട്ടര്‍ അതിന്റെ ഭാഗമായി നടത്തുന്ന നീക്കമാണെന്ന് അദ്ദേഹവും ഒപ്പമുള്ള വൈദികരും കരുതിയെന്ന് അവര്‍ പറയുന്നു. എന്നാല്‍ കഴിഞ്ഞ രണ്ടു ദിവസങ്ങളില്‍ നടന്ന സംഭവങ്ങളാണ് ഫാ.തേലക്കാട്ടിനെ മാത്രം ലക്ഷ്യമിട്ട് ഉന്നത ആശീര്‍വാദത്തോടെയുള്ള നീക്കമാണെന്ന തിരിച്ചറിവ് ലഭിച്ചതായി അദ്ദേഹത്തിന് ഒപ്പമുള്ള വൈദികര്‍ പറയുന്നത്.

ഇക്കാര്യത്തില്‍ ഫാ.തേലക്കാട്ടുമായി അടുത്ത ബന്ധമുള്ള ഒരു മുതിര്‍ന്ന വൈദികന്‍ പറഞ്ഞത് ഇപ്രകാരമാണ്: സഹോദര സഭയിലെ വൈദികരുടെ സംഘടനയില്‍ അംഗമായ ഒരു വൈദികനാണ് നൂണ്‍ഷ്യോയ്ക്ക് കത്തയച്ചത്. അതിന്റെ ഒരു കോപ്പിയാണ് കര്‍ദിനാള്‍ ആലഞ്ചേരിക്ക് വന്നത്. അതില്‍ പരാതിക്കാരന്റെ ഒപ്പ് പോലുമില്ലായിരുന്നു. എന്നാല്‍ ഇത്തരമൊരു കത്തില്‍ ഇതുവരെ നൂണ്‍ഷ്യോയില്‍ നിന്ന് ഒരു അന്വേഷണവും വന്നിട്ടില്ല. ഇത് കര്‍ദിനാളിന്റെ കയ്യില്‍ വന്നപ്പോള്‍ അദ്ദേഹം അത് എറണാകുളം- അങ്കമാലി അതിരൂപതയുടെ മെത്രാപ്പോലീത്തയായ ആന്റണി കരിയിലിന് കത്തായി നല്‍കുകയും അദ്ദേഹം അതിരൂപത കൂരിയയില്‍ ഉള്ള വൈദികരുമായി സംസാരിക്കുകയും ചെയ്തു. അങ്ങനെ ഫാ.തേലക്കാട്ടിനോട് വിശദീകരണം തേടാന്‍ തീരുമാനിച്ചു. വൈദികര്‍ പിരിഞ്ഞശേഷം ഏതോ കുബുദ്ധി ബിഷപിനെ ഉപദേശിച്ചു. ”മാപ്പ് പറയണമെന്നാണ് അവര്‍ പറയുന്നതെന്നും ലേഖനം വന്ന പത്രത്തില്‍കൂടി തന്നെ മാപ്പ് പറയട്ടെ” എന്നുമായിരുന്ന ആ ഉപദേശം.

ഇതോടെ ഫാ.തേലക്കാട്ടിനെ വിളിച്ച മാര്‍ കരിയില്‍, ഒരു മാപ്പപേക്ഷ നല്‍കണമെന്ന് ആവശ്യപ്പെട്ടു. അധികാരികള്‍ എന്തുപറയുന്നുവോ അത് അനുസരിക്കണമെന്ന് നിശ്ചയമുള്ള ഫാ.തേലക്കാട്ട് ആ നിര്‍ദേശം ഒരു ഖേദപ്രകടനമെന്ന നിലയില്‍ പാലിക്കാന്‍ തയ്യാറായി. അതിരൂപതയിലെ തന്നെ ചില മുതിര്‍ന്ന വൈദികരുടെ ഇടപെടല്‍ മൂലം, ലേഖനം വിവാദമാക്കിയവര്‍ പ്രതീക്ഷിച്ചപോലെ പിറ്റേന്നും തുടര്‍ ദിവസങ്ങളില്‍ പോലും പത്രത്തില്‍ ഖേദപ്രകടനം വരാതിരുന്നതോടെ വിവാദം ഇളക്കിവിട്ടവര്‍ നിരാശരായി. ഫാ.തേലക്കാട്ടിനെ കുടുക്കിലാക്കാന്‍ ശ്രമം നടക്കുന്നതായി തിരിച്ചറിഞ്ഞ മുതിര്‍ന്ന വൈദികര്‍ ഇതോടെ പരസ്യമായി രംഗത്തിറങ്ങി. ഈ നീക്കം വിവാദമായതറിഞ്ഞ മാര്‍ കരിയില്‍ ഫാ.തേലക്കാട്ടിന്റെ സഹോദരനും അതിരൂപതാംഗവുമായ വൈദികനെ തന്നെ നിയോഗിച്ച് ഒരു ഖേദപ്രകടനം എഴുതി വാങ്ങി. എന്നാല്‍ ഈ കത്ത് കരിയില്‍ പിതാവിന് മാത്രം നല്‍കുന്ന കത്താണെന്നും മറ്റാര്‍ക്കും കൈമാറാന്‍ പാടില്ലെന്നും ഫാ.തേലക്കാട്ട് പ്രത്യേകം നിര്‍ദേശിച്ചിരുന്നു. ഈ കത്ത് എങ്ങനെ കരിയില്‍ പിതാവില്‍ നിന്നും ചോര്‍ന്നുവെന്നാണ് വ്യക്തമാകേണ്ടത്. കത്ത് അതേപടി അയച്ചുകൊടുത്തതാണോ അതോ ഉള്ളടക്കം മറ്റാരെങ്കിലും ചോര്‍ത്തിയതാണോ എന്നാണ് അറിയേണ്ടത്- ഈ മുതിര്‍ന്ന വൈദികന്‍ പറയുന്നു.

ഒരു പരാതിക്കത്ത് കിട്ടിയെന്നും പറഞ്ഞ് രണ്ടു ദിവസം മുന്‍പ് കര്‍ദിനാള്‍ ആലഞ്ചേരിയില്‍ നിന്നും വിളി എത്തുമ്പോഴാണ് താന്‍ വഞ്ചിക്കപ്പെട്ടുവെന്ന് ഫാ.തേലക്കാട്ട് തിരിച്ചറിയുന്നത്. ”ഈ ലേഖനത്തെ പ്രതി മാധ്യമങ്ങള്‍ തന്നെ നിരന്തരം വിളിക്കുന്നു.. അച്ചന്‍ എന്തായാലും മാപ്പപേക്ഷ എഴുതിക്കൊടുത്തില്ലേ…. ഇനി വിളിക്കുന്നവരോട് താന്‍ അത് പറഞ്ഞോട്ടെ” എന്നായിരുന്നു കര്‍ദിനാളിന്റെ ഫോണ്‍ വിളിയുടെ ഉള്ളക്കം. എന്നാല്‍ താന്‍ ആര്‍ക്കും മാപ്പ് എഴുതിക്കൊടുത്തിട്ടില്ലെന്നും തന്റെ അനുവാദമില്ലാതെ കത്ത് പ്രസിദ്ധീകരിക്കാന്‍ പാടില്ലെന്നും മാത്രമല്ല, തന്നോട് ആവശ്യപ്പെട്ട വ്യക്തിക്ക് മാത്രമായി നല്‍കിയ കത്താണ് അതെന്നും ഫാ.തേലക്കാട്ട് മറുപടി നല്‍കി. ഈ രീതിയില്‍ കര്‍ദിനാളിന് മറുപടി പറയാനുളള അനുവാദം താന്‍ നല്‍കില്ലെന്നും പറഞ്ഞ് ഫോണ്‍ സംഭാഷണം അദ്ദേഹം നിര്‍ത്തി.”- ഈ വൈദികന്‍ പറയുന്നു.

എന്നാല്‍, ഔദ്യോഗികമായി കൂരിയ പോലും ചേരാതെ, മുതിര്‍ന്ന വൈദികരുടെ അഭിപ്രായം തേടാതെ, ഫാ.തേലക്കാടില്‍ നിന്നും ഇത്തരമൊരു വിശദീകരണം എഴുതി വാങ്ങിയതില്‍ വൈദികരും അത്മായരും ഒന്നടങ്കം മാര്‍ ആന്റണി കരിയിലിനെതിരെ തിരിഞ്ഞുവെന്നാണ് പുറത്തുവരുന്ന വിവരം. അരമനയിലെ വൈദികര്‍ നടത്തിയ അവലോകനത്തില്‍, ഈ അതിരൂപതയിലെ പ്രശ്‌നങ്ങള്‍ പരിഹരിച്ചുവരുമ്പോള്‍ നേതൃത്വം തന്നെ വഷളാക്കിയ ഈ വിഷയം അതിരൂപതയ്ക്ക് വലിയ ആഘാതമാണ് സൃഷ്ടിച്ചതെന്ന വിലയിരുത്തലുമുണ്ടായി. ഇങ്ങനെയൊക്കെ സംഭവിക്കുമെന്ന് കരുതിയിരുന്നില്ലെന്ന് പറഞ്ഞ് മാര്‍ കരിയിലും ഒപ്പമുള്ള വൈദികരും പരിതപിച്ചതായാണ് അരമനയില്‍ നിന്ന് പുറത്തുവരുന്ന വിവരം.

അതേസമയം, ഫാ.തേലക്കാട്ടിനെതിരായ നീക്കത്തെ അപലപിച്ച് സഭയിലും പൊതുസമൂഹത്തിലും ശക്തമായ പ്രതികരണങ്ങള്‍ ഉയര്‍ന്നുവരുന്നുണ്ട്. ഫാ.തേലക്കാട്ടിന്റെ ലേഖനം ഒരിക്കലും ലത്തീന്‍ കത്തോലിക്കാ സമൂഹത്തെ താഴ്ത്തിപറയുന്നതായി തോന്നിയിട്ടില്ലെന്ന് മുന്‍ ജനപ്രതിനിധിയും പൊതുപ്രവര്‍ത്തകനുമായ ഡോ.സെബാസ്റ്റിയന്‍ പോള്‍ പ്രതികരിച്ചു. നോമ്പിനെ സംബന്ധിച്ചും ആചാരങ്ങളെ സംബന്ധിച്ചും ഈ രണ്ടു സഭകളും തമ്മില്‍ കുറച്ച് വ്യത്യാസങ്ങളുണ്ട്. ലത്തീന്‍സഭ പൊതുവേ യൂറോപ്യന്‍ രീതിയാണ് പിന്തുടരുന്നത്. സുറിയാനിക്ക് ചില വ്യത്യാസങ്ങളൊക്കെ അതില്‍ കൊണ്ടുവന്നിട്ടുണ്ട്. ഉദാഹരണത്തിന് നോമ്പ് ആരംഭിക്കുന്നത് ബുധനാഴ്ചയാണ്- ആഷ് വെനസ്‌ഡേ. ലോകം മുഴുവന്‍ ബുധനാഴ്ചയാണ് നോമ്പ് ആചരിക്കുന്നത്. പക്ഷേ, കേരളത്തിലെ സുറിയാനി സഭയ്ക്ക് തിങ്കളാഴ്ചയാണ് നോമ്പ് ആരംഭം. അതിലെന്താണ് അര്‍ത്ഥമെന്ന് നമ്മുക്കറിഞ്ഞുകൂടാ.

അതുപോലെതന്നെ, കുരിശിന്റെ രൂപം, കുരിശിന്റെ ആകൃതി, പുരോഹിതന്‍ വിശ്വസികള്‍ക്ക് അഭിമുഖമായി നില്‍ക്കണമോ, പിന്തിരിഞ്ഞു നില്‍ക്കണമോ ഇതൊക്കെയാണ് സുറിയാനി സഭയിലെ തര്‍ക്ക വിഷയങ്ങള്‍. ഇങ്ങനെയൊക്കെയുള്ള കാര്യങ്ങളെല്ലാം ഒറ്റ ദിവസം കൊണ്ട് കടന്നുപോയി. ആണ്ടു കുമ്പസാരം നടത്തിയില്ലെങ്കില്‍ പിന്നെ സഭയില്‍ അംഗമല്ല എന്നാണ് ഇതുവരെ പറഞ്ഞിരുന്നത്. ഇപ്പോള്‍ ആണ്ടുകുമ്പസാരവുമില്ല, കുര്‍ബാനയുമില്ല, ഒന്നുമില്ലാത്ത അവസ്ഥയായി. ഈ വക കാര്യങ്ങളെയൊക്കെ മുന്‍നിര്‍ത്തിയുള്ള ഒരു സ്വയം വിമര്‍ശനമാണ് തേലക്കാട്ട് അച്ചന്‍ നടത്തിയത്. അതില്‍ ഒരു പരാമര്‍ശത്തിന്റെ പാതി അടര്‍ത്തിയെടുത്ത് അച്ചനെതിരെ ഒരു കുറ്റപത്രം തയ്യാറാക്കുന്നത് ശരിയല്ല.

ബൈബിള്‍ പുതിയ നിയമത്തിന്റെ റിയല്‍ സ്പിരിറ്റിലാണ് തേലക്കാട്ട് അച്ചന്റെ ലേഖനത്തെ വായിക്കേണ്ടത്. ബൈബിളില്‍ യേശു എപ്പോഴും അര്‍ത്ഥമില്ലാത്ത ആചാരങ്ങള്‍ക്കെതിരെ നിലകൊണ്ടയാളാണ്. ‘സാബത്ത് മനുഷ്യന് വേണ്ടിയാണ്, മനുഷ്യന്‍ സാബത്തിനു വേണ്ടിയല്ല’ എന്നൊക്കെയുള്ള പരാമര്‍ശങ്ങള്‍. ഇതു മാത്രമേ തേലക്കാട്ട് അച്ചനും പറഞ്ഞിട്ടുള്ളൂ. അച്ചനെതിരെ ഇപ്പോള്‍ ഒരു യുദ്ധം നടക്കുന്നുണ്ടെങ്കില്‍, ഒന്ന്, സൈബര്‍ എന്നു പറയുന്നത് ആരെയും ആക്രമിക്കാവുന്ന എന്തും പറയാവുന്ന ഒരു ഇടമാണ്. രണ്ട്, ആലഞ്ചേരി പിതാവുമായി ബന്ധപ്പെട്ട ഒരു വിവാദത്തില്‍ പെടുത്തപ്പെട്ടയാളാണ് അച്ചന്‍. അതിന്റെ തുടര്‍ച്ചയായി കണക്കുകള്‍ തീര്‍ക്കാന്‍ ഈ അവസരം ഉപയോഗിച്ചത് അങ്ങേയറ്റം അപലപനീയമാണ്. അച്ചന്റെ ലേഖനത്തെ മനസ്സിലാക്കാന്‍ കഴിയാത്തവര്‍ അത് വിട്ടുകളഞ്ഞേക്കുക. അതിനപ്പുറത്തേക്ക് സൈബര്‍ ഇടത്ത് ആര്‍ക്കെതിരെയും എന്തും ചെയ്യാനും പറയാനും കഴിയുമെന്ന് പറഞ്ഞ് ഇറങ്ങുന്നവര്‍ യഥാര്‍ത്ഥ സഭാ സ്‌നേഹികളോ വിശ്വാസികളോ അല്ല- ഡോ. സെബാസ്റ്റിയന്‍ പോള്‍ പറയുന്നു.

വിശുദ്ധവാരത്തില്‍ കൊറോണ ലോക്കൗട്ടു കാരണം തന്റെ മുറിയില്‍ ഏകനായി, പ്രാര്‍ത്ഥനാനിരതനായി, കര്‍ത്താവിന്റെ പീഡാസഹനങ്ങളെക്കുറിച്ചു ധ്യാനിച്ചു കഴിഞ്ഞ ദിവസങ്ങളില്‍ തനിക്കുണ്ടായ അവബോധവും, ആത്മപരിശോധനയിലൂടെ ഉണ്ടായ കുറ്റബോധവും ഏറ്റുപറയുന്നതായിട്ടാണു ഞാന്‍ ആ ലേഖനത്തെ ആദ്യം മുതലേ കണ്ടതെന്ന് ലത്തീന്‍ കത്തോലിക്കാ സഭാംഗവും കപ്പൂച്ചീന്‍ സഭയിലെ മുതിര്‍ന്ന വൈദികനുമായ ഫാ.ഡോമിനിക് പത്യാല പ്രതികരിച്ചു. ഇതേ സാഹചര്യത്തില്‍ ചിലര്‍ വന്‍ ദേവാലങ്ങളില്‍ തിരക്കര്‍മ്മങ്ങള്‍ നടത്തി ചാനലുകളില്‍ ടെലികാസ്റ്റ് ചെയ്യുന്നതിനു മാധ്യമ പ്രവര്‍ത്തകരുടെ പിന്നാലെ പോയതിനേക്കാള്‍ എത്രയോ നല്ല കാര്യമാണ് തേലക്കാട്ടച്ചന്‍ ചെയതത്.

ലൂക്കായുടെ സുവിശേഷത്തില്‍ 18, 9 – 14 ല്‍ വിവരിക്കുന്ന പ്രീശന്റേയും ചൂങ്കക്കാരന്റേയും ഉപമ എന്റെ ഓര്‍മ്മയില്‍ വന്നു. പ്രീശന്‍ ദേവാലയത്തില്‍ നിവര്‍ന്നു നിന്നു ദൈവത്തിനു നന്ദി പറഞ്ഞു ഇപ്രകാരം പ്രാര്‍ത്ഥിച്ചു,’അക്രമികളും നീതിരഹിതരും വ്യഭിചാരികളുമായ മറ്റു മനുഷ്യരെപ്പോലെയോ, ഈ നില്ക്കുന്ന ചുങ്കക്കാരനെപ്പോലെയുമല്ല ഞാന്‍. ആഴ്ചയില്‍ രണ്ടു ദിവസം ഞാന്‍ ഉപവസിക്കുന്നു, എല്ലാറ്റിന്റേയും ദശാംശം കൊടുക്കുന്നു.” ചുങ്കക്കാരനാകട്ടെ ശിരസ്സുയര്‍ത്താന്‍ പോലും ധൈര്യപ്പെടാതെ മാറത്തടിച്ച്, ‘ദൈവമേ, പാപിയായ എന്റെമേല്‍ കനിയണമേ ‘ എന്നു പ്രാര്‍ത്ഥിച്ചു.

ഞാന്‍ മനസ്സിലാക്കുന്നത്, തേലക്കാട്ടച്ചന്‍ തന്റെ ലേഖനത്തിലൂടെ സമര്‍ത്ഥിക്കാന്‍ ശ്രമിച്ചത്, താന്‍ ജനിച്ചു വളര്‍ന്ന സമുദായം ആ പ്രീശ മനോഭാവം വച്ചു പുലര്‍ത്തുന്നതാണെന്നും ആ സമുദായത്തിന്റെ ഭാഗമെന്ന നിലയില്‍ താനും മറ്റുള്ളവരെ പുച്ഛ ഭാവത്തില്‍ കാണുകയും തങ്ങള്‍ എന്തൊക്കെയോ ആണെന്നു ധരിക്കുകയും ഒരു പുരോഹിതനെന്ന നിലയില്‍ വിശ്വാസികളെ പഠിപ്പിക്കുകയും ചെയതിട്ടുണ്ട്. അതു തെറ്റായ്‌പ്പോയെന്ന കുറ്റബോധം എഴുപതാം വയസ്സില്‍ ലഭിച്ചത് കൊറോണമൂലം മറ്റു തിരക്കകളൊന്നുമില്ലാതെ ദൈവസന്നിധിയില്‍ ചെലവഴിച്ചപ്പോഴാണ്. അതിന്റെ ഒരു ഏറ്റുപറച്ചിലായിരുന്നു ആ ലേഖനം. അതിലെ ചില പ്രയോഗങ്ങള്‍ തെറ്റിദ്ധാരണയ്ക്കിടയാവുകയും വിവാദമാവുകയും ചെയ്തു. അത് ഒരു സമുദായത്തെ അവഹേളിക്കുവാന്‍ മന:പൂര്‍വ്വം ചെയ്തതാണെന്നു ഞാന്‍ കരുതുന്നില്ല, അതും തേലക്കാട്ടച്ചനെപ്പോലെ ആദരണീയനായ ഒരു മഹത് വ്യക്തി. ഇതേപോലെ പല വ്യക്തികളും സമ്പത്തിന്റേയും, അധികാരത്തിന്റേയും, പ്രശസ്തിയുടേയും പിന്നാലെ പോകുന്നതിനു പകരം ദൈവസന്നിധിയിലേക്കു വന്നിരുന്നെങ്കില്‍ തേലക്കാട്ടച്ചനു ലഭിച്ചതു പോലെ കുറച്ചു വെളിച്ചം കിട്ടുമായിരുന്നു.- ഫാ.ഡോമിനിക് പത്യാല ചൂണ്ടിക്കാട്ടി.

ഫാ.പോള്‍ തേലക്കാട്ട് ദുഃഖവെള്ളിയാഴ്ച്ച എഴുതിയ ഒരു ലേഖനത്തെ വിവാദത്തിലേക്ക് വലിച്ചെഴക്കുന്നത് എന്തിനു വേണ്ടി എന്ന് ഇപ്പോഴും വ്യക്തമല്ലെന്ന് അത്മായ മുന്നേറ്റം കണ്‍വീനര്‍ അഡ്വ. ബിനു ജോണ്‍ പ്രതികരിച്ചു. സുറിയാനിക്കാരുടെ ഇടയില്‍ പുലര്‍ത്തി വരുന്ന ക്രൈസ്തവ വിരുദ്ധമായ ഉന്നത ജാതിചിന്തയും അഹന്തയും ക്രിസ്തുവചനങ്ങള്‍ക്ക് ചേര്‍ന്നതല്ലെന്നും മനുഷ്യന്‍ സാബത്തിനുവേണ്ടിയല്ല സാബത്തു മനുഷ്യനുവേണ്ടിയാണെന്നു മനസിലാക്കി തരാന്‍ ഇപ്പോള്‍ ഒരു വൈറസ് വേണ്ടി വന്നു എന്നു സറ്റയറിക്കല്‍ ഭാഷയില്‍ എഴുതി സ്വന്തം സഭയെക്കുറിച്ചു ആത്മവിമര്‍ശനം നടത്തിയതിനെ ഭാഗികമായി അടര്‍ത്തി വിവാദമാക്കിയത് ഏറെ അത്ഭുതപ്പെടുത്തുന്നു.

ലത്തീന്‍ സഭയും എറണാകുളം അങ്കമാലി അതിരൂപതയും തമ്മില്‍ എക്കാലവും അസൂയാവഹമായ ഹൃദയ ബന്ധവും സൗഹൃദവും പരസ്പര സഹകരണവും നിലനില്‍ക്കുന്നുണ്ട്. ലത്തീന്‍ സഭയിലെ പിതാക്കന്മാരും അല്‍മായരുമായി വളരെ വ്യക്തി ബന്ധം പുലര്‍ത്തുന്ന തേലക്കാട്ടച്ചന്‍ ലത്തീന്‍കാരെ അധിക്ഷേപിച്ചു ലേഖനം എഴുതി എന്ന ആരോപണം ശത്രുക്കള്‍ പോലും വിശ്വസിക്കുകയില്ല. തേലക്കാട്ടച്ചനെ പൊതു സമൂഹത്തില്‍ ആക്ഷേപിക്കുക എന്ന ഗൂഢ ലക്ഷ്യത്തിനു വേണ്ടി ചിലര്‍ കാണിക്കുന്ന തന്ത്രങ്ങള്‍ ഞങ്ങളെ വളരെ ദുഖിപ്പിക്കുന്നു. എറണാകുളം-അങ്കമാലി അതിരൂപത ഭൂമി വിവാദവുമായി ബന്ധപ്പെട്ട് സത്യത്തിനും നീതിക്കും വേണ്ടി നിലപാടെടുത്ത അതിരൂപത വൈദികരെ സമൂഹ മധ്യത്തില്‍ ഒറ്റപ്പെടുത്തി ആക്ഷേപിക്കുവാനുള്ള ചിലരുടെ ആസൂത്രിതമായ ശ്രമം ഇതിന്റെ പിന്നിലുണ്ടോയെന്ന് സംശയിക്കുന്നു. തേലക്കാട്ടച്ചനെയും അച്ചന്റെ എഴുത്തു ശൈലിയെയും അറിയുന്നവരും ലേഖനം പൂര്‍ണ്ണമായി വായിച്ചവരും ലേഖനത്തിലെങ്ങും ലത്തീന്‍ സമുദായ അധിക്ഷേപം ഉണ്ടെന്ന് ആരോപിക്കുമെന്ന് വിശ്വസിക്കുന്നില്ല. അനാവശ്യ വിവാദമുണ്ടാക്കി എറണാകുളം അങ്കമാലി അതിരൂപതയും ലത്തീന്‍ സഭയും തമ്മിലുള്ള പരമ്പരാഗതമായി നിലനില്‍ക്കുന്ന ഹൃദയ ബന്ധം ഇല്ലാതാക്കാമെന്നു ആരെങ്കിലും വിചാരിക്കുന്നുണ്ടെങ്കില്‍ അത് വൃഥാവിലാണെന്നു മാത്രം മനസിലാക്കുക.- അഡ്വ.ബിനു ജോണ്‍ പറഞ്ഞു.

The post എന്റെ ആത്മനിന്ദ ആരെയാണ് വിറളിപിടിപ്പിച്ചത്?നിശബ്ദ ഏകാകിയെ ഭയപ്പെടുന്നതാര്? ദുഃഖവെള്ളി ലേഖനത്തില്‍ വിവാദം കാണുന്നവരോട് ഫാ.പോള്‍ തേലക്കാട്ട്. appeared first on Daily Indian Herald.

മുംബൈ: മഹാരാഷ്ജ്‌ട്രയിലും ബിജെപി ഭരണത്തിലെത്താൻ സാധ്യത .മഹാരാഷ്ട്രയില്‍ ഉദ്ധവ് താക്കറെ നേതൃത്വം നല്‍കുന്ന സര്‍ക്കാര്‍ വന്‍ പ്രതിസന്ധിയില്‍. മുഖ്യമന്ത്രി ഉദ്ധവ് നിയമസഭ അംഗമല്ല എന്നതാണ് വെല്ലുവിളി. നവംബര്‍ 28നാണ് ഉദ്ധവ് താക്കറെ മഹാരാഷ്ട്ര മുഖ്യമന്ത്രിയായത്. ആറ് മാസത്തിനകം അദ്ദേഹം നിയമസഭയിലേക്ക് തിരഞ്ഞെടുക്കപ്പെടണം. ഈ കാലവധി മെയ് 28ന് അവസാനിക്കും. എന്നാല്‍ കൊറോണ വ്യാപന പശ്ചാത്തലത്തില്‍ തിരഞ്ഞെടുപ്പുകളെല്ലാം നിര്‍ത്തിവച്ചതാണ് ഉദ്ധവിന് തിരിച്ചടിയായത്.

മുഖ്യമന്ത്രിയായി സത്യപ്രതിജ്ഞ ചെയ്ത അദ്ദേഹം ആറ് മാസത്തിനകം നിയമസഭയിലേക്ക് തിരഞ്ഞെടുക്കപ്പെടണം. എന്നാല്‍ കൊറോണ രോഗം വ്യാപിച്ച പശ്ചാത്തലത്തില്‍ എല്ലാ തിരഞ്ഞെടുപ്പുകളും റദ്ദാക്കിയിരിക്കുകയാണ്. അങ്ങനെ വരുമ്പോള്‍ ഉദ്ധവിന് തിരഞ്ഞെടുപ്പ് നേരിടാനുള്ള സമയ പരിധി അവസാനിക്കും. തക്കം പാര്‍ത്തിരിക്കുന്ന ബിജെപി അവസരം മുതലെടുക്കുമെന്നാണ് സൂചന. ഈ കെണിയില്‍ നിന്ന് രക്ഷപ്പെടാന്‍ ഉദ്ധവ് താക്കറെ സര്‍ക്കാരിന് മുമ്പില്‍ മൂന്ന് പോംവഴികളാണുള്ളത്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

മഹാരാഷ്ട്ര നിയമസഭയ്ക്ക് രണ്ട് സഭകളാണുള്ളത്. ഉദ്ധവ് താക്കറെയെ നിയമസഭാ കൗണ്‍സില്‍ വഴി തിരഞ്ഞെടുക്കാനാണ് ശിവസേന ശ്രമിക്കുന്നത്. കൊറോണയെ തുടര്‍ന്ന് സഭ സമ്മേളിക്കില്ല. കൗണ്‍സിലിലേക്ക് ഗവര്‍ണര്‍ക്ക് അംഗങ്ങളെ ശുപാര്‍ശ ചെയ്യാം. തിരഞ്ഞെടുപ്പ് നടക്കാത്ത സാഹചര്യത്തില്‍ ഗവര്‍ണര്‍ പ്രത്യേക അധികാരം ഉപയോഗിച്ച് ഉദ്ധവിനെ ശുപാര്‍ശ ചെയ്യണമെന്ന് മന്ത്രിസഭ ആവശ്യപ്പെട്ടു.

ഏപ്രില്‍ ഒമ്പതിന് ചേര്‍ന്ന മഹാരാഷ്ട്ര മന്ത്രിസഭാ യോഗമാണ് ഗവര്‍ണര്‍ ഭഗത് സിങ് കോശിയാരിയോട് ശുപാര്‍ശ ചെയ്തത്. പക്ഷേ അദ്ദേഹം ഇക്കാര്യം ഇതുവരെ പരിഗണിച്ചിട്ടില്ല. നരേന്ദ്ര മോദി, അമിത് ഷാ തുടങ്ങി ബിജെപിയുടെ പ്രധാന നേതാക്കളുമായി അടുത്ത ബന്ധമുള്ള ഗവര്‍ണര്‍ ഉദ്ധവിനെ കൗണ്‍സിലിലേക്ക് ശുപാര്‍ശ ചെയ്യാനിടയില്ലെന്നാണ് സൂചനകള്‍.
ഗവര്‍ണര്‍ ശുപാര്‍ശ ചെയ്തില്ലെങ്കില്‍ ഉദ്ധവിന് നിയമസഭയിലെത്താന്‍ സാധിക്കില്ല. അങ്ങനെ വന്നാല്‍ രാജിവയ്‌ക്കേണ്ടി വരും. ഈ അവസരമാണ് ബിജെപി കാത്തിരിക്കുന്നത്. കഴിഞ്ഞദിവസം ബോംബെ ഹൈക്കോടതിയില്‍ ബിജെപി പ്രവര്‍ത്തകന്‍ മന്ത്രിസഭാ ശുപാര്‍ശക്കെതിരെ ഹര്‍ജി നല്‍കിയെങ്കിലും കോടതി മാറ്റിവയ്ക്കുകയായിരുന്നു. ഗവര്‍ണറുടെ തീരുമാനം നോക്കാമെന്നാണ് ഹൈക്കോടതി നിരീക്ഷിച്ചത്.

ഭരണഘടനയുടെ ആര്‍ട്ടിക്കിള്‍ 171 പ്രകാരം ഗവര്‍ണര്‍ക്ക് നിയമസഭാ കൗണ്‍സിലിലേക്ക് അംഗങ്ങളെ നാമനിര്‍ദേശം ചെയ്യാം. സാഹിത്യം, ശാസ്ത്രം, കല, സഹകരണ പ്രസ്ഥാനങ്ങള്‍, സാമൂഹിക സേവനം എന്നീ മേഖലകളില്‍ സംഭാവന ചെയ്തവരെയാണ് ഗവര്‍ണര്‍ക്ക് ശുപാര്‍ശ ചെയ്യാന്‍ സാധിക്കുക. ഇതില്‍ ഏത് ഗണത്തില്‍ ഉദ്ധവ് താക്കറെ വരുമെന്നത് വേറെ കാര്യം.

ഗവര്‍ണര്‍ക്ക് ശുപാര്‍ശ ചെയ്യാനുള്ള ക്വാട്ടയില്‍ രണ്ട് ഒഴിവുകളാണുള്ളത്. എന്‍സിപിയുടെ രണ്ട് അംഗങ്ങള്‍ ബിജെപിയിലേക്ക് കൂറുമാറിയതിനെ തുടര്‍ന്നാണ് ഈ ഒഴിവ് വന്നത്. എന്‍സിപി ഇപ്പോള്‍ ഭരണപക്ഷത്താണ്. പുതിയ രണ്ട് അംഗങ്ങളുടെ പേര് എന്‍സിപി ഈ വര്‍ഷം ആദ്യത്തില്‍ ഗവര്‍ണര്‍ക്ക് നല്‍കിയെങ്കിലും ഗവര്‍ണര്‍ പരിഗണിച്ചിരുന്നില്ല. ഉത്തര്‍ പ്രദേശില്‍ സംഭവിച്ചത് ഉത്തര്‍ പ്രദേശില്‍ മുമ്പ് സമാനമായ സാഹചര്യമുണ്ടായിരുന്നു. മുഖ്യമന്ത്രി ചന്ദ്രഭന്‍ ഗുപ്തയെ ഗവര്‍ണര്‍ നാമനിര്‍ദേശം ചെയ്താണ് അന്ന് പ്രശ്‌നം പരിഹരിച്ചത്. ഇത് ചോദ്യം ചെയത് സമര്‍പ്പിച്ച ഹര്‍ജി 1961ല്‍ സുപ്രീംകോടതി തള്ളുകയായിരുന്നു. ഗവര്‍ണറുടെ നടപടിയെ ശരിവയ്ക്കുകയായിരുന്നു സുപ്രീംകോടതി. ഗുപ്തയുടെ രാഷ്ട്രീയ-സാമൂഹിക ഇടപെടല്‍ പരിഗണിച്ചാണ് സുപ്രീംകോടതി അനുകൂല വിധി പ്രഖ്യാപിച്ചത്.

ഗവര്‍ണര്‍ ഭഗത് സിങ് കോശിയാരി അനുകൂല നിലപാട് സ്വീകരിച്ചില്ലെങ്കില്‍ മഹാരാഷ്ട്ര സര്‍ക്കാര്‍ വീഴുമെന്ന കാര്യത്തില്‍ തര്‍ക്കമില്ല. അങ്ങനെ വന്നാല്‍ ഉദ്ധവ് സ്ഥാനമൊഴിയേണ്ടി വരും. മറ്റേതെങ്കിലും ശിവസേന നേതാവിനെ മുഖ്യമന്ത്രിയായി പ്രഖ്യാപിക്കേണ്ടി വരും. ഏറെ രാഷ്ട്രീയ വിവാദങ്ങള്‍ക്ക് ഇടയാക്കുന്നതായിരിക്കും ഇതെല്ലാം.  ഉദ്ധവ് സര്‍ക്കാരിന് ഇനി തിരഞ്ഞെടുപ്പ് കമ്മീഷനെ സമീപിക്കാമെന്നതാണ് ഒരു പോംവഴി. കൗണ്‍സിലിലേക്കുള്ള തിരഞ്ഞെടുപ്പ് വേഗം നടത്തണമെന്ന് ആവശ്യപ്പെടാം. എന്നാല്‍ കൊറോണ വ്യാപന പശ്ചാത്തലത്തില്‍ നിയമസഭ ചേരാനും തിരഞ്ഞെടുപ്പ് നടത്താനും കമ്മീഷന്‍ തയ്യാറാകുമോ എന്നത് സംശയമാണ്. ഗവര്‍ണറെ കണ്ട് മന്ത്രിസഭാ ശുപാര്‍ശയില്‍ വേഗം നടപടിയെടുക്കണമെന്ന സര്‍ക്കാരിന് ആവശ്യപ്പെടാം. ഗവര്‍ണറോട് വേഗം തീരുമാനമെടുക്കണമെന്ന് ആവശ്യപ്പെടണം എന്ന് ചൂണ്ടിക്കാട്ടി സുപ്രീംകോടതിയിലോ ഹൈക്കോടതിയിലോ ഹര്‍ജി നല്‍കാം. എന്തൊക്കെ ചെയ്താലും ഗവര്‍ണറുടെ തീരുമാനം നിര്‍ണായകമാണ്. ബിജെപിയുടെ സമ്മര്‍ദ്ദത്തില്‍ ഗവര്‍ണര്‍ മറിച്ചുള്ള തീരുനമെടുക്കുമെന്നാണ് ശിവസേന സംശയിക്കുന്നത്.

The post മഹാരാഷ്ട്രയിൽ ഉദ്ധവ് താക്കറെയുടെ കൗണ്ട് ഡൗണ്‍ തുടങ്ങി!..ബിജെപി ഭരണം പിടിക്കാൻ സാധ്യത! appeared first on Daily Indian Herald.

കോഴിക്കോട്: കോഴിക്കോട് മെഡിക്കല്‍ കോളേജിലെ രണ്ട് ഹൗസ് സര്‍ജന്മാര്‍ക്ക് കൊറോണ സ്ഥിരീകരിച്ചതായി റിപ്പോര്‍ട്ട്. ലഭിച്ചത് തബ്ലീഗ് സമ്മേളനത്തിൽ പങ്കെടുത്തവരിൽ നിന്നെന്ന് സൂചനയുണ്ട്.മാർച്ചിൽ ഡൽഹിയിലേക്ക് വിനോദയാത്ര പോയ ഇവർ തിരികെ വന്നത് തബ്ലീഗ് സമ്മേളനത്തിൽ പങ്കെടുത്തവർ ഉണ്ടായിരുന്ന ട്രെയിനിലാണ്.ഇങ്ങനെയാകാം ഇവർക്ക് വൈറസ് ബാധ ഉണ്ടായതെന്നാണ് കരുതുന്നത്.

അതേസമയം, സംസ്ഥാനത്ത ഇന്നലെ 19 പേര്‍ക്ക് കൂടി കോവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയന്‍ അറിയിച്ചു. കണ്ണൂര്‍ ജില്ലയില്‍ നിന്നുള്ള 10 പേര്‍ക്കും പാലക്കാട് ജില്ലയില്‍ നിന്നുള്ള 4 പേര്‍ക്കും കാസര്‍ഗോഡ് ജില്ലയിലുള്ള 3 പേര്‍ക്കും കൊല്ലം, മലപ്പുറം ജില്ലകളിലുള്ള ഓരോരുത്തര്‍ക്കും വീതമാണ് രോഗം സ്ഥിരീകരിച്ചത്. ഇതില്‍ 13 പേര്‍ വിദേശത്തു നിന്നും 3 പേര്‍ തമിഴ്നാട്ടില്‍ നിന്നും ഒരാള്‍ ഉത്തര്‍പ്രദേശില്‍ നിന്നും വന്നതാണ്. 2 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

കണ്ണൂര്‍ ജില്ലയില്‍ നിന്നുള്ള 9 പേരും കാസര്‍ഗോഡ് ജില്ലയിലുള്ള 3 പേരും ദുബായില്‍ നിന്നും വന്നവരാണ്. പാലക്കാട് ജില്ലയിലുള്ള ഒരാള്‍ ഷാര്‍ജയില്‍ നിന്നും ഒരാള്‍ ഉത്തര്‍പ്രദേശില്‍ നിന്നും വന്നതാണ്. പാലക്കാട്, മലപ്പുറം, കൊല്ലം എന്നീ ജില്ലകളിലുള്ള ഓരോരുത്തര്‍ തമിഴ്നാട്ടില്‍ നിന്നും വന്നവരാണ്. കണ്ണൂര്‍, പാലക്കാട് ജില്ലയിലുള്ള ഓരോരുത്തര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. സംസ്ഥാനത്ത് 16 പേരാണ് ഇന്ന് രോഗമുക്തി നേടിയത്. കണ്ണൂര്‍ ജില്ലയിലെ 7 പേരുടേയും കാസര്‍ഗോഡ് ജില്ലയിലെ 4 പേരുടേയും (ഒരാള്‍ കണ്ണൂര്‍ ജില്ലയില്‍ ചികിത്സയിലായിരുന്നത്) കോഴിക്കോട് ജില്ലയിലെ 4 പേരുടേയും (2 കണ്ണൂര്‍ സ്വദേശികള്‍) തിരുവനന്തപുരം ജില്ലയില്‍ നിന്നുള്ള ഒരാളുടേയും പരിശോധനാ ഫലമാണ് നെഗറ്റീവായത്. ഇതോടെ 307 പേരാണ് ഇതുവരെ കോവിഡില്‍ നിന്നും രോഗമുക്തി നേടിയത്.

117 പേരാണ് നിലവില്‍ സംസ്ഥാനത്തെ വിവിധ ആശുപത്രികളില്‍ ചികിത്സയിലുള്ളത്. സംസ്ഥാനത്തെ വിവിധ ജില്ലകളിലായി 36,667 പേരാണ് നിരീക്ഷണത്തിലുള്ളത്. ഇവരില്‍ 36,335 പേര്‍ വീടുകളിലും 332 പേര്‍ ആശുപത്രികളിലും നിരീക്ഷണത്തിലാണ്. 102 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്. രോഗലക്ഷണങ്ങളുള്ള 20,252 വ്യക്തികളുടെ സാമ്പിള്‍ പരിശോധനയ്ക്ക് അയച്ചിട്ടുണ്ട്. ഇതില്‍ ലഭ്യമായ 19,449 സാമ്പിളുകളുടെ പരിശോധനാ ഫലം നെഗറ്റിവ് ആണ്.

The post കോഴിക്കോട് മെഡിക്കല്‍ കോളേജിലെ രണ്ട് ഹൗസ് സര്‍ജന്മാര്‍ക്ക് കൊറോണ,ലഭിച്ചത് തബ്ലീഗ് സമ്മേളനത്തിൽ പങ്കെടുത്തവരിൽ നിന്നെന്ന് സൂചന appeared first on Daily Indian Herald.

ബീംജിംഗ്:ഡബ്ല്യു.എച്ച്‌.ഒ-വിന് അമേരിക്ക ഫണ്ട് നിറുത്തിയതിന് പിന്നാലെ 30 മില്യണ്‍ ഡോളര്‍ അനുവദിച്ചു. ലോകാരോഗ്യ സംഘടനയ്ക്കുള്ള (ഡബ്ല്യു.എച്ച്‌.ഒ) ഫണ്ട് യു.എസ് മരവിപ്പിച്ചതിന് പിന്നാലെ 30 മില്യണ്‍ ഡോളര്‍ അധികമായി അനുവദിച്ച്‌ ചൈന. ചൈനീസ് വിദേശകാര്യ വാക്താവ് ഹുവ ചുന്‍യിംഗ് ആണ് ഇക്കാര്യം പ്രഖ്യാപിച്ചത്. വികസ്വര രാജ്യങ്ങളുടെ ആരോഗ്യ സംവിധാനങ്ങള്‍ ശക്തിപ്പെടുത്തുന്നതിന് വേണ്ടിയാണ് ഈ സംഭാവനയെന്നും അദ്ദേഹം വ്യക്തമാക്കി.

മാര്‍ച്ചില്‍ ലോകാരോഗ്യ സംഘടനക്ക് ചൈന 20 മില്യണ്‍ ഡോളര്‍ നല്‍കിയിരുന്നു. ട്വിറ്ററിലൂടെയാണ് ചൈനീസ് വക്താവ് ഇക്കാര്യങ്ങള്‍ അറിയിച്ചത്. ലോകാരോഗ്യ സംഘടനയ്ക്ക് ഏറ്റവും കൂടുതല്‍ പണം നല്‍കുന്നത് യു.എസ് ആണ്. എന്നാല്‍,​ കൊവിഡ് 19 പ്രതിസന്ധിയെ ദുര്‍വിനിയോഗം ചെയ്തു എന്ന് ആരോപിച്ചാണ് ഡബ്ല്യു.എച്ച്‌.ഒവിന് പണം നല്‍കുന്നത് യു.എസ് നിറുത്തിവച്ചത്. ഡബ്ല്യു.എച്ച്‌.ഒ ചൈനയ്ക്ക് അനുകൂലമായാണ് പ്രവര്‍ത്തിക്കുന്നത് എന്ന് യു.എസ് പ്രസിഡന്റ് ഡൊണാള്‍ഡ് ട്രംപ് ആരോപിച്ചിരുന്നു.

The post ഡബ്ല്യു.എച്ച്‌.ഒ-വിന് ചെെന സഹായം നല്‍കും’ അമേരിക്ക ഫണ്ട് നിറുത്തിയതിന് പിന്നാലെ 30 മില്യണ്‍ ഡോളര്‍ അനുവദിച്ചു appeared first on Daily Indian Herald.

തിരുവനന്തപുരം :സംസ്ഥാനത്ത് ഇന്ന് 10 പേർക്ക് കൂടി കോവിഡ് 19 സ്ഥിരീകരിച്ചുവെന്ന് മുഖ്യമന്ത്രി പിണറായി വിജയൻപറഞ്ഞു . ഇടുക്കി 4, കോഴിക്കോട് 2, കോട്ടയം 2, തിരുവനന്തപുരം 1, കൊല്ലം 1 എന്നിങ്ങനെയാണ് പോസിറ്റീവ് കേസുകൾ.എട്ട് പേർ ഇന്ന് കോവിഡ് മുക്തരായി. കാസർകോട് ആറ് പേരും, മലപ്പുറം, കണ്ണൂർ ജില്ലകളിൽ ഓരോരുത്തർ വീതവുമാണ് രോഗമുക്തരായത്.ഇന്ന് രോഗബാധ സ്ഥിരീകരിച്ച പത്ത് പേരിൽ നാല് പേർ അയൽ സംസ്ഥാനങ്ങളിൽ നിന്ന് എത്തിയവരാണ്. രണ്ട് പേർ വിദേശത്ത് നിന്ന് എത്തി. നാല് പേർക്ക് സമ്പർക്കം മൂലമാണ് രോഗം പിടിപ്പെട്ടത്.

129 പേരാണ് ഇപ്പോള്‍ ചികിത്സയില്‍ കഴിയുന്നതെന്നും മുഖ്യമന്ത്രി പിണറായി വിജയന്‍ പറഞ്ഞു. നിരീക്ഷണത്തിലുള്ളവരുടെ എണ്ണത്തില്‍ കുറവുണ്ടായിട്ടുണ്ട്. 23,976 പേരാണ് നിരീക്ഷണത്തില്‍ കഴിയുന്നത്. 23,439 പേര്‍ വീടുകളിലും 437 ആശുപത്രികളിലുമാണെന്ന് മുഖ്യമന്ത്രി അറിയിച്ചു. കണ്ണൂരില്‍ 2,592 പേര്‍ നിരീക്ഷണത്തിലുണ്ട്. കാസര്‍ഗോഡ് 3,126 പേരും കോഴിക്കോട് 2,770 പേരും മലപ്പുറത്ത് 2,465 പേരും നിരീക്ഷണത്തിലുണ്ട്. കാസര്‍ഗോഡ്, കണ്ണൂര്‍, കോഴിക്കോട്, മലപ്പുറം ജില്ലകള്‍ റെഡ് സോണില്‍ തുടരും. മറ്റ് ജില്ലകള്‍ ഓറഞ്ച് സോണിലാവും. റെഡ് സോണായി കണക്കാക്കുന്ന നാല് ജില്ലകളിലും നിലവിലെ നിയന്ത്രണങ്ങള്‍ തുടരും.

നേരത്തെ പോസിറ്റീവ് കേസില്ലാതിരുന്നതിനാല്‍ കോട്ടയം, ഇടുക്കി ജില്ലകളില്‍ ഇളവ് നല്‍കിയിരുന്നു. ഇന്ന് ഈ രണ്ട് ജില്ലകളിലും പോസിറ്റീവ് കേസുകള്‍ വന്നു. അതിനാല്‍ ഇവയെ ഗ്രീന്‍ സോണില്‍ നിന്ന് ഓറഞ്ചിലേക്ക് മാറ്റും.

ഓറഞ്ച് മേഖലയിലെ പത്ത് ജില്ലകളില്‍ ഹോട്ട്‌സ്‌പോട്ടുകളായ പഞ്ചായത്തുകളെ ഒരു യൂണിറ്റായി എടുക്കും. ഇവ അടച്ചിടും. മുനിസിപ്പല്‍ അതിര്‍ത്തിയില്‍ വാര്‍ഡുകളാണ് യൂണിറ്റ്. കോര്‍പ്പറേഷനുകളില്‍ ഡിവിഷനുകളാണ് യൂണിറ്റ്. ആ വാര്‍ഡുകളും ഡിവിഷനുകളുമാണ് മുനിസിപ്പല്‍, കോര്‍പ്പറേഷന്‍ അതിര്‍ത്തികളില്‍ അടച്ചിടുകയെന്ന് മുഖ്യമന്ത്രി പറഞ്ഞു. സംസ്ഥാനത്ത് വൈറസിന്റെ സാമൂഹ്യവ്യാപനമില്ലെന്നും എന്നാല്‍ ആശങ്ക മാറിയിട്ടില്ലെന്നും മുഖ്യമന്ത്രി പറഞ്ഞു.

കണ്ണൂരില്‍ പരിയാരം മെഡിക്കല്‍ കോളേജിലെയും, കോട്ടയം മെഡിക്കല്‍ കോളേജിലെയും കൊവിഡ് 19 ലാബിന് ഐസിഎംആര്‍ അംഗീകാരം ലഭിച്ചു. കണ്ണൂരില്‍ നാളെ മുതല്‍ കൊവിഡ് പരിശോധന ആരംഭിക്കും. ഇവിടെ നാല് റിയല്‍ ടൈം പിസിആര്‍ മെഷീനുകള്‍ സജ്ജമാക്കി. ആദ്യ ഘട്ടത്തില്‍ 15 ഉം പിന്നീട് 60 വരെയും പരിശോധന ദിവസം നടത്താനാവും. ഇതോടെ കേരളത്തില്‍ 14 സര്‍ക്കാര്‍ ലാബുകളില്‍ കൊവിഡ് 19 പരിശോധന നടത്തുവാന്‍ അനുമതിയായെന്ന് മുഖ്യമന്ത്രി അറിയിച്ചു. രോഗം ബാധിതര്‍ കൂടുന്നതിനാല്‍ 10 പിസിആര്‍ മെഷീന്‍ വാങ്ങാന്‍ തീരുമാനിച്ചിട്ടുണ്ടെന്നും അദ്ദേഹം പറഞ്ഞു.

തമിഴ്‌നാട് നിന്ന് കേരളത്തില്‍ പ്രവേശിച്ച ഡോക്ടര്‍ക്കെതിരെയും ഭര്‍ത്താവായ ഡോക്ടര്‍ക്കെതിരെയും കേസെടുത്തിട്ടുണ്ടെന്ന് മുഖ്യമന്ത്രി പറഞ്ഞു. വയനാട്ടില്‍ അധ്യാപിക കര്‍ണാടകത്തില്‍ പോയ സംഭവത്തില്‍ വൈത്തിരി പോലീസ് അന്വേഷണം ആരംഭിച്ചു. കര്‍ണാടകത്തില്‍ പണം വാങ്ങി കേരളത്തിലേക്ക് ആളുകളെ എത്തിക്കുന്ന ഏജന്റുമാരെക്കുറിച്ച് വിവരങ്ങള്‍ ലഭിച്ചിട്ടുണ്ട്. ഇക്കാര്യത്തില്‍ കര്‍ശനനടപടി സ്വീകരിക്കുമെന്ന് മുഖ്യമന്ത്രി പറഞ്ഞു.

തൊഴിലുറപ്പ് പദ്ധതിയുടെ പ്രവര്‍ത്തനം ആവാം. അഞ്ച് പേരുള്‍പ്പെട്ട ടീമിന് പ്രവര്‍ത്തിക്കാം. എന്നാല്‍ 60 വയസിന് മുകളില്‍ പ്രായമുള്ളവര്‍ മെയ് 3 വരെ തൊഴിലുറപ്പ് പ്രവര്‍ത്തനത്തില്‍ നിന്ന് മാറി നില്‍ക്കണം. മറ്റുള്ളവര്‍ സുരക്ഷാ മാനദണ്ഡം പാലിച്ച് ജോലി ചെയ്യണമെന്ന് മുഖ്യമന്ത്രി ആവശ്യപ്പെട്ടു.

സംസ്ഥാനത്തേക്ക് ചരക്ക് നീക്കത്തില്‍ പ്രശ്‌നങ്ങളില്ലെന്ന് മുഖ്യമന്ത്രി പറഞ്ഞു. 2,254 ട്രക്കുകള്‍ ഇന്നലെ വന്നു. പഴം, പച്ചക്കറി ഇനങ്ങളില്‍ വരവില്‍ പ്രശ്‌നങ്ങളില്ലെന്നും എല്ലാ ഇനത്തിന്റെയും സ്റ്റോക്ക് പരിശോധിച്ച് സാധനങ്ങള്‍ സംഭരിക്കാന്‍ നിര്‍ദ്ദേശം നല്‍കിയെന്നും മുഖ്യമന്ത്രി അറിയിച്ചു.

മൂന്നാറില്‍ ഭിന്നശേഷിക്കാര്‍ക്ക് റേഷന്‍ നിഷേധിക്കുന്നെന്ന വാര്‍ത്ത പ്രത്യേകം പരിശോധിക്കും. തെറ്റ് ചെയ്‌തെങ്കില്‍ കര്‍ക്കശമായ നടപടിയുണ്ടാകും. വ്യാജമദ്യ നിര്‍മ്മാണവും ഉപഭോഗവും കൂടുന്നുണ്ട്. അത് അപകടമാണ്. എക്‌സൈസ് വകുപ്പ് ശക്തമായി ഇടപെടുന്നുണ്ട്. പല സാമൂഹിക പ്രശ്‌നങ്ങളും ആത്മഹത്യകളും റിപ്പോര്‍ട്ട് ചെയ്യുന്നു. വ്യാജമദ്യത്തിന്റെ വ്യാപനം അനുവദിക്കില്ലെന്നും മുഖ്യമന്ത്രി വ്യക്തമാക്കി.

ദില്ലി തബ്‌ലീഗ് സമ്മേളനത്തില്‍ പങ്കെടുത്ത് തിരിച്ചെത്തിയ മുഴുവന്‍ പേരെയും കണ്ടെത്തി പരിശോധിച്ചെന്ന് മുഖ്യമന്ത്രി പറഞ്ഞു. ഇക്കാര്യത്തില്‍ വ്യാജ പ്രചാരണങ്ങള്‍ ശ്രദ്ധയില്‍ പെട്ടിട്ടുണ്ടെന്നും അദ്ദേഹം പറഞ്ഞു. ആരോഗ്യപ്രവര്‍ത്തകര്‍, പൊലീസ്, ഹോം ഡെലിവറി നടത്തുന്നവര്‍, സന്നദ്ധ പ്രവര്‍ത്തകര്‍, അതിഥി തൊഴിലാളികള്‍ എന്നിവര്‍ക്കിടയില്‍ സാമൂഹ്യ വ്യാപനം ഇല്ലെന്ന് ഉറപ്പാക്കാന്‍ റാന്‍ഡം ടെസ്റ്റ് നടത്തുമെന്നും മുഖ്യമന്ത്രി അറിയിച്ചു.

The post തമിഴ്‌നാട്ടിൽ നിന്നും നിന്ന് കേരളത്തില്‍ പ്രവേശിച്ച ഡോക്ടര്‍ക്കെതിരെ കേസ്. കാസര്‍ഗോഡ്, കണ്ണൂര്‍, കോഴിക്കോട്, മലപ്പുറം ജില്ലകള്‍ റെഡ് സോണില്‍ തുടരും.ഇന്ന് 10 പേര്‍ക്ക് കൊറോണ: 8 പേര്‍ രോഗമുക്തരായി appeared first on Daily Indian Herald.

കൊച്ചി:മുഖ്യമന്ത്രി പിണറായി വിജയൻറെ മകൾക്ക് എതിരെ പെരുമ്പാവൂർ എം എൽഎ എൽദോസ് കുന്നപ്പള്ളി ആരോപണം ഉന്നയിച്ചത് സ്ത്രീ വിരുദ്ധത എന്ന് പരക്കെ ആക്ഷേപം ഉയർന്നു കഴിഞ്ഞു.യാതൊരു തെളിവും പുറത്ത് വിടാതെ ഒരു സ്ത്രീക്ക് എതിരെ പൊതു സമൂഹത്തിൽ ആരോപണം ഉന്നയിച്ചത് ക്രിമിനൽ കുറ്റം ആണെന്നാണ് ആരോപണം.എൽദോസ് കുന്നപ്പള്ളി ചെയ്തത് ശുദ്ധ നാറിത്തരം ആണെന്നും ജനപ്രതിനിധി ആയ എൽദോസ് കുന്നപ്പള്ളി ആരോപണം ഉന്നയിക്കുമ്പോൾ അതിന് തെളിവ് കൂടി പുറത്ത് വിടണമെന്നും അഡ്വ.സിബി സെബാസ്റ്റ്യന്‍ ഫെയ്‌സ്ബുക്കിൽ കുറിച്ചു. ഒന്നുകിൽ പ്രതിപക്ഷം സ്പ്രിങ്ക്ലർ വിഷയത്തിൽ നിന്നും തടി തപ്പാൻ;ഓടി ഒളിക്കാനായി പുകമറ സൃഷ്ടിക്കുന്നു .അതിനായി കുന്നപ്പള്ളി ഒന്ന് രംഗത്ത് വന്നതാണ്. അല്ലെങ്കിൽ ചെന്നിത്തലക്ക് മുന്നിൽ ഒന്ന് ഹീറോ ആകാൻ വന്നതാണ് .ഇലക്ഷൻ അടുത്ത് വരികയല്ലേ,ചെറിയൊരു ബൂസ്റ്റിങ് ആണെന്നും സിബി സെബാസ്റ്റ്യന്‍ ഫെയ്‌സ് ബുക്കിൽ കുറിച്ചു.
സോണിയ ഗാന്ധി അമേരിക്കയിൽ ചികിത്സയിൽ പോയതിനെ വിമർശിക്കാതെ പിണറായി ക്യാൻസർ ചികിത്സക്ക് പോയതിനെ എന്തിനാണ് കുന്നപ്പള്ളി വിമർശിക്കുന്നത് എന്നും സിബി സെബാസ്റ്റ്യന്‍ പോസ്റ്റിൽ ചോദിക്കുന്നു .

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

പ്രമുഖ സോഷ്യൽ ആക്ടിവിസ്റ്റായ നവാസ് പായിച്ചിറയും എൽദോസ് കുന്നപ്പള്ളിക്കെ എതിരെ ഫെയിസ്ബുക്കിൽ കുറിച്ചു.മുഖ്യമന്ത്രിയുടെ മകളെ അപമാനിക്കരുത് .ഞാൻ ഒരുകോൺഗ്രസുകാരൻ ആണ് എന്നും പായ്ച്ചിറ എഴുതി .എന്തോന്നാണ് എൽദോസ് കുന്നപ്പള്ളി MLA താങ്കളെപ്പോലെയുള്ള ഒരു യുവ കോൺഗ്രസ്സ് MLA യ്ക്ക് ചേർന്നതാണൊ ഇത്തരം അപക്വമായ വായാടിത്വവും, സ്ത്രീത്വത്തെ പരസ്യമായി അപമാനിക്കലും ….? വീണ മുഖ്യമന്ത്രിയുടെ മകളായത് കൊണ്ടോ, ഏതെങ്കിലും കമ്പനിയുടെ MD ആയത് കൊണ്ടോ വീണ എന്ന സ്ത്രീയ്ക്ക് യാത്രാ വിലക്കുണ്ടോ ? അവർ എന്തെങ്കിലും നിയമ ലംഘനമോ, നിയമ വിരുദ്ധമായ പ്രവർത്തനങ്ങളൊ നടത്തിയെങ്കിൽ താങ്കൾക്ക് നട്ടെല്ല് ഉണ്ടെങ്കിൽ (ഉണ്ടങ്കിൽ മാത്രം മതി) നിയമപരമായി നേരിടണം. അല്ലാതെ ഒരു സ്ത്രീയെന്ന പരിഗണന പോലും നൽകാതെ ഇത്തരം ചീപ്പ് വായാടിത്വവും , വീണയുടെ ഫോട്ടൊ പ്രദർശി പ്പിക്കുകയും ചെയ്യുന്ന നാറിയ പരിപാടി താങ്കൾ കാണിക്കുന്നത് ശെരിയാണൊ ….?വീണയും ഒരു സ്ത്രീയല്ലേ ….?ഒരു ഭാര്യയല്ലേ …? അമ്മയല്ലേ …?സഹോദരിയല്ലേ …..? കുടുംബിനിയല്ലേ ….? എന്നും നവാസ് പായ്ച്ചിറ ചോദിക്കുന്നു .

അഡ്വ.സിബി സെബാസ്റ്റ്യന്റെ പോസ്റ്റ് പൂർണമായി :

ഇത് ശുദ്ധ നാറിത്തരമല്ലേ കുന്നപ്പള്ളീ എൽദോസേ -#സോണിയ ഗാന്ധി എന്തിനാ അമേരിക്കയിൽ പോയത് ?ഗംഗാധരനടുത്ത് വന്നാൽ പോരായിരുന്നോ ?എന്തൊരു അപാരത !സ്ത്രീവിരുദ്ധത…

എൽദോസ് കുന്നപ്പള്ളി പിണറായി വിജയൻറെ മകൾക്ക് എതിരെ പറഞ്ഞത് സ്ത്രീ വിരുദ്ധത അല്ലെ ? എന്ത് തെളിവാണുള്ളത് ?പറയുന്ന കാര്യങ്ങളിൽ എന്ത് തെളിവാണുള്ളത് എന്ന് ഏതോ ഒരു മാധ്യമ പ്രവർത്തകൻ ചോദിച്ചതേ കുന്നപ്പള്ളി വെറും പള്ളിയായി എന്നാതാണ് സത്യം …ഞാൻ ഒരു ആരോപണം ഉന്നയിച്ച് ‘ എന്ന് പറയാം നിങ്ങൾക്ക് എന്ന തരത്തിലേക്ക് വിറയലും വിക്കലുമായി .തെളിവുകൾ ഉണ്ടെങ്കിൽ തെളിവുകൾ അടക്കം പുറത്ത് വിടണം മെമ്പർ ഓഫ് ലെജിസ്ലേറ്റീവ് അസംബ്ളി..കോടിയേരിക്ക് ചികിത്സ നേടിയിടത്ത് തന്നെ പിണറായിക്കും ചികിത്സ നേടണോ ?രണ്ടുപേർക്കും ഒരേ രോഗമായിരുന്നുവോ ?കാൻസറിന്‌ പല വകഭേദവും ഉണ്ടെടോ മൂളയില്ലാത്തവനേ എന്ന് ആളുകളെ കൊണ്ട് പറയിപ്പിക്കണോ ?ഹൂസ്റ്റണിലെ ന്യുജേഴ്സിയിലോ അവർ പോകട്ടെ ? എന്തിനാടോ താങ്കളുടെ അഖിലേന്ത്യാ പ്രസിഡണ്ട് സോണിയ ഗാന്ധിഅമേരിക്കയിൽ ചികിത്സക്ക് പോയത് ?ഇവിടെ ഗംഗാധരൻ ഡോക്ടറുടെ അടുത്ത് വന്നാൽ പോരായിരുന്നോ? മെമ്പറല്ലേ നിങ്ങൾ ?ഇത് വായാടിത്തമാണ് -സ്ത്രീവിരുദ്ധതയാണ്.ശുദ്ധ തെമ്മാടിത്തമാണ്.

ഓരോ അവയവത്തിനും സ്പെഷ്യാലിറ്റി വകുപ്പുകളും -ഡോക്ടർമാരും ഉണ്ടെടോ ?അതിനു ന്യുയോർക്കിലോ -ടെക്‌സാക്സിലോ ഉള്ളവരുടെ അടുത്ത് പോകും ഒന്നുകിൽ പ്രതിപക്ഷം സ്പ്രിങ്ക്ലർ വിഷയത്തിൽ നിന്നും തട്ടി തപ്പാൻ ഓടി ഒളിക്കാനായി പുകമറ സൃഷ്ടിക്കുന്നു .അതിനായി കുന്നപ്പള്ളി ഒന്ന് രംഗത്ത് വന്നതാണ് അല്ലെങ്കിൽ ചെന്നിത്തലക്ക് മുന്നിൽ ഒന്ന് ഹീറോ ആകാൻ വന്നതാണ് കുന്നപ്പള്ളി.ഇലക്ഷൻ അടുത്ത് വരികയല്ലേ,ചെറിയൊരു ബൂസ്റ്റിങ്!..വാർത്താ സമ്മേളനത്തിന് പുറകെ ഭീഷണിയും എത്തി.നാടകമേ ഉലകം.വെറും നാറിയ പരിപാടി ആയിപ്പോയില്ലേ കുന്നപ്പള്ളീന്ന് പെരുമ്പാവൂരെ വിവരമുള്ള ചേട്ടൻമാരും ചേച്ചിമാരും ചോദിച്ചാൽ അത്ഭുതപ്പെടരുത് .ഞാൻ പച്ചക്കു തന്നെയാ പറയുന്നത് -ഇത് നാറിത്തരമാ..നിങ്ങളുടെ തന്നെ അഫിഡവിറ്റിൽ രണ്ട് ക്രിമിനൽ കേസ് എടുത്ത് പറയുന്നുണ്ട്.ഒരു ക്രിമിനൽ ഒഫൻസ് പറയുമ്പോൾ അതിന്റെ തെളിവുകൂടി പറയേണ്ടേ …ഡാറ്റാ അമേരിക്കക്ക് കിട്ടിയാൽ വിസ പോലും കിട്ടില്ല എന്നും തട്ടി !..എന്തൊരു അപാരത!.. ഊളനാകാം -മരയൂള ആകരുത്!..

വി.ഡി.സതീശൻ എം എൽ എ ഇവിടെ അയർലണ്ടിൽ വന്നിട്ടുണ്ട് .അദ്ദേഹം ഇവിടെ എവിടെ ഒക്കെ പോയിട്ടുണ്ട് എന്ന് വേണമെങ്കിൽ ഇവിടെ ഉള്ളവരെ ഉദ്ധരിച്ചും കണ്ടും പറയാം.വേണമെങ്കിൽ ചില സൈറ്റുകൾ നോക്കിയും -ചില ഫൂട്ടേജുകളും നോക്കി പറയാം .പക്ഷെ എൻറെ വീട്ടിൽ 6 തവണ വന്നു എന്ന് എന്നാരെങ്കിലും പറഞ്ഞാൽ അതിന്റെ തെളിവ് എന്താണെടോ ഉള്ളത് ?സിസിടിവി ഫൂട്ടേജ് എടുത്ത് വെച്ചിട്ടുണ്ടോ ?വീണ ആറോ പത്തോ തവണ അമേരിക്കക്കു പോകും.ആരെങ്കിലും യാത്ര വിലക്കിയോ ?നിയമവിരുദ്ധമായിട്ടാണോ പോയത് ? പോകുന്നതെല്ലാം രാജി തോമസിനെ കാണാൻ ആയിരുന്നോ ? രമ്യ ഹരിദാസിനെതിരെ ഇടതുമുന്നണി കൺവീനർ എ വിജയരാഘവന്‍ നടത്തിയ അധിക്ഷേപം കൂട്ടി വായിക്കണം. അവരുടെ ഫോട്ടോ പൊതുസമൂഹത്തിൽ പ്രചരിപ്പിച്ച് കൊടും കുറ്റവാളിയായി അവതരിപ്പിച്ചു തെറ്റല്ലെടോ? ഇതൊക്കെ വനിതാ പ്രചാരകരോക്കെ എവിടെ
പോയി ?

ഇന്നലെ ചെന്നിത്തല ഹൈക്കോടതിയിൽ ഹർജി ഫയൽ ചെയ്തത് സീരിയസ് ആയിരുന്നു എങ്കിൽ ചെന്നിത്തലയെ ആരോ പറഞ്ഞു പറ്റിക്കുന്നുണ്ട്.അയൽവക്കത്തെ കുമാരൻ തനിക്ക് വയറളിക്കം വന്നത് മീൻ കഴിച്ചിട്ടായിരുന്നു..അതും തന്റെ കുളത്തിൽ നിന്നും പിടിച്ച മീനിൽ നിന്നും ഫുഡ് പോയിസൺ ഉണ്ടായിരുന്നതാണ് എന്ന് ഡാക്ടറോട്‌ പറഞ്ഞ ഡാറ്റകൾ പുറത്ത് പോയി അതുകൊണ്ട് കുമാരന് നഷ്ടപരിഹാരം കൊടുക്കണമെന്ന് പറഞ്ഞു കുഞ്ഞിമൊയ്തീൻ കോടതിയിൽ പോയതുപോലുണ്ട് ആ പൊതുതാല്പര്യം!..എന്താ കോൺഗ്രസേ നിങ്ങൾ നന്നാകാത്തേ.? പ്രതിപക്ഷം സ്പ്രിങ്ക്ലർ വിവാദത്തിൽ നിന്നും പുറകോട്ടു പോകും എന്ന് മുന്നേ പറഞ്ഞതിലേക്കാണ് ചെന്നിത്തലയുടെ ഹർജിയുടെ പോക്കിലൂടെ മനസിലാകുന്നത്.ഒന്നുകിൽ പ്രതിപക്ഷനേതാവിനെ ആരോ തെറ്റായി ധരിപ്പിക്കുന്നുണ്ട്.അല്ലെങ്കിൽ ആരോ തെറ്റിലേക്ക് നയിക്കുന്നുണ്ട് .അല്ലെങ്കിൽ അദ്ദേഹത്തിന് ഇതുമായി വ്യക്തമായ ഗ്രാഹ്യം ഇല്ല.

എനിക്ക് അത്ഭുതം എന്തിനും ഏതിനും കയറി സ്ത്രീ വിരുദ്ധത എന്ന് മൊഴിഞ്ഞു കേസ് എടുക്കുന്ന വനിതാ കമ്മീഷൻ എവിടെ പോയി . ഒന്നും ഉരിയാടി ഇല്ലല്ലോ .പിണറായി വിജയൻറെ രമ്യഹർമം തുടങ്ങി വാർത്തകൾ പടച്ച മാധ്യമങ്ങളും സൈബർ കൊങ്ങികളും -സംഘികളും കമ്മികളും ഏവിടെ പോയി ? കമ്മികൾ എങ്ങനെ പോസ്റ്റ് ഇടും എന്ന സംശയം ഉണ്ടല്ലേ .എന്നാൽ പറയുന്നു പഴയ അച്യുതാനന്ദ ഗ്രൂപ്പുകളിലുള്ളവർ ഇപ്പോഴും സജീവമാണ് .അവർ ഒളിഞ്ഞും തെളിഞ്ഞും ഇപ്പോഴും പിണറായിയെ വേട്ടയാടുന്നുണ്ട്.

ഇതൊന്നുമല്ല കുന്നപ്പള്ളീ -കോൺഗ്രസേ വേണ്ടത് .പിണറായി ജനത്തിനൊപ്പം മുന്നേറുകയാണ്.നിങ്ങൾ പരാജയപ്പെട്ട മത്സരത്തിലാണ് . പിണറായിക്കൊപ്പം കൂടി മനുഷ്യർക്ക് ഒപ്പം കൂടി നിന്ന് മനുഷ്യരെപ്പോലെ ചിന്തിച്ചു പ്രവർത്തിക്കണം.നിങ്ങൾ മനുഷ്യർക്ക് ഒപ്പം ആണെന്ന ബോധ്യം അവർക്കുണ്ടാക്കണം.മനുഷ്യർ വലിയ നിസ്സാഹായതയിലാണ്.അവർ ജീവനിൽ ഭയന്നിരിക്കയാണ് .അതിനു സംരക്ഷണം കൊടുക്കുന്നവരുടെ കൂടെ അവർ നിൽക്കും.നിങ്ങൾ ഈ പറയുന്ന 200 ,കോടി ,800 കോടി ഒന്നും സാധാ ജനത്തിനു ദഹിക്കില്ല.കൊറോണ മൂലം ജീവനിൽ ഭയന്നിരിക്കുന്ന അവർക്കതു വിഷയവയും അല്ല. നിങ്ങൾക്ക് വിമർശിക്കാം എതിർക്കാം പോരായ്മകൾ ചൂണ്ടി കാട്ടാം.ശശി തരൂരും ഹൈബി ഈഡനും മനുഷ്യ ഹൃദയങ്ങൾ പാർട്ടി ഭേദമന്യ കീഴടക്കുന്നത് കാണുന്നില്ലേ ?അവർക്കൊപ്പം നിൽക്കൂ ..അവരെ പോലെ ആകുവിൻ. അതിനുശേഷം ഡാറ്റായുമായി വരണം.ചോദിക്കണം തെളിവുമായി .വെറുത്ത 2021 ലെ തിരഞ്ഞെടുപ്പ് ഡാറ്റ ഇപ്പോൾ വേകില്ല എന്നുമാത്രമല്ല -എതിരാവുകയും ചെയ്യും.

സൈബർ കോൺഗ്രസുകാർ തെറി വിളിച്ച് പറയുന്നപോലെ ഈയിടെയായി പിണറായി പ്രേമം ഇത്തിരി കൂടിയോന്നു ചെറിയ സംശയം ഇല്ലാതില്ല .എന്ത് ചെയ്യാനാ ആ മനുഷ്യൻ ഈ രോഗാവസ്ഥയിലും മറ്റുള്ളവരുടെ ശ്വാസംനിലക്കാതെ ഹൃദയം ശരിയായി ഇടിക്കാൻ പൊരുതുമ്പോൾ ഇത്തിരി പ്രണയം കൂടിയാലും സാരമില്ല . ശ്വാസം കിട്ടിക്കൊണ്ടിരുന്നാൽ മാത്രമേ ഹൃദയം ഇടിച്ചുകൊണ്ടിരിക്കൂ.ഹൃദയമിടിപ്പ് നിലച്ചാൽ പിന്നെ എന്ത് ഡാറ്റാ- കിട്ടും പഞ്ചായത്തിൽ നിന്നും ബന്ധുക്കൾക്ക് ഒരു മരണ സർട്ടിഫിക്കറ്റ്!!

–ന്നാപ്പിന്നെ ഡാറ്റായല്ല,ജീവിതമാണ് പ്രധാനം

The post ഇത് ശുദ്ധ നാറിത്തരമല്ലേ കുന്നപ്പള്ളീ.നിങ്ങൾ കളിക്കുന്നത് പരാജയപ്പെട്ട ഗെയിമാണ്.ജനങ്ങളുടെ ഹൃദയത്തിലാ പിണാറായി!.. appeared first on Daily Indian Herald.

പൂനൈ:കോൺഗ്രസ് പിന്തുണയുള്ള മഹാരാഷ്ട്ര ഭരണവും നഷ്ടമാകുന്നു .ഉദ്ധവ് താക്കറെക്ക് മുന്നിൽ രാജി അല്ലാതെ വേറെ വഴിയില്ല എന്നാണു പുതിയ റിപ്പോർട്ടുകൾ.ഇനി മുഖ്യമന്ത്രി സ്ഥാനത്തിരുന്നുകൊണ്ട് ഭരണം നിലനിർത്തണമെങ്കിൽ ബിജെപി കനിയണം . നവംബര്‍ 28നാണ് ഉദ്ധവ് താക്കറെ മഹാരാഷ്ട്ര മുഖ്യമന്ത്രിയായത്. ആറ് മാസത്തിനകം അദ്ദേഹം നിയമസഭയിലേക്ക് തിരഞ്ഞെടുക്കപ്പെടണം. ഈ കാലവധി മെയ് 28ന് അവസാനിക്കും. എന്നാല്‍ കൊറോണ വ്യാപന പശ്ചാത്തലത്തില്‍ തിരഞ്ഞെടുപ്പുകളെല്ലാം നിര്‍ത്തിവച്ചതാണ് ഉദ്ധവിന് തിരിച്ചടിയായത്.

മുഖ്യമന്ത്രിയായി സത്യപ്രതിജ്ഞ ചെയ്ത അദ്ദേഹം ആറ് മാസത്തിനകം നിയമസഭയിലേക്ക് തിരഞ്ഞെടുക്കപ്പെടണം. എന്നാല്‍ കൊറോണ രോഗം വ്യാപിച്ച പശ്ചാത്തലത്തില്‍ എല്ലാ തിരഞ്ഞെടുപ്പുകളും റദ്ദാക്കിയിരിക്കുകയാണ്. അങ്ങനെ വരുമ്പോള്‍ ഉദ്ധവിന് തിരഞ്ഞെടുപ്പ് നേരിടാനുള്ള സമയ പരിധി അവസാനിക്കും. തക്കം പാര്‍ത്തിരിക്കുന്ന ബിജെപി അവസരം മുതലെടുക്കുമെന്നാണ് സൂചന.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
ലെജിസ്ലേറ്റീവ് കൗണ്‍സിലില്‍ ഒഴിഞ്ഞ് കിടക്കുന്ന രണ്ട് സീറ്റുകളില്‍ ഒന്നിലേക്ക് എത്താനായാല്‍ മുഖ്യമന്ത്രിക്കസേര ഉദ്ധവിന് സംരക്ഷിക്കാം. ആ നിര്‍ദേശം സര്‍ക്കാര്‍ ഗവര്‍ണര്‍ക്ക് മുന്നില്‍ വെച്ചിട്ടുണ്ട്. എന്നാല്‍ ഭരണഘടനയിലെ സെക്ഷന്‍ 151എയിലെ റെപ്രസെന്റേഷന്‍ ഓഫ് പീപ്പിള്‍സ് ആക്ട് 1951 പ്രകാരം അംഗത്തിന്റെ കാലാവധി ഒരു വര്‍ഷത്തില്‍ കുറവാണെങ്കില്‍ തെരഞ്ഞെടുപ്പോ നാമനിര്‍ദേശമോ സാധ്യമല്ല

ഈ പോയിന്റാണ് മഹാരാഷ്ട്രയില്‍ ഗവര്‍ണര്‍ ഭഗത് സിംഗ് കോഷിയാരി പിടിച്ചിരിക്കുന്നത്. കാരണം ലെജിസ്ലേറ്റീവ് കൗണ്‍സിലിലെ രണ്ട് ഒഴിവുകളുടേയും കാലാവധി ജൂണ്‍ 6ന് മാത്രമാണ് അവസാനിക്കുന്നത്. മുന്‍ എന്‍സിപി നേതാക്കളായ രാമറാവു വാദ്കുഡെ, രാഹുല്‍ നര്‍വേകര്‍ എന്നിവര്‍ 2019 ഒക്ടോബറില്‍ രാജി വെച്ച് ബിജെപിയില്‍ ചേര്‍ന്നതോടെയാണ് രണ്ട് ഒഴിവുകളുണ്ടായത്.കൗണ്‍സിലിലെ 78 അംഗങ്ങളില്‍ 12 പേരെയാണ് ഗവര്‍ണര്‍ നാമനിര്‍ദേശം നല്‍കാന്‍ സാധിക്കുക. പൊതുവേ സാഹിത്യം, സയന്‍സ്, കല, സാമൂഹ്യ സേവനം പോലുളള മേഖലകളില്‍ കഴിവ് തെളിയിച്ചവരെയാണ് ഗവര്‍ണര്‍ നോമിനേറ്റ് ചെയ്യുക പതിവ്. എന്നാല്‍ ഒരു രാഷ്ട്രീയ നാമനിര്‍ദേശം ഗവര്‍ണര്‍ നടത്തിയാലും അതിനെ കോടതിയില്‍ ചോദ്യം ചെയ്യാന്‍ സാധിക്കുന്നതുമല്ല.

എന്നാല്‍ മുന്‍ ബിജെപി നേതാവായ മഹാരാഷ്ട്ര ഗവര്‍ണര്‍ കോഷിയാരി ഉദ്ധവിന്റെ കസേര വീഴാതെ കാക്കാന്‍ സഹായിക്കുമെന്ന് കരുതാനാവില്ല. ശിവസേന എന്‍ഡിഎ വിട്ടതിന് ശേഷം ദേവേന്ദ്ര ഫട്‌നാവിസിന് സത്യപ്രതിജ്ഞ ചെയ്യാന്‍ അവസരം നല്‍കിയ വ്യക്തിയാണ് എന്നതടക്കമുളള സാഹചര്യങ്ങളില്‍ പ്രത്യേകിച്ചും. ഗവര്‍ണര്‍ ഇതുവരെ മുഖ്യമന്ത്രിയുടെ കാര്യത്തില്‍ പ്രതികരിച്ചിട്ടില്ല.

മഹാരാഷ്ട്ര നിയമസഭയ്ക്ക് രണ്ട് സഭകളാണുള്ളത്. ഉദ്ധവ് താക്കറെയെ നിയമസഭാ കൗണ്‍സില്‍ വഴി തിരഞ്ഞെടുക്കാനാണ് ശിവസേന ശ്രമിക്കുന്നത്. കൊറോണയെ തുടര്‍ന്ന് സഭ സമ്മേളിക്കില്ല. കൗണ്‍സിലിലേക്ക് ഗവര്‍ണര്‍ക്ക് അംഗങ്ങളെ ശുപാര്‍ശ ചെയ്യാം. തിരഞ്ഞെടുപ്പ് നടക്കാത്ത സാഹചര്യത്തില്‍ ഗവര്‍ണര്‍ പ്രത്യേക അധികാരം ഉപയോഗിച്ച് ഉദ്ധവിനെ ശുപാര്‍ശ ചെയ്യണമെന്ന് മന്ത്രിസഭ ആവശ്യപ്പെട്ടു.താക്കറെ കുടുംബത്തില്‍ നിന്ന് ആദ്യമായി മഹാരാഷ്ട്ര മുഖ്യമന്ത്രിയാകുന്ന വ്യക്തിയാണ് ഉദ്ധവ് താക്കറെ. അതിന് വേണ്ടി വര്‍ഷങ്ങള്‍ നീണ്ട ബിജെപി ബന്ധം പോലും ഉപേക്ഷിക്കാന്‍ ശിവസേനയും ഉദ്ധവ് താക്കറെയും തയ്യാറായി. എന്നാല്‍ കോണ്‍ഗ്രസിനേയും എന്‍സിപിയേയും കൂട്ടപിടിച്ച് ശിവസേനയുണ്ടാക്കിയ മഹാവികാസ് അഖാഡി സര്‍ക്കാര്‍ വിടരും മുന്‍പേ കൊഴിയുമോ എന്ന ആശങ്കയാണ് മഹാരാഷ്ട്രയില്‍ ഇപ്പോള്‍. ഉദ്ധവ് താക്കറെക്ക് മെയ് മാസം പൂര്‍ത്തിയാക്കുന്നതിന് മുന്‍പ് രാജി വെക്കേണ്ടി വരും എന്ന അവസ്ഥയിലേക്കാണ് കാര്യങ്ങളുടെ പോക്ക്.

The post ഉദ്ധവ് താക്കറെക്കു മുന്നിൽ രാജി മാത്രം !മുഖ്യമന്ത്രിയായി തുടരാൻ കടക്കേണ്ടത് വൻ കടമ്പ!..കരുനീക്കവുമായി ബിജെപി. appeared first on Daily Indian Herald.

കൊച്ചി :ഡാറ്റാ വിവാദം ഉയർത്തിയ ചെന്നിത്തലക്കും കോൺഗ്രസിനും കനത്ത പ്രഹരം നൽകി കോടതി ഇടപെടൽ . സ്പ്രിൻക്ലർ കരാർ തൃപ്തികരമല്ലെന്ന് വ്യക്തമാക്കി ഹൈക്കോടതി കടുത്ത ഉപാധികളോടെ കരാറിന് അനുമതി നൽകി. വ്യക്തികൾ അറിയാതെയും അവരുടെ സമ്മതമില്ലാതെയും വിവരങ്ങൾ ശേഖരിക്കരുതെന്ന് സർക്കാരിനോട് നിർദ്ദേശിച്ച കോടതി സർക്കാർ ലോഗോ ഉപയോഗിക്കരുതെന്ന് സ്‌പ്രിൻക്ലറിനോട് ആവശ്യപ്പെട്ടു. വാണിജ്യ ആവശ്യങ്ങൾക്കായി ഡേറ്റ ഉപയോഗിക്കരുതെന്നും കമ്പനിയോട് ഹൈക്കോടതി ഡിവിഷൻ ബെഞ്ച് ആവശ്യപ്പെട്ടു. ഇതുമായി ബന്ധപ്പെട്ട് സ്പ്രിൻക്ലർ ഒരു പരസ്യവും നൽകരുതെന്നും കോടതി ഇടക്കാല ഉത്തരവിൽ വ്യക്തമാക്കി. മൂന്നാഴ്ചയ്ക്ക് ശേഷം ഹൈക്കോടതി കേസ് വീണ്ടും പരിഗണിക്കും.

കാര്യതാ ലംഘനമുണ്ടായാൽ സ്പ്രിൻക്ലർ കമ്പനിയെ വിലക്കുമെന്ന് വ്യക്തമാക്കിക്കൊണ്ടാണ് കോവിഡ് പ്രതിരോധ പ്രവർത്തനത്തിന് തടസ്സം വരാതിരിക്കാനായി ജസ്റ്റിസ് ദേവൻ രാമചന്ദ്രൻ അധ്യക്ഷനായ ഡിവിഷൻ ബഞ്ച് അനുമതി നൽകിയിരിക്കുന്നത്. ഇനി മുതൽ കമ്പനിയുടെ സോഫ്ട്‍വെയറിൽ ഡാറ്റ അപ്ലോഡ് ചെയ്യുന്നതിന് വ്യക്തികളുടെ അനുമതി വാങ്ങിയിരിക്കണം, കമ്പനിക്ക് ഒരു കാരണവശാലും വ്യക്തികളെ തിരിച്ചറിയാൻ കഴിയരുത്, വ്യക്തികളുടെ രഹസ്യാത്മകത ഉറപ്പാക്കണം, കോവിഡ് 19 പ്രതിരോധ പ്രവർത്തനങ്ങളുമായി ബന്ധപ്പെട്ട പരസ്യം നൽകാൻ പാടില്ല, കേരള സർക്കാരിന്റെ മുദ്രയും പേരും ഉപയോഗിക്കാൻ പാടില്ല, കരാർ കാലാവധിക്ക് ശേഷം മുഴുവൻ ഡേറ്റയും തിരികെ നൽകണം, സെക്കന്ററി ഡാറ്റകൾ കമ്പനിയുടെ കയ്യിലുണ്ടെങ്കിൽ നശിപ്പിച്ചു കളയണം തുടങ്ങിയ ഉപാധികൾ വച്ചുകൊണ്ടാണ് സർക്കാർ കരാറുമായി മുന്നോട്ടുപോകാൻ അനുവദിച്ചിരിക്കുന്നത്.

കൊവിഡ് പ്രതിരോധത്തെ ബാധിക്കുന്ന ഇടപെടൽ കോടതിയിൽ നിന്നുണ്ടാകില്ലെന്ന് വ്യക്തമാക്കിയ കോടതി മറ്റൊരു സാഹചര്യമായിരുന്നെങ്കിൽ ഇടപെടാമായിരുന്നുവെന്നും പറഞ്ഞു. സന്തുലിതമായ നിലപാട് മാത്രമെ ഇപ്പോൾ സ്വീകരിക്കാനാവൂവെന്നും കോടതി അറിയിച്ചു. സർക്കാരെടുത്ത പല നിലപാടുകളോടും യോജിക്കാനാകില്ല. കരാറിൽ സന്തുഷ്ടിയില്ല. സ്‌പ്രിൻക്ലറിന് നൽകുന്ന പേര്,മേൽവിലാസം, ഫോൺനമ്പർ എന്നിവ രഹസ്യമായി സൂക്ഷിക്കണമെന്നും ആധാർ വിവരങ്ങൾ സ്പ്രിൻക്ലറിന് നൽകരുതെന്നും കോടതി വ്യക്തമാക്കി.സ്പ്രിൻക്ലറെ കൂടാതെ ഡേറ്റ ശേഖരണം നടക്കില്ലെന്നാണ് സർക്കാർ പറഞ്ഞത്.അതുകൊണ്ട് മാത്രം കോടതി ഇപ്പോൾ ഇടപെടുന്നില്ല. എല്ലാ വ്യക്തിവിവരങ്ങളും രഹസ്യമാക്കാമെന്ന് സർക്കാർ സമ്മതിച്ചു. സ്പ്രിൻക്ളറുടെ കാലാവധിക്ക് ശേഷം കേന്ദ്രത്തെ സമീപിക്കാമെന്നും സംസ്ഥാന സർക്കാർ അറിയിച്ചു.കൊവിഡ് ഡാറ്റ മറ്റാർക്കും കൈമാറരുതെന്ന് സ്പ്രിൻക്ലറിനും കോടതി നിർദ്ദേശം നൽകി.വിശകലനത്തിന് ശേഷം സ്പ്രിൻക്ലർ പ്രൈമറി ഡേറ്റയും സെക്കൻഡറി ഡേറ്റയും സർക്കാരിന് തിരികെ കൈമാറണമെന്നും സ്പ്രിൻക്ലറിനോട് നിർദ്ദേശിച്ചു.

കേസിൽ കക്ഷിചേർക്കപ്പെട്ട രമേശ് ചെന്നിത്തല, സി.ആർ.നീലകണ്ഠൻ, ഐടി വിദഗ്ധൻ തുടങ്ങിയവരുടെ വാദത്തിനു ശേഷം സർക്കാർ അഭിഭാഷക വാദം തുടരുന്നതിനിടെയാണ് സർക്കാർ നടപടിക്കെതിരെയുള്ള കോടതിയുടെ പരാമർശം. ഡേറ്റയുടെ സുരക്ഷിതത്വം ഉറപ്പാക്കേണ്ടതു സർക്കാരുകളുടെ ഉത്തരവാദിത്തമെന്ന് അഭിഭാഷക പറഞ്ഞപ്പോൾ അത് എടുത്തു പറഞ്ഞ് വിവര സുരക്ഷിതത്വത്തിൽ കൂടുതൽ കരുതൽ വേണ്ടത് സർക്കാരിനു തന്നെയെന്ന് ഹൈക്കോടതിയും വിശദീകരിച്ചു.

2020ലെ പകർച്ചവ്യാധി ഓർഡിനൻസ് പ്രകാരം ഡേറ്റ ശേഖരിക്കാൻ സർക്കാരിന് അധികാരമുണ്ട്. അത് കേന്ദ്ര സർക്കാരിന്റെ മാനദണ്ഡപ്രകാരമാണു നടക്കുന്നത് എന്ന് ഉറപ്പാക്കേണ്ടത് തങ്ങളുടെ ഉത്തരവാദിത്തമെന്നും സർക്കാരിനു വേണ്ടി ഹാജരായ മുംബൈയിൽ നിന്നുള്ള സൈബർ വിദഗ്ധയായ അഭിഭാഷക എൻ.എസ്.നപ്പിനൈ വിശദീകരിച്ചു.സ്പ്രിൻക്ലർ കമ്പനി കരാർ ലംഘിച്ചാൽ അമേരിക്കയിൽ മാത്രമേ നിയമ നടപടി എടുക്കാൻ കഴിയൂ എന്ന വിവരം സർക്കാർ കോടതിയിൽ സമ്മതിച്ചു. എന്നാൽ ഏതെങ്കിലും തരത്തിൽ വിവരച്ചോർച്ചയുണ്ടായാൽ പൊതുജനങ്ങൾക്ക് ക്രിമിനൽ നടപടിയുമായി രാജ്യത്തെ കോടതികളെ സമീപിക്കാമെന്നും കോടതിയെ അറിയിച്ചു.

The post സ്പ്രിൻക്ലർ കരാറിന് ഹൈക്കോടതിയുടെ അനുമതി!..ചെന്നിത്തല ഇനി എന്ത് ചെയ്യും ? ആധാർ വിവരങ്ങൾ സ്പ്രിൻക്ലറിന് നൽകരുതെന്നും ഹൈക്കോടതി appeared first on Daily Indian Herald.

ന്യുഡൽഹി:മഹാരാഷ്ട്രയിൽ നിലവിലെ സാഹചര്യത്തിൽ മുഖ്യമന്ത്രിക്ക് മുന്നിൽ രാജി മാത്രമേ അവശേഷിക്കുന്നുള്ളു .നവംബര്‍ 28നാണ് ഉദ്ധവ് മുഖ്യമന്ത്രിയായി സത്യപ്രതിജ്ഞ ചെയ്തത്. മെയ് 27ന് മുമ്പ് അദ്ദേഹത്തിന് നിയമസഭയിലെ അംഗമാകേണ്ടത് അത്യാവശ്യമാണ്. ഇല്ലെങ്കില്‍ രാജിവെക്കേണ്ടി വരും. അതേസമയം മുഖ്യമന്ത്രി രാജിവെച്ചാല്‍ മന്ത്രിസഭ തന്നെ ഒന്നായി രാജിവെക്കേണ്ടി വരും. ഏപ്രില്‍ നിയമസഭയിലേക്ക് ഒഴിവ് വരുന്ന ഒമ്പത് സീറ്റുകളിലൊന്നില്‍ മത്സരിക്കാമെന്നായിരുന്നു ഉദ്ധവിന്റെ പ്രതീക്ഷ. എന്നാല്‍ കൊറോണയില്‍ എല്ലാം താളം തെറ്റി. ഇതോടെ ഗവര്‍ണറുടെ ക്വാട്ടയില്‍ എംഎല്‍സിയായി ഉദ്ധവിന് നിയമസഭയിലെത്താം. ഇതാണ് ഗവര്‍ണര്‍ വൈകിപ്പിക്കുന്നത്.

ഉദ്ധവിന്റെ രാജിയിലേക്ക് ഇപ്പോഴത്തെ സംഭവവികാസം നയിക്കുമെന്ന് ബിജെപി നേതൃത്വം ഉറപ്പ് നല്‍കുന്നു. അത്തരമൊരു പ്രതിസന്ധിയുടെ സാഹചര്യത്തില്‍ സഖ്യത്തിലെ മൂന്നാം പാര്‍ട്ടിയായ കോണ്‍ഗ്രസ് മഹാസഖ്യത്തില്‍ നിന്ന് പുറത്തുപോകുമെന്നും, അതോടെ സഖ്യം തകരുമെന്നും ബിജെപി പറയുന്നു. കോണ്‍ഗ്രസ് സഖ്യത്തില്‍ ഇടഞ്ഞ് നില്‍ക്കുകയാണ്. ഉദ്ധവ് പുറത്തുപോയാല്‍ എന്‍സിപിക്ക് കൂടുതല്‍ പ്രാതിനിധ്യം കിട്ടുമെന്ന് കോണ്‍ഗ്രസ് പറയുന്നുണ്ട്. നേരത്തെ തന്നെ എന്‍സിപി അവഗണിച്ചെന്ന വാദത്തിലാണ് കോണ്‍ഗ്രസ്.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

കോണ്‍ഗ്രസ് സഖ്യം വിടുമെന്ന വാദത്തില്‍ കഴമ്പുണ്ടെന്ന് ശിവസേന സമ്മതിക്കുന്നു. അധികാരത്തിന് വേണ്ടിയാണ് ഇമേജ് ഭാരം മറന്ന് കോണ്‍ഗ്രസ് ശിവസേനയ്‌ക്കൊപ്പം ചേര്‍ന്നത്. എന്നാല്‍ കോണ്‍ഗ്രസിലെ വലിയൊരു വിഭാഗം ഇതിനെ എതിര്‍ക്കുന്നുണ്ട്. ഇത് രാഹുല്‍ ഗാന്ധിയുടെ നേതൃത്വത്തിലുള്ള വിഭാഗമാണ്. രാഹുല്‍ തിരിച്ചുവരാനുള്ള തയ്യാറെടുപ്പുകള്‍ നടത്തുകയാണ്. ഈ സാഹചര്യത്തില്‍ സഖ്യം പൊളിയാനുള്ള സാധ്യത കൂടുതലാണ്. കോണ്‍ഗ്രസിന്റെ മതേതര ഇമേജിന് ശിവസേനയുമായുള്ള ബന്ധം കോട്ടം വരുത്തി എന്നാണ് രാഹുലിന്റെ വാദം.

ഗവര്‍ണര്‍ ഉദ്ധവിനെ ഇത്തരത്തില്‍ നാമനിര്‍ദേശം ചെയ്യാനാവുമോ എന്നതിന്റെ നിയമവശം കൂടി പരിശോധിക്കുന്നുണ്ട്. പരമാവധി ഈ നീക്കം വൈകിപ്പിക്കാനാണ് ശ്രമം. അതേസമയം ഗവര്‍ണര്‍ ഇത് അനുവദിച്ചില്ലെങ്കില്‍ സുപ്രീം കോടതിയെ സമീപിക്കാനാണ് ശിവസേനയുടെ ശ്രമം. മന്ത്രിസഭയുടെ ശുപാര്‍ശ കൂടി ഉള്ളതിനാല്‍ ഗവര്‍ണര്‍ സൂക്ഷിച്ച് കളിക്കേണ്ടി വരും. അതേസമയം ശിവസേന എന്‍സിപിയെയും കോണ്‍ഗ്രസിനെയും വിടാതെ കൂടെ നിര്‍ത്തുന്നുണ്ട്. എല്ലാ കാര്യങ്ങളും അവരുമായും ചര്‍ച്ച ചെയ്യുന്നുണ്ട്. അതേസമയം ഉദ്ധവിനെ നാമനിര്‍ദേശം ചെയ്യുന്ന സീറ്റിന്റെ കാലാവധി ജൂണ്‍ ആറിനാണ് അവസാനിക്കുക. മെയ് 28നുള്ളിലാണ് ഉദ്ധവിന് നിയമസഭാ അംഗമായി മാറേണ്ടത്. ഇതാണ് ആശങ്കകള്‍ക്ക് പ്രധാന കാരണം.

ഗവര്‍ണര്‍ക്ക് നിയമപ്രകാരം ശുപാര്‍ശ ചെയ്ത് 12 പേരെ നിയമസഭയിലെത്തിക്കാം. നിലവില്‍ രണ്ട് ഒഴിവുകളാണ് ഉള്ളത്. ഇത് എന്‍സിപിയിലെ രാഹുല്‍ നവരേക്കറുടെയും കോണ്‍ഗ്രസിലെ രാമറാവു വാദ്കുട്ടെയുടെയും രാജിയെ തുടര്‍ന്നാണ് വന്നത്. ഇവര്‍ ബിജെപിയില്‍ നേരത്തെ ചേര്‍ന്നിരുന്നു. മഹാസഖ്യം എന്‍സിപിയിലെ അതിഥി നലവാഡെയെയും ശിവരാജിറാവു ഗാര്‍ജെയെയും നിയമസഭയില്‍ എത്തിക്കാനായിരുന്നു പദ്ധതിയിട്ടത്. എന്നാല്‍ പ്ലാന്‍ മാറ്റുകയായിരുന്നു. സാഹിത്യം, കല, ശാസ്ത്രം, സാമൂഹ്യ സേവനം എന്നീ മേഖലയില്‍ കഴിവ് തെളിയിച്ചവരെയാണ് ഗവര്‍ണര്‍ ശുപാര്‍ശ ചെയ്യുക. രാഷ്ട്രീക്കാര്‍ക്ക് ശുപാര്‍ശ ലഭിക്കാറില്ല.

ബിജെപിയെ ഉപയോഗിച്ച് ഗവര്‍ണര്‍ തന്നെ പൂട്ടാനുള്ള ശ്രമത്തിലാണെന്ന് ഉദ്ധവിനറിയാം. അതുകൊണ്ട് പതിനെട്ടാം അടവും ശിവസേന പുറത്തെടുത്തിട്ടുണ്ട്. ഉദ്ധവിന് വൈല്‍ഡ് ലൈഫ് ഫോട്ടഗ്രാഫിയില്‍ കഴിവുണ്ട്. അറിയപ്പെടുന്ന ഫോട്ടോഗ്രാഫറുമാണ്. അതുകൊണ്ട് ഈ മേഖലയിലെ കഴിവ് ഉയര്‍ത്തി കാണിച്ച് ഗവര്‍ണര്‍ക്ക് ഉദ്ധവിനെ ശുപാര്‍ശ ചെയ്യാം. ഇത് ഗവര്‍ണര്‍ക്ക് തള്ളി കളയാനാവാത്തതാണ്. അതേസമയം ശിവസേന ഒരുവശത്ത് കടുത്ത ആരോപണങ്ങളാണ് ഗവര്‍ണര്‍ക്കെതിരെ ഉന്നയിക്കുന്നത്. ഗവര്‍ണര്‍ ബിജെപി ഏജന്റാണെന്ന് സഞ്ജയ് റാവത്ത് ആരോപിച്ചു.

കോവിഡ് കാലത്ത് അപ്രതീക്ഷിതമായി വന്ന് ചേര്‍ന്ന ഒരു രാഷ്ട്രീയ പ്രതിസന്ധിയെ പരിഹരിക്കാനുള്ള നെട്ടോട്ടത്തിലാണ് ശിവസേന. ഉദ്ധവ് താക്കറെയ്ക്ക് നിയമസഭയിലെത്താന്‍ ഈ സമയത്ത് തിരഞ്ഞെടുപ്പിലൂടെ നടക്കില്ല. പകരം എംഎല്‍സിയായി നാമനിര്‍ദേശം ചെയ്യാനുള്ള ഒരുക്കത്തിലാണ്. എന്നാല്‍ ബിജെപി ശരിക്കുമൊരു കളിയിലാണ്. ഗവര്‍ണര്‍ ഭഗത് സിംഗ് കോഷിയാരിയെ മുന്നില്‍ നിര്‍ത്തി ഉദ്ധവിനെ താഴെയിറക്കാനാണ് പ്ലാന്‍. ഇതുവരെ എംഎല്‍സിയായിട്ടുള്ള ശുപാര്‍ശ ഗവര്‍ണര്‍ അംഗീകരിച്ചിട്ടില്ല.

The post രാഹുൽ നേതൃത്വത്തിൽ വന്നാൽ മഹാരാഷ്ട്ര സഖ്യം പൊളിയും!..ഉദ്ധവിന് രാജിവെക്കേണ്ടി വരും appeared first on Daily Indian Herald.

തിരുവനന്തപുരം : ഗൾഫ് രാജ്യങ്ങളിൽ കോവിഡ്-19 രോഗമല്ലാത്ത കാരണങ്ങളാൽ മരണപ്പെടുന്ന മലയാളികളുടെ മൃതദേഹം നാട്ടിലെത്തിക്കുന്നതിനുള്ള തടസ്സങ്ങളും കാലതാമസവും ഒഴിവാക്കാൻ ബന്ധപ്പെട്ട ഇന്ത്യൻ എംബസികൾക്ക് നിർദേശം നൽകണമെന്ന് പ്രധാനമന്ത്രി നരേന്ദ്രമോദിക്ക് അയച്ച കത്തിൽ മുഖ്യമന്ത്രി പിണറായി വിജയൻ ആവശ്യപ്പെട്ടു. കോവിഡ് അവലോകനയോഗത്തിന് ശേഷം തിരുവനന്തപുരത്ത് നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. കേരളത്തിന് പുറത്തും രാജ്യത്തിന് പുറത്തുമുള്ള എല്ലാ മലയാളികളുടെ കാര്യത്തിലും അവരുടെ കുടുംബാംഗങ്ങളെ പോലെത്തന്നെ സര്‍ക്കാരിനും ആശങ്കയുണ്ടെന്ന് മുഖ്യമന്ത്രി പറഞ്ഞു. എന്നാല്‍ സംസ്ഥാന സര്‍ക്കാരിന് ഇടപെടുന്നതിന് പരിമിതിയുണ്ട്. കേന്ദ്രസര്‍ക്കാര്‍ മുഖേന മാത്രമേ സാധിക്കൂ. കേന്ദ്രസര്‍ക്കാര്‍ ഇക്കാര്യത്തില്‍ നടപടികള്‍ സ്വീകരിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.

വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.

മൃതദേഹങ്ങള്‍ നാട്ടിലേക്ക് അയക്കുന്നതിന് തടസ്സങ്ങളും പ്രയാസങ്ങളും നേരുടുന്നതായി ജിസിസി രാജ്യങ്ങളിലെ മലയാളി സംഘടനകളില്‍ നിന്ന് ധാരാളം പരാതികള്‍ ലഭിക്കുന്നുണ്ട്. ലോക്ക്ഡൗണിനെ തുടര്‍ന്ന് അന്താരാഷ്ട്ര വിമാനസര്‍വീസുകള്‍ നിര്‍ത്തിവെച്ചത് ഇപ്പോള്‍ തന്നെ ഗള്‍ഫ് മലയാളികളെ വലിയ പ്രയാസത്തിലും കടുത്ത മാനസിക സംഘര്‍ഷത്തില്‍ ആക്കിയിട്ടുണ്ടെന്നും അതിനിടയിലാണ് മൃതദേഹങ്ങള്‍ നാട്ടിലെത്തിക്കുന്നതുമായി ബന്ധപ്പെട്ട പ്രശ്‌നം കൂടി ഉടലെടുത്തതെന്നും മുഖ്യമന്ത്രി പറഞ്ഞു.

മൃതദേഹങ്ങള്‍ നാട്ടിലേക്ക് അയക്കുന്നതിന് ബന്ധപ്പെട്ട ഇന്ത്യന്‍ എംബസിയുടെ ക്ലിയറന്‍സ് സര്‍ട്ടിഫിക്കറ്റ് വേണം. ഇന്ത്യന്‍ എംബസികള്‍ ഇന്ത്യയിലെ കേന്ദ്ര ആഭ്യന്ത്രമന്ത്രാലയത്തില്‍ നിന്ന് നോ ഒബ്ജക്ഷന്‍ പത്രം വേണമെന്ന് നിര്‍ബന്ധിക്കുകയാണ്. കോവിഡ് 19 കാരണമല്ലാതെ മരണപ്പെടുന്നവരുടെ മൃതദേഹങ്ങള്‍ നാട്ടിലെത്തിക്കാന്‍ കേന്ദ്ര സര്‍ക്കാര്‍ നേരത്തെ അനുവദിച്ചിരുന്നു. അതിന് ഇത്തരം സര്‍ട്ടിഫിക്കറ്റ് ആവശ്യമുണ്ടായിരുന്നില്ല. അന്താരാഷ്ട്ര വിമാനസര്‍വീസുകള്‍ നിര്‍ത്തിയതിനാല്‍ ചരക്ക് വിമാനങ്ങളിലാണ് മൃതദേഹങ്ങള്‍ എത്തിച്ചിരുന്നത്.

ആഭ്യന്തര മന്ത്രാലയത്തിന്റെ സര്‍ട്ടിഫിക്കറ്റ് ഇല്ലാതെ തന്നെ മൃതദേഹങ്ങള്‍ അയയ്ക്കുന്നതിന് ക്ലിയറന്‍സ് നല്‍കാന്‍ ബന്ധപ്പെട്ട എംബസികള്‍ക്ക് നിര്‍ദേശം നല്‍കണം. ഇക്കാര്യത്തിലുളള നൂലാമാലകള്‍ ഒഴിവാക്കി മൃതദേഹങ്ങള്‍ താമസമില്ലാതെ നാട്ടിലെത്തിക്കാനും കുടുംബാംഗങ്ങള്‍ക്ക് അന്ത്യകര്‍മങ്ങള്‍ നടത്താനും സൗകര്യമൊരുക്കണമെന്നും സംസ്ഥാനം പ്രധാനമന്ത്രിയോട് അഭ്യര്‍ഥിച്ചതായി മുഖ്യമന്ത്രി വ്യക്തമാക്കി.
വിമാന ടിക്കറ്റ് റീഫണ്ടില്‍ മുഴുവന്‍ തുകയും തിരികെ കിട്ടുക ലോക്ക്ഡൗണ്‍ ദിനങ്ങളില്‍ ബുക്ക് ചെയ്തവര്‍ക്ക് മാത്രമാണ് എന്ന നിബന്ധന നീക്കണമെന്ന് കേന്ദ്ര സര്‍ക്കാരിനോട് ആവശ്യപ്പെടുമെന്നും മുഖ്യമന്ത്രി പറഞ്ഞു.

The post ഗള്‍ഫ് രാജ്യങ്ങളില്‍ മരണപ്പെടുന്ന മലയാളികളുടെ മൃതദേഹം നാട്ടിലെത്തിക്കുന്നതിലുള്ള തടസം ഒഴിവാക്കണം-പ്രധാനമന്ത്രിയോട് മുഖ്യമന്ത്രി appeared first on Daily Indian Herald.